السلامو عليكم كلبوكم

وشلونكم كلبوكم

بعض المرات الواحد يستغرب من نوع الاكل الي يأكله
او يستغرب من الاصناف الي اختارها

عموماً
الي ابي واصل له هالموضووع ماطلع الا بعد مامسكت على حب شمسي
وسفن اب

يعني لحد يشره s3


نخوووووش دووغري

:: قبصه ::


لكل منا طريقت الخاصه .. ووسيلته المثلى في ايجاد الجسر الموصل لما يريد اِيصاله في نفس القاري
قد نسلك طريق متعرج وهذا مايسمى بالرمزيه او نسلك طريق مستقيم واضح وهذا مايسمى بالواقعيه
عموماً
هي مجرد افكار ونحن نضعها في قوالبنا اما رمزيه او واقعيه
وتختلف القوالب من شخص لشخص





:: الموضوووع ::


الاقتناع والانبساط لاعلم مدى العلاقه بينهم وهذا ان كان بينهم علاقه في الاصل

لكن اكاد اجزم ان الوصوول الى اعلى درجات الانبساط لابد ان تكون عن طريق قناعه تامه

اي مروور الانبساط في محطة الاقتناع ضرووري

شيء طبيعي اختلاف درجات الانبساط من شخص الى شخص
لكن العامل المشترك بينهم هي القناعه بها ولكن
هل كل مايقنعك تكون مبسوط منه؟

::
::

موقف حصل لي قبل فتره فتح لي المجال بالتفكير في هالموضووع

الموقف
شخص (صديق لي) جالس مهمووم مظايق ساكت الى ان سألته
وقلت له : عسى ماشر يابو ابراهيم وش مضايقك علمني نعنبو شين يضايقك؟
رد علي وقال : انا موظف في وظيفه تعتبر حلم لكل شاب وانا مقتنع انها من افضل الوظائف وكل شاب مواطن عربي سعودي يشجع المنتخب يطمح يشغل
هالوظيفه
لكن ماني مبسوط فيها <<< ودي ارنعه وقتها بالولاعه

طال نقاشي انا وياه
وسألته عن الامور الي كان يبيها تتوفر في وظيفته ويكوون مبسووط منها
وبعد كلامه لقيت الامر الي ذكرها متوفره في الوظيفه الي انا اشغلها لكن مافيها مجال مقارنه
بين الوظيفتين من ناحية الاقتناع بحكم ان وظيفته فيها فرص تطور
اكثر من وظيفتي بشكل كبير

انتهى نقاشنا بدون نتيجه
وبعد النقاش جا في بالي سؤال الا وهو

متى الانسان ينبسط علشان يقتنع ومتى يقتنع علشان ينبسط؟

نقطه اخيره
انا ضربت مثال بالوظيفه لانها قد تكون سبب من اسباب الانبساط
اما مجال الانبساط مجال واسع وفي كل تعاملاتنا الحياتيه وبأي شكل من الاشكال
قد نقيس على هذا السؤال
اي موقف نمر فيه

يعني يختلف من موقف الى موقف


ودمتم كلبوكم قسم بالله

__________________
.
.
.
.








^
^
^
ياحبني لك ياكانوتيه





اللهم انصر أهل غزة
وثبت مجاهديهم
ومكنهم من بني صهيون
.. يااااااااااارب

هلا ابو رحله وعليكم السلام

اول شي خلني اطق الموضوع بتثبيت قل ليش

قلت لي ليش

لانه منقووول

صح منقول من كيبوردك العفوي بعيداً عن اي تكلف

واشوفها مناسبه اني اقول لأغلب الاعضاء اللي يترددون في كتابة المواضيع

يشوفون موضوع مديرنا عفوي من ناحية الصياغه يعني مثل واحد يسولف بالفعل في مجلس

والعفوي لايلغي الفكره وجمال الموضوع ..

ولي رجعه ان شاء الله للتعليق على الموضوع << اخيرا قلتها

__________________
( دعوه للـعناد والتمسك بالرأي )

ليس كل ما هو شائع صحيح ..!

أهلين شبوب الحبوب

سؤال رائع

متى الإنسان ينبسط عشان يقتنع ومتى يقتنع عشان ينبسط؟

الإنسان ينبسط إذا شاف أن الأمر اللي يحاول يقنع نفسه فيه يتوافق مع ميولة

ورغباتة الشخصية وما يحس أن الأمر مفروض عليه فرض بالتالي تقتنع

نفسه بها الشي ويعيش مبسوط>>هذي سهلة



لكن متى يقتنع الإنسان عشان ينبسط؟؟؟؟؟؟؟؟؟؟>>>>>>هينا السؤال

في أشياء كثيرة يجد الإنسان نفسه مجبر أنه يقنع نفسه فيها شاء أم أبى s5

لكن مهما حاول أنه يبدومبسوط بها الشي وهو في قرارة نفسة مو مقتنع

بتلقاه يعيش في صراع نفسي وبكذا يضر نفسه مو ضار غيرة

يمكن ما أكون جبت شي جديد بس هالسؤال جاي في الصميم و في وقته

لأني أبي أقنع نفسي في شي مو مقتنعة فيه


أنا أتكلم عن شي بعيد عن الوظيفة

ومشكوووووووووووووووووووووورة يا شبوب على هالموضوع الرائع

سلاااااااام

سريع .... سريع >> لان جااااني النووم


ابورحله كيف حالك

قبل الموضوع انا شفتك كاتب المنتخب

عسى ماشر ناووي تسد نفسي

وانا في بداية الموضوع

المفرووض كلنا نسوي توقيع واحد ونقوول فيه

سود الله وجيهكم يا لعيبة المنتخب على ماهي سود

نوووخش على الموضوع ونزلب الكتااابة الللي فوووق

انا عندي شرح او امثله يمكن توصل الى نتيجه

اولا:متى الانسان ينبسط علشان يقتنع

الانسان مايجبر نفسه على الاقتناع بشي معين

الا لشئ ظروري او بالأصح مصيري مثل الوظيفه

طبعا الامر اللي مهب مصيري اقتنعت فيه او عمري ماقتنعت

ماراح انبسط علشان اقتنع ((او اضحك على نفسي وانبسط على اساس اتوصل الى الاقتناع))

بس المووووت اذا الوضع خطيررر ومصيري

يعني انك تبسط نفسك لحاجه معينه لتقتنع فيها

ونفسيا تتعايش معها باقتناع

على انها عااادي شبااااب في رحله

الى ان تقتنع طوعاً أو كرهاً

بما انك طريت الوظيفه

مثال: لو تم نقلك وظيفياً غصب عنك من مدينتك اللي انت فيها

خلنا نقووول ان مدينتك الخبر لانها اارقى مدينة في المنطجة


((لاحظ انك كنت تعيش في الخبر في بيئة متطورة ))

((وناس وجيهم ترد الروح وكل شي تبيه موجود في مدينة الخبر ))

ونقلوك وين الى مكان نائي مافيه الا عشرين بيت تقريباً وتحس انك انت

الوحيد اللي فاهم فيهم ومفتح>>الصاحي فيهم

وتخيل ان ذا المكااان مافيه الا بقاله واحده وحلااااق وااحد ومغسلة واحده

وخباز واحد وفوال واحد ومطعم بخاري واحد >> اذا لقيت شي ذبانة شعرة

مع الرز لاتسوي نفسك نظيف وتنافخ على الافغاان

ياويلك والله ماتذوق الغدا ثاني يووم

طبعا كلهم في محطة البنزين اللي على الطريق

محل انترنت مافيه محل فيديو مافيه تسجيلات مافيه

جميع وسائل الترفيه معدومه

وانت تقول في قرارة نفسك مكاني مهب هنااا

وكل مافكرت في وضعك لفحك العج على وجهك وقااال البخ

بتقتنع ولا في قريح >> طبعا العج اللي يقوله لك لأن مافيه احد اصلا تفضفض له ويفضفض لك

المهم.: الحين يابورحله تخيلت المقطعه اللي انت فيها

هااه بتسوي زي ابو ابراهيم وتفصل من الوظيفه علشانك ماقتنعت

ولا تصبر وتقنع نفسك وتقوول انا احسن من غيري وتدوور شباب تقزر معهم الوقت

لين الخميس والجمعه؟؟؟ وتروح الى اهلك

ماراح تلقى شباب اصلاً ...

