يادلال ان ضاع صوتي لايضيع اللي بقى=لاتضيع الصوره اللي في خيالك يادلال
يابعد طول المسافه..والكلافه..والشقى=يابعد كل الحياة..وكل ماجاب الخيال
ماورى سود اليالي والفراق الا اللقا=وش تبين بهالدموع الزرق يابنت الحلال
اتركي عنك الدموع..وخلي الحزن يهقى=ان ماله فالقلوب الطيبه أية مجال
كلها جرح ونشوف الليل لامنه اتقى=في جلال الصبح جعل الصبح مايلقى جلال
اقبلي قبل انتفارق..والوصال ابوالنقا=ودي آخذك بيدينك..والنقا ولد الوصال
اقبلي واليوم يوم الشعر..كانه مارقى=يم ذيك الغيمه اللي كنها طبلة تعال
لايجي باكر يغني : ياسقى الله وسقى=كل شي ان طال زال..الا القصايد ماتزال
لعنبو ذكرى القصايد..كان ذكراها محقا=كل بيت وذكرياته في ملامحها سؤال
وينها اللي كنت انا والصبح ويديها شققا=اي فال اللي رماني في خيالك..اي فال
آآه كان الشعر راح..ورحتي انتي..وش بقى=مابقى لي غير اجر الصوت واسري يادلال

ليت بعض الناس يتعلمون منك

ذكرتني بوزنية قصايد خلف هذال ..