هذي قصيده لاحدا طالبات الكليه هي فتاة بدويه وفي يوم من الايام مرت عليها احدا الحظريات وقالت( شوفو البدويه).فابدعة هذه الفتاه بهذه القصيده بيض الله وجها اشهد بالله انها بنت حصان الله يستر عليها ويوفقها في حياتها .....اليكم القصيده




ايـه ابـدويه ريحـتى بـن وبهـار = هـذا شـرف مـاهـو بحـقى خـطيّه
انـا ابـدويـه بنت حــرٍ مـن احـر = فـزعـات ربعـى بالـشدايـد قويّـه
انـا هــلى يـابنـت وافيـن الاشـبـار = كـانك جهـلتى مـن انـا ياغـبيّـه
يـاجاهـله ماتغـذى الشـمس الانـوار = حنا كما شمسِ على الارض ضيّه
حـناهـل الـطولات هـيـبه ومقـدار = حـنّـا مـثـل لـلشـرف والـحـميّـه
حـنـا الطـنايـا لـلكـرم رمـز وشعار = حـنـا خـويٍ مـايخـلـي خـويّـه
الذيب يـوم انـه عوى وسط الاسعار = عشـّوه ربعـى مـن سـنينٍ مديّـه
يـوم ان جـدك وثـّق القـفـل بـالـدار = بيت الشعر مفتوح صبح وعشيّه
لـلضـيف ريـف ولـلمعاديـن جبّـار = نِـرد الفيـاض ولانهـاب المـنيـّه
يابـنت لـو بكـتب مـن الشعر أشعـار = تـعجـز مـعانـى حـروف ابـجديّـه
الـلعب..خلـّى اللـعب لـعيال شـطار = لاتدخـلين اـلسيـل وانـتى نديّـه

__________________

لاهنت اخوي عز الله انها قصيده جزله وطيبه وصح لسان ناقلها

وسلملي عليها وهي تقول فـزعـات ربعـى بالـشدايـد قويّـه (هب ياذا البنت عز الله انها بنت رجال ماعليك من الحكي )

حـنـا خـويٍ مـايخـلـي خـويّـه <--- عز الله ضربت على بنت الرخوم ماعليك من الحكي ..هلا هلا

لـلضـيف ريـف ولـلمعاديـن جبّـار = نِـرد الفيـاض ولانهـاب المـنيـّه
8
8
8
8
اقول اضرب على القاسي ياولد ماعليك من الحكي هذي ماتلهم الحتسي

المهم لاهنت ودي اسألك من راعي القصيده ياولد ننتظر رد واكيد انها شاعره كبيره وهذي مافيها كلام

على العموم ننتظر جديدك وردك على الاستفسار وفوق هذا نبي قصايد مثل هالمستوى ولا فلاااااااااااااااااااااااااااااا

وصح لسانك

ماكذبت بنت الاجاويد

^
^
^

الى هنا وكفايه مالها داعي ندخل بمتاهات

------> حاس بتصير مشاكل بالموضوع

ت ت تشاااو

كفو والله

عادي لا مشاحنات ولا مشاكل

كل واحد يفتخر بساسه وأهله


الـلعب..خلـّى اللـعب لـعيال شـطار = لاتدخـلين اـلسيـل وانـتى نديّـه



مشكوووور اخوي سيف ،،،

ولا تنسى قصيدة /


قالت بـدو المشهورة للشاعر الكويتي طلال السعيد

__________________

________________________



.. Bitte nicht Webstühlen für die Reisenden
.. Der Reisende wird sich zeigen


[عفواً يمكن مشاهدة الروابط للمسجلين فقط للتسجيل اضغط هنا]

قصيده رائعه وحبلي على خشمها بقوه

مشكور على النقل الرائع

__________________

يعطيك العافيه اخووي

وكلن فيه حقه بدوي او حضري

وللكل حق في مدح نفسه

بس صراحه ذا القصيده

عزالله انها كفت وفت بها

وبصراحه بس الحريم عن رجال في الكلام

والبنت ذي جات من ضهر رجال


والله لايهينك على هالنقل الي اكثر من رائع

حـناهـل الـطولات هـيـبه ومقـدار = حـنّـا مـثـل لـلشـرف والـحـميّـه
حـنـا الطـنايـا لـلكـرم رمـز وشعار = حـنـا خـويٍ مـايخـلـي خـويّـه
الذيب يـوم انـه عوى وسط الاسعار = عشـّوه ربعـى مـن سـنينٍ مديّـه
يـوم ان جـدك وثـّق القـفـل بـالـدار = بيت الشعر مفتوح صبح وعشيّه



الله يعطيها العافيه بنت الطنايا ..
عز الله سكتتهم بنت معشي الذيب .

يعطيك العافيه اخوي على النقل الراااائع

تحياتي لكـ
هبوب الشمال

اهنيك حلوه بالحيل


بس ...............


كنت ابي اقول لك احلى واحلى للمزيد اخوي


والله لا يهينك كنت رايق بالحيل في نقله لنا .