السلام عليكم
هذه جملة من قصائد اخترتها لكم
او بالأصح مرثيات فالشيخ الراحل / زايد ال نهيان /
رحمه الله واسكنه فسيح جناته
/
/
الشاعر / سعود المحجان .
جات الهجوس وخلفها جيش جرار=من صوتها تبكي و ترثـي سمـوّه
الله اكبر من سمعت الخبر صـار=صار الخبـر ولا بعـد تـو ّتـوّه
هذا صحيح الشيخ قفى عن الـدار=راع الكرم والجود شيخ المـروّه
هذا صحيح الشيخ قفى عن الـدار=راع الوفا نسل الرجـال الحمـوّه
هذا صحيح الشيخ قفى عن الـدار=الطيب من كفه علـى القـاع روّه
مثل سحاب الخير لاجاك مـدرار=يروي هشيم القاع مـن زود نـوّه
يرثيك رجلٍ ناقل الحـر صقـار=يرثيك نبع الطيـب ياخيـر خـوّه
يرثيك رجلٍ غنه في زين الاشعار=عقب المزاج اللي تعكّـر صفـوّه
مرحوم يانبع الوفا سيد الاحـرار=يالله عسى الفردوس جوّي وجّـوه
وختامها صلواّ علي سيد الابـرار=محمـد المبعـوث خيـر النبـوّه
/
/
الشاعر / بدر بن غازي المطيري
يامزلزلٍ من لاتزلزل بزلزال=يامروّض الصعبات طلق المحيّا
يامفخره لشماغ والبشت وعقال=اللي هناك يصيح للي هنيّا
مرحوم يانسل الوفا طيّب الفال=ياللي قلبت اعتام الاوقات ضيّا
مرحوم كل ماقيل تمثال تمثال=تمثال طيب ولانقوله حميّا
الا وضوح الشمس والحق ينقال=ياللي تفرق بين هذي وذيّا
يالشيخ يالبارود يالنار يالمال=انت الذرا يوم الزمان العتيّا
عساك تنزل وسط جنات وضلال=وعسى عليك من اطهر الورد فيّا
والا بعدك الناس في سيئ الاحوال=وشئٍ اشوفه يكتبنه يديّا
هذا يقول الله عزاه ياخال=وهذا ييجي يبه يبه مات ريّا
ري الكبود اللي وطت اشهب اللال=يامهيئ الي بالزمن ماتهيّا
حنا نبيك وكلمة الحق تنقال=بس القدر والموت ياشييييييييخ عيّا
/
/
الشاعر / عثمان العبدالله
احـدٍ يـروح ويذكرونـه ملاييـن=واحدٍ ولا احدٍ يذكره لو بقـى حـي
هذا فعوله واضحـه فـي المياديـن=بالخير والمعروف ضيّ على ضـي
يعطي ولا ياخذ ويرعـى المساكيـن=يرجي رضا ربه ولا يبخـل بشـي
وهذا يبي دنيـاه مـا فكّـر بديـن=يحسبه خالد ما تناهى عـن الغـي
ياخذ ولا يعطي ولا يعـرف الليـن=جبّار قاسي فـي مماشيـه كالعـي
راح البطل والرجـل تبقيـه ثنتيـن=ذكرٍ حسن وإلا عيـال كمـا الفـي
ما مات زايد لـو نعتـه الملاييـن=انا اشهد إنه في قلوب العرب حـي
يكفي وقوفه في العراق وفلسطيـن=وتكفي مشاريع الصحاري بهـا ري
إنسان متواضـع يلاقيـك بالزيـن=وينصحك كالوالد ويرعـاك كالخـي
الكـل عنـده واحـدٍ دون تعييـن=الفعل مقياسه من العـدل لـه طـي
داره شقلهـا كالصقـر بالجناحيـن=وشعبه غدا له صيت ما صار له زي
لو ما بكوه اليـوم لاشـك مخطيـن=لدمع يرخـص دام بالقلـب كالكـي
فرقاه صعبه فاتركوا هامـل العيـن=يذرف بحرقه لو نشف منّها المـي
مقبول بالفـردوس بيـن النبييـن=في جنّة الأبـرار يلقـى بهـا فـيّ
/
/
الشاعره / ريناد القحطاني .
مرحوم يازايد عسى الخلد مثـواك=جنات عدن ٍ تتسـع لـك رغيـده
من يوم وصل العلم واوحيت فرقاك=ونيـت ونـات العضيـد لعضيـده
كم واحد ٍ تسقيـه بالبـر يمنـاك=انا اشهـد انـك بالفعايـل وليـده
وكم واحد ٍ يبكيك لاغبـت ينعـاك=ياشيخ ماتوفـي فعولـك قصيـده
واليوم مايبرد على الكبـد لقيـاك=ياكود شوفة صورتـك بالجريـده
وشلون تبغى الشعب لاغبت ينساك=مادمـت يازايـد بخيـرك تزيـده
وياعل حور العين ياشيـخ تلقـاك=وانااشهد انه ياجماعـه فقيـده !!
والخاتمه مرحوم والخلـد مثـواك=جنات عدن ٍ تتسـع لـك رغيـده
( واللي عنده إضافه لايحرمنا منها )
مرثيات مختاره فالشيخ زايد رحمه الله