الله يعينك تعلم الكريكت وتلعب مع ابو هنّـــود

انا هنااا اقووول ماراح ابسط نفسي علشان اقتنع

راح اقتنع غصباً عن خشمي لو اني ابكي على ماجرى لي ياهلي

بس اعيش مبسوط ولا اعيش في نكد مادامني عارف

المنتهى وش مصيره

هذي شغله مافيها تخّير عند الرجاال العااقل .

اما اذا الدعوه سلاماات مافيها شي ضروري مصيري

اذا انا مقتنع فيها بسويها واذا انا ماني مقتنع فيها بدحرجها عن طريقي

وهذي النقطه تزحلقنا من الشطر الاول لسؤال الى الشطر الثاني وهو

ثانيا:متى الانسان يقتنع علشان ينبسط

هذي تدخل في المثل المشهوور او الحكمة

القنااااعة كنز لايفنى

اذا كنت مقتنع بما قسمه الله لك راح تكون اسعد انسان في الدنيا

صدقني يابورحله ان الرابح اللي ينام مايفكر وش له وش عليه

من اموور الدنيا. فاصله



نخلص بذلك بنتيجه وااحده


كن قنوع في جميع امورك المصيريه والعاديه

راح تكسب الانبساط والراحه توماتيكياً

وخويك ابو ابراهيم مهب قنوع

وقلّه يقول لك العميد اقرا ذا الابيات



فهمتا يابورحله

تسلم خيوووو على هيك موضوع

وقل لابوبراهيم ان كان معزم يبي يفصل

ترا فيه واحد من اخواني

يدور وظيفة له سنين وبنين ومعه شهاده جامعيه

عطني جواااله نسجل اخوناااا بداااااله ونشوف ونعلمه بعدين

هي زينة ولا شينة ؟؟؟

قال ماني مقتنع قال ؟؟

اشووووف الوظايف حذف في الشااارع علشاان تقتنع في اللي تبي

وماتقتنع في اللي ماتبي

اظاهر يابوبراهيم انك ماقد اشتغلت في كبينه

عشان تمسك وظيفتك بالزراديّة

خوش جيل والله

تسلم ابا رحله

وقوووود باااااي

__________________

وعليكم السلام


مادريت ان الحب الشمسي والسفن اب يطلع هالمواهب s3

من بكره إن شاء الله بفطر على فصفص وبايسن .. علشان أغطي عليك بالعبقريه s3


موضوع جميل

أنا أشوف أن الانبساط مستحيل يجي إلا عن طريق القناعة ..

مستحيل أكون في حال مو مقتنع فيها أووضع مو راضي عنه وأكون مبسوط ..

في حالات وظروف تُجبر عليها وبما انك رافضها ومو مقتنع فيها فأكيد ماراح تكون مبسوط ..

أنا مثلا أحب نظريه ( كن جميلا ترى الوجود جميلا )

فلو طبقناها على الانبساط والقناعه نقدر نخلي الانبساط في كل الظروف معنا

سواء مقتنعين او لا

مثلا

أنا مو مقتنعه أن الوظيفة هذي تناسبني .. ومتضايقه منها ..

أناظرها نظره ثانيه .. من زاويه ثانيه ..

ان مافيه وظايف الحين ناادر تحصل لك وظيفة

ان الكل يحسدني على هالوظيفه ويتمنون مكاني

ان الوظيفة ممكن تحقق لي اهداف ثانيه مستقبلا

احاول ابحث عن المميزات والايجابيات واغض النظر عن السلبيات

وبعدها مليووووون في المية راح انبسط لاني خلاص اقتنعت ..

