السلام عليكم

صباح الخير يا زكارته ويا زكرتيات


تحسون الأسبوع الماضي كن حنا سفاين والموج هايج والبحر ماله أمان


يعني بالعربي كان المنتدى شغال بقوة بس هاليومين هذي انا عاتب عليكم8
8
8

مقدمة 00


ندخل في الموضوع

أيام زمان وحنا صغار وبعضا للحين

كانت أمهاتنا تدور في روسنا قمل

طبعاً هذا مو معناته ان حنا ما نتسبح او ما نعرف الشامبو

الله يذكر الغرشه الحمراء بالخير 00

الموهم وفي تلك الأثناء وبينما انت سارح في خيالك

وامك الله يجازيها بالإحسان مشغولة في راسك

أكيد كنت تتخيل أشياء ويدور في بالك امور كثيرة


وكنت تحلم وتفكر أو حتى أمك تقول لك وش تبي تصير اذا كبرت


وصرت رجال 00 أبيك تقول لي وش كنت تفكر فيه


وهل تحققت أحلامك بعدما صرت رجال وكبرت أو تبخرت أو تغيرت



وانتي أيضاً أيتها الزكرتيه المحترمة الكلام موجه لكِ أيضاً




أنتظركم وانتظر أحلامكم وأمنياتكم





وتقبلوا تحياتي

__________________

.. Bitte nicht Webstühlen für die Reisenden
.. Der Reisende wird sich zeigen



سبحان الله وبحمده ... سبحان الله العظيم

القمل اه راح وراحت أيامه ... الله يرحم زمانه

يأني كنت أسبح فى التفكير أرووح بعيد بعيد

الله يخلي امي كانت دور القمل ونا منسدح

بس تدري والله مدري وش افكر فيه العقل ضايع

تدخل شيء في شيء .............................

عفووووووووووا على عدم ذكر الشعوووور يا اهملالي

ولك سلامي

احلى أيام ذيك الأيام كنت افهي وامي مافيه الا حوس في الراس وعمليات اعدام في الراس مع القليل من الصيبان وهو نوع خطير جدا احذروا هذا الكائن .....

كنت افكر متى تخلص امي من التفليه عشان اروح العب شط بط مع ورعان الحاره ومافيه الا دبج ولا نلعب تيل كان عندي خضوري جايبه من الكويت احسربه عيال الحاره ماعندهم زيه وبعته 30 ريال على واحد منهم ............................

كانت من هواياتي جمع الطوابع

__________________

كل واحد يشارك هنا

يعتبر رده أعتراف خطي

إن فيه قمل

________________

تحسون الأسبوع الماضي كن حنا سفاين والموج هايج والبحر ماله أمان


يعني بالعربي كان المنتدى شغال بقوة بس هاليومين هذي انا عاتب عليكم8
8

_______________

بلكي يكون الهدوء اللي يسبق العاصفة

تعال شف وأنا أخوك نحن هنا يهمنا مصلحة أبنائنا الطلاب

سوف نوفر لهم مدرسين وحصص تقوية

نريد أن نزود الوطن باطباء ومهندسين ومدرسين وعلماء

إيه هين


لا عيوني الظروف تخلي النعجة خروف




%%%%%%%%%%

نرجع لموضوعك

أنا أمي كانت تحط لي جل ماهوب تدور قمل مثلكم يا مقرفين :cool:


والله عزيزي شعوري شعور واحد يحكه راسه

مايمديه يحك رأسه ألا أمه جايته تمشي مليون

وتسدحه وتسوي مداهمة بالمشط الأسود


في ذيك الفترة والله من الدجة في التفكير

يعني كنت أفكر كيف أصير مهندس

كانت امي تفلي شعري

وأنا أفكر كم النتيجة بين فريق حارتنا وفريق فيصل المطيري

فيصل كان حارس

وكنت احلم أني اسجل قول في مرماه

والحمد لله تحققت أمنيتي

وسجلت قول

ومن الفرحة ماردني ألا ثالث حارة ركض من الفرحة

حتى عيال حارتنا يوم يلحقوني

قلبوها لعبة طش

واحد حك راسي وقال مسكناك:cool:


ومن التخطيط بعد كنت أنتظر عمي بفارغ الصبر عشان يشيك صنودق البريد

<<<<< مشارك في مسابقة جمع طوابع سن توب


والله يا اخوي ياهملالي


كنا ورعان ذيك الحزة وتفاكيرنا ماتتعدى حدود الحارة والمدرسة


وترى كلامي اللي ذكرته ماهوب ضحك صدق

<<<< أحلف

قسم بالله

تحياتي أخوي يا هملالي

هملالي

تدري انها كانت امنية اني ارد واشارك معكم في موضوعك هذا الجيد صراحة


بس انا من يوم اني ورع منتفخ ماعندي شعر صلع بالوراثة


حتى اذكر من اول ابوي يقول احسن مافيكم ياعيالي انكم توفرون علي الشامبوو

بس تخسروني في الثلاجة

شي يغطي عن شي يعني

__________________

ابو كرعان


يا هلا ومسهلن بك

ياخي تكفي ذا اللطمة اللي حدر اسمك

مش

مشك

مشكو

مشكور أخوي عالمشاركة المنيحة

__________________

.. Bitte nicht Webstühlen für die Reisenden
.. Der Reisende wird sich zeigen



سبحان الله وبحمده ... سبحان الله العظيم

عاقد حجانه
8
8
8
ياخي من اقرأ اسمك مدري وش يصير فيني


شعور لا يوصف

بس على فكرة

فيه بعض الأسئلة حول مشاركتك


ياليت يسمح وقتك وتجاوب عليها

وهي / وش معنى الكلمات اللي بتجي ذا الحين :


شط بط ؟؟

دبج ؟؟

نلعب تيل ؟؟

خضوري ؟؟


بصراحة خليتني بين الصدف والمواعيد

قصدي خليتني أشك فيك ياخي ؟؟

__________________

.. Bitte nicht Webstühlen für die Reisenden
.. Der Reisende wird sich zeigen



سبحان الله وبحمده ... سبحان الله العظيم

من منا سوف يجحد احلامه الورديه ايام المبزره

عزيزي ايها الهلامه قصدي ياهملالي

في طفوولتي كنت غريب نوعاً

كنت اتلذذ بصووت القصعه
(القصعه =هي عمليه قيصريه تستخدم في قتل القمله وتسمى عند معشر القمل دندنس اي بمعنى الموت القادم)

وفي هذه الاثناء كنت ارفس اخي بطرف رجلي ومن ثم احلف اني مالمسته
ويجي ويتهاوش معي واقووم من رجل امي وتنتهي عملية التفليه


نجي لكلمه التفليه

كانت القميلات تفلي اي تجلس في طرف القذله بحثاً عن الفيَه بتشديد الياء

وكان الناس قديماً يتحقطوون للقمله في طرف القذله
ولو نولاحظ هونا

الشبه الكبير بين التفليه والقمله

<<< اقوول ماكنت حفلت امها

لا صدز

انا ابي ارعف الحين يوم كنا صغار كانوا يقولوون لنا
انت بتطله طيار ولا مهندس ولا دكتوور

ليش مايخلوونا نتعايش مع الواقع

ويقوولن مثلاً بتطلع كاتب عدل في المحكمه
او بتطلع سكرتي في ارامكو
عشان نحاول نوصل لشي معقوول
اما دكتور ومهندس ومدري شنو
اغسل ايدك

بالنسبه لي كنت افكر لو اطلع موهندس بس الظاهر
ببطي عضم ماصرت مو الظاهر الا الواقع يقوول هيك

مرسي خيو هملالي

__________________
.
.
.
.










^
^
^
^


معقوله في قلوبنا

الرد على بعض الأسئله هملالي

شط بط : هي لعبه من ايام زمان نلعبها في الحاره .

دبج : وهو عباره عن تفقيع وجيه وتكسير ايدين ورجلين .

خظوري : وهو اللون الأخضر

تيل : وهي عباره عن زجاجه كرويه الشكل قويه جدا يوجد اللون بداخلها وبحجمين كبوري وصغوري .وهي بحجم العين تقريبا .

وسلامتكم

__________________

هااااااااااااااااااااه


طايحين فيني حش ومااحد قال لي


المهم انا كان حلمي اني اكبر واشترك بمنتدى الزكرتيه


<< اشتغل عنده عرق المصاريه



ماادري والله ايش اقول لك



كانت تدور في راسي وانا امسك خط << يعني ادوس نووووووووووم



بس ترى شعري مافيه قمل


اما الحين قملي مافيه شعر << يعني بدا يصلع


سلااااااااااااامو

__________________
بومباي للابد

لويس طرجم


أجل كنت تحط جل 00

ياخي ما تلاحظ معي إن هذي كبيرة شوي

شوي مو كثير


تونا عارفين الجل من سنتين

<<< لامؤاخزه يعني

أهم الف الف مبروووك أن أمنتيك تحققت وسجلت هدف في فيصل المطيري



أما مسألة أنك من الفرحة ما يردك إلا ثالث حارة

أشوف لو تختصر هالحوسه كلها


بشقلبة مثل شقلبات خريش مو أفضل ؟؟
8
8
8

تشوف عيال الحاره مفهين عندك

يقولون تكفى بعد وحده

مشكور واجد لويس طرجم

__________________

.. Bitte nicht Webstühlen für die Reisenden
.. Der Reisende wird sich zeigen



سبحان الله وبحمده ... سبحان الله العظيم

زكــرتي منتـفخ
حيــــــــاتك بــــدليه

8
8
8

كلها خسارة لأقتصاد البلد

يعني توفير شعر 00 وخسارة أكل


الله يعين بس !!

مشكور يالحبيب عالمشاركة الحلوة

__________________

.. Bitte nicht Webstühlen für die Reisenden
.. Der Reisende wird sich zeigen



سبحان الله وبحمده ... سبحان الله العظيم