هل تؤيد المكالمات التلفونية بين الشاب وخطيبته ؟؟؟ موضوع مطروح للنقاش فشاركونا

مساءالخير لجميع الاعضاء ..

الحقيقة اليوم دار بيني وبين بعض الاصدقاء موضوع مهم اريد مناقشته معكم ..
وهذا الموضوع طرح في اذا عة الام بي سي قبل امس اعتقد ايضا..

وهو هل تؤيد المكالمات التلفونية او اللقاءات بين الشاب وخطيبته في فترة الخطوبة ؟؟؟ ام لا ؟؟؟

مع ذكر الاسباب ووجهة نظرك الشخصية بالموضوع ؟؟

(( لا حظوا انا قلت في فترة الخطوبة وليس فترة الملكة ..يعني اقصد قبل عقد القران ))

طبعا انا اعرف الوجهه الشرعية الصحيحه في هذا الموضوع... وانا سوف اذكرها لكم لاحقا بعد ان ارى رايكم وبكل صراحة ..ولا احد يخجل من طرح رأيه ..فنحن في منتدى ولن يعاقبك احد !!

وأبدا بنفسي ..

انا ضد المكالمات التلفونية ين الخطيب وخطيبته وضد اللقاءات اي كان نوعها ..

كل واحد ورايه اتمنى اشوف رايكم بالموضوع .


صادق شكري وعميق امتناني للاعضاء .. واتمنى مشاركة الجميع

__________________

غلطان يامعاند الاخضر << وش يبي ذا

اخووي اول شي احييك معنا في هالمنتدى
واحب اقوولك تراك منورنا طال عمرك


صراحه موضووعك موضووع حلو وخاصتن وقته بعد قبل الصيف
يعني واجد الي في فترة خطوبه الحين

<<< العالم تفكر بالعرس في الصيف وهذا يفكر بالسفر


شووف من ناحية الشرع خلصنا منها


ومن ناحيتي انا اقوولك اني ضد هالشغلات ابداً

اما اذا بتكلم على عاداتنا وتقاليدنا خاصتن عندنا واكثر قبائل نجد

ماتكلم البنت لافترة الخطوبه ولافترة الملكه
ماتكلمها ولاتشوفها الا ليلة الدخله

لو بستمر كذا بيتفرع الموضووع وراح يتشعب في اشياء الكل تقريباً عارفها
الي هي ان الزوج يشوف زوجته قبل لايخطب ومن هالسوالف

بس بتكلم عن بعد الخطوبه
هي للحين تحرم عليه ومهما يكن محد راح يوافق على هيك شغله
الا اكثر العوايل المتفتحه قصدي المندمره

يمكن في فرتة الخطوبه يبين لها الزوج انه الكل بالكل او انه السي سيد في البيت او اي شي
وبعد العرس راح تشووف البنت اشياء غير الي في بالها وبتنصدم فيه

يعني اذا بيشوفها راح يشوفها بأحسن حالته مراح تشووفه وهو توه قايم من النوم ولابعد دق زقاره وريحة فمه
تجيب المرض
بس بعد العرس راح تشوفه كذا <<< هذا مثال بس

اما اذا كانت الدعوه خذوه فغلووه بتدخل البنت ومافي مخيلتها شي
بتمشي على النصيب وبكذا راح تقتنع بنصيبها

وجهة نضر شخصيه فقط لاغير

ادري انك ماراح تفهم شي بس لاتلومني توني جاي من الدوام

__________________
.
.
.
.










^
^
^
^


معقوله في قلوبنا

السلام على من اتبع الهدى( مسويه نفسها مطوعه عشان ماتنهاش)
( دقه على اللي يقول عوايل مندمره)


ابي اقول وجهة نظري واتمنى انهاتنفهم صح

انا مو مع ولا ضد

انا اقول لو الواحد اذا خطب يكلمها مكالمه وحده بعلم اهلها
عشان احيانا في مجتمعنا الوحده تلقىاللي خطبها ماعنده سالفه بالهرج ولا يعرف يركب كلمتين على بعض
وتشمئز منه
ولا تقول لاهلها انها ما ارتاحت لانهم بيقولون شفتيه وشافك واملكتي يعني اذا رفضتيه بيقولون الناس انك مطلقه