يعني نقدر في حالات كثيرة نقنع انفسنا بعكس الواقع ..

لو كان الجو حار وحابين نطلع البحر ..

لاننا حابين نطلع البحر فراح نتجاهل الحر ونقول لااا الجو اليوم حلووو مره ومافيه احلى منه ..

وماراح نحس بالحر الا بعد مانرجع من البحر ..

بس هذا اللي حبيت اقوله

وعساني ماطولت عليك بس s7

خلص الحَب ولا باااقي ..؟؟ s8

فيه العافيه .. وتسلم يمينك على هيك موضوع

__________________

السلام عليكم جميعا

اخي شباب سؤالك مو صعب بس احسه مستحيل انه يكون


لانه لااتوقع انه يوجد انسان راضي بهالدنيا

وصعب انك تنبسط وتفكر اذاانت ساعتها مقتنع او لا
واللي مقتنع لا يمكن يفكر يراجع نفسه اذا هو مبسوط والا لا
لانه مقتنع وعارف انه مبسوط بغض النظرعن الطريقه او التاثير


المشكله اراها اننا نطالب الدنيا بان ترضينا

والمشكله ايضا انا نرى اننا لابد ان نكون سعداء

السعاده ليست شرط من شروط العيش الهانئ


كثير منا يرسم لنفسه درجه معينه من الانبساط يحس انه اتعس مخلوق اذا لم يصل لها
لذلك نجد الانبساط صعب

بينما الانبساط قريب وفي المتناول لو اقتنعنا ان الانسان مسيّر في مالا يعلم ومخّير فيما يعلم



اذا كل امر ابن ادم خير
ولا يوجد شروط ولا وصفه معينه للانبساط غير وصفه واحده الرضى التام ما استطعت الوصول اليه

ومن عرف ان ما لديه يريده كثيرين غيره فسوف يحمد الله ويعرف قيمة ما لديه


ومن ناحيه بعيده شوي
فيه اناس مهما فعلوا ومهما اصبح لديهم ومهما وصلوا لا يشعرون بالانبساط
ولو انهم محسودين
سبب ذلك يرجع اما لكونهم اخذوا من الدنيا مالم يجاهدوا لاخذه ولكنه حصل لهم بسهوله
فمشكلتهم انهم يريدون المخاطر والصعوبه بالحياة لكي يحسوا بمعنى العيشه المبسوطه وهم مقتنعين بالبيت اللي يقول
وما نيل المطالب بالتمنى ولكن تؤخذ الدنيا غلابا
وهم لاسف لم يجربوا غلابا هذي
واما انهم عندهم حاله عدم رضى تام وهذه حاله احيانا يولد بها الانسان
حاله يصح ان نقول عنها انها تشاؤم مزمن لا حل له الا ان يترك على حالته تلك الىان يرى انه لا مفر من الصمت فقط وليس الانبساط


(((ويييييييييييييه يا كثر قرقي......))))
ثاني مره حدد عدد الكلمات عشان ما ازودها واهذر واجد

__________________

يا ابورحله مشكور على موضوعك الشيق

نرجع لموضوعنا


فيه مثل امش عليه راح تعيش احسن عيشه

(طنش تعش تنتعش)

احس انك بتقول ان قلبي ميت

بس للاسف الحياه الايام هذي ما ينفع معاها الا هذا المثل

اصلا صرنا عايشين على اومر غيرنا

العادات والتقاليد وامور ثانيه ما ودي اذكرها

يعني مثل في الوظيفه

وظايف تميل لها وتحبها بس عيب عند الرجال ومن خرابيط الشيبان

والحين بالايام هذي انت مجبر وغصب عليك تقتنع بكل ما جاك ولا تحاول تدور بديل


الشيء الوحيد الي تقدر انك تبدي رايك فيه

هو الزواج هذا الموقف الوحيد الي يحتاج فيه قناعه


شكرا على موضوعك يا ابورحله

__________________






[عفواً يمكن مشاهدة الروابط للمسجلين فقط للتسجيل اضغط هنا]

صراحه وبلامجامله

موضوعك موتني من الضحك

وبعد ان امعنت النظر فيه تبين لي

1 - اقتنع علشان انبسط = القناعه

( شف غيرك انت احسن منه )

2 - انبسط علشان اقتنع = التكيّف

(تحاول تكيّف نفسك مع المعطيات المتوفره )

بكل بساطه واريحيه

<< راعي وجهات نظر عجيييييييييييييييبه

وسلامتكم

اتمنى اني ارضيت تساؤلاتك انت ويا وجهك

حب شمسي وسفن

وش دعوه

تسلف يامال الشحم

ربع بخاري وببسي

لبا قلبك انت واطروووووووحاتك

__________________
هلت دموع الشوق والشوق فتاك = ومن شافني قال الغلا لاعب ٍ فيك

أحساس يا الغالي ابد ماتعداك = واقف على بابك يحبك يناجيك

ماقلت لك أهواك الا وانا أهواك = وماقلت لك أغليك الا وانا أغليك



[عفواً يمكن مشاهدة الروابط للمسجلين فقط للتسجيل اضغط هنا]

اعتقد >>>بدت تميلح غرومه

أنا لا اعتقد >>>خلصينا

طيييييييب

اذا أقتعنت بالوضع اللي انا فيه راح اوصل للانبساط

أما اذا كنت متضايقه من وضعي او غير راضية عن ما وصلت له

بالتأكيد راح اكون منرفزه >>>جابت اللي بخاطرها ..

يعني لابد اني اصير مقتنعه بوضعي والا وش بيبسطني اذا كان امري غير تام ..؟

جواب بسيط وعلى مزاجي

ما احد له دخل بي >>>> طيب احد قالك شي هالحين


تشاو يا ريس والبحر كويس

__________________

__________________
::
::
::



::
::
::

حتى لو فشلت ...

يكفيكـ شرف المحاولة !

وخخخخخخخخرو عنها بطه لقمان الحكيم جتكم,,,
انا اقول ان الله سبحانه وتعالى ميزنا عن باقي المخلوقات بالعقل ومع ذلك ميز كل واحد فينا بنسبه ذكاء مختلفه عن الثاني,,, (ما ادري وش ابي بس حسيت المخ لازم يدخل بالسالفه) المهم موضوع القناعه ايضا يختلف من شخص لاخر وكل واحد تلعب بيئته واسلوب تربيته دور كبير في تحديد مستوى قناعاته وعلى ضوء القناعه بتتحدد كميه الانبساط ,,,
لكن ان جيتو للحق ترى السالفه كل ابوها تعتمد عليكم انتو يعني كل واحد فينا يقدر يعييييش نفسه بسعاده وانبساط وقناعه اذا هو بغى وعلى قد ما تكون نظرتك للحياه ايجابيه راح تحصل على القناعه والانبساط وكل ما كانت نظرتك سوداء وكلها تشاؤم راح تعيش بدون قناعه وبتخسر الانبساط والسعاده,,,
لب وخلاصه فلسفتي انوالسعاد والانبساط والقناعه لا يمكن فصلهم عن بعض واللي يلعب في مقدارهم هو كميه رضى الشخص عن نفسه..
كن راضياُ قنوعاً تعش سعيداُ مبسوطاُ (تأليف بطه الحكيم).....
ترى عندي اقتراح اي واحد مهب مبسوط من ربعكم قولو له علاااااجك تسجل بمنتدى زكرت راح يقلب حياتك بسطه وسعااااااااد

__________________

انا ما راح اطول لان اصلن ما لي خلق اكتب..

انت احيانا تكون مقتنع ومبسوووط بس تجييك اشياااء أوكائنااات آآدمية يخربوون انبساطك هذا وانت ما تقدر تسوي شي ويكونون هم السخييفيين اللي يخربوون علييك وينكدوون علييك مع انك مقتنع ان هذا الشي الي انت فييه او تسوييه هو سبب انبساطك بس هم يظلوون ينكدوون علييك وبكذا تكره هالشي>>احس كلامي ماله دااعي بس بقوووله دامه رااييي