يـــــــايــمــه
يايمه آه لو تدرين أداري الدمعة و أخفيها ........ يايمه من القهر ودي أصيح وداخلي مغبون
هموم أثقلت حملي ودموع ودي ابكيها ........ ولا اقدر من كذا اكثر أبين خافي المكنون
أخاف من نظرتك يمه تغير وضع غاليها ........ تصكي خدك بكفك وقلبك داخله مطعون
يايمه لو سمحتيلي جروحي وش يداويها ........ وحظي عاثر وطايح وقلبي دايم محزون
صحيح القول ياميمه للبنت أم تخاويها ........ ولاكني بكتاباتي اطلع واقعي المدفون
ماكل اللي كتبته يوم أحلامي و أبرجيها ........ وماكل اللي كتبت بالشعر هو العاشق المجنون
يايمه لو منعتيني حرام انك تسويها ........ أعيش بوسط العالم وأحس إن داخلي مسجون
تبيني أوعدك بدروب المحبة اني ما مشيها ........ ولا اكتب شوقي بكلمة لو كلي شقى وشجون
أنتي بعالمي شمعه ودروبي تضويها ........ وعساني عند حسن الضن ما أخيب لك أي ضنون
بس ياميمتي تكفين هذي بس عديها ........ أبكتب بالشعر همي وهم الناس لا يدرون
* * * * * * * *
.. للشاعره..
... نيارا ...
يايمه لو منعتيني حرام انك تسويها ........ أعيش بوسط العالم وأحس إن داخلي مسجون