يعني النظره للي تملك عندنا وتنفصل انها مطلقه صح والا لا؟
لان الملكه او عقد القران هو بحد ذاته زواج
يعني باي وقت يقدر الزوج يجي وياخذها عصب عن اللي ما يرضى

انا من رايي ان الموضوع يجب يكون لا ضرر ولا ضرار

يعني قبل الملكه يكلمها مكالمه وحده تحت علم اهلها


بعدين ليه نعطي المكالمه حجم اكبر من حجمها
وكان المكالمه لازم يصير فيها كلام مشين

الاحترام واجب بين اي شخصين فما بالكم بين انسان وانسانه قد يدوم الامر بينهم العمر كله
والحدود بالكلام يجب ان تكون موجوده بصفه عامه

وعلى فكره ( عشان تقولون ماشالله عليها عاقله) انا ضد كثرة المكالمات حتى بعد الملكه
الموضوع صار صار ما عندك حل ارتحت والا ما ارتحت
يعني بلاش مكالمات كثيره وتميلح

الله يستر لا يجي احد يشبشبني الحين بيقول وحده فالته
( مجتمعنا واعرفه قفل بنمره واستماره)
ودم
دم
دمتم سالمين

اول حاجه لكل واحد رايه وكل واحد مداخله هو موضوع يحتاج النقاش مع إلي يطلعون مع خطيباتهم اول ما تنخطب الوحده والله يستر وشو إلي يصير .



اشكرك اخوي شباب في رحله على المرور وهذا من ذوقك ومن لطفك


اختي هيبه اشكركر على مرورك الجميل وهذا من ذوقك ومن شانك الكبير ترى على فكره ماراح نفكر بشي شين انتي اصلً راعيه للزين

سلام الله عليكم

اخوي معاند

ارحب فيك واقولك نورت الحته

واشكرك على موضوعك المطرووح بالقسمه

انا احتج واعارض واشجب بشده وامتنع عن التصويت

ولن اقبل وارفض واقول نو نو نو

للمكالمات الهاتفيه في فترة ماقبل الخطوبه <<<<انتبهوا لـ ما

ولاسباب عده اهمها

تعارضها مع الدين الاسلامي

وخرقها المتبجح للعادات والتقاليد لان

الشرع حلل ان الخاطب يشوف الي بيتقدم لها

ماحلل انه يكلمها او يدق السالفه؟؟

وبالنسبه لخوف البنت انها تطيح لها بعلتن من العلل

فهذا شي مفروغ منه

يعني ليش توافق اذا هي ماتبيه

او متخوفه

ماحد جبرها

اذا كان الاتصال هو المقياس كما ذكرت الاخت هيبه

هنا قد يهضم الا تصال بعض مزايا او عيوب الرجل

^
^
^
يمكن يطلع تمسااح بقوووه
واعيد واكركر واقوووووول

الزواج قسمه ونصيب



نقطة تفتيش:

الى جميع البنات ...

اي وحده تبي تتصل فيني قبل الخطوبه انا ماعندي مانع

8
8
8
ناوي يسحب عليها بعد شهر

تقبلوا تحياتي

الفلته بيه

سلعلع

السلامو عليكوم

انا مو مقتنع بهذي الحركات مسكين مايقدر يسويها

على العموم فيها من قله الحيا انها تكلم خطيبها وتكون جريئه معاه في الكلام انها تطلب منه حاجات معينه ممكن يكون هو مسين وينفذ طلباتها موعشان شي لا بس عشان انها من أول مره حتى ولو مو عنده اوغير مستطاع انه ينفذه او فوق طاقته بس يقول انشالله عشان يرظيها ماتقول زطي الحبيب
وبعدي ابي افهم وش تبي منه قبل الدخله تنثبر في بيت اهلها لين العرس اصلحلها من المكالمات والخربطه ممكن انه يتصنع الكلام وهي الغبيه تصدق انه ذرب وهو ماعندك احد والله مامنها فايده هل المكالامات الواحد يقعد في بيت امه احسله..

وبعدين وشنهو النقاش او السوالف الي راح تدور بينهم عن المستقبل مثلا لما يدخلون عليها مع الأيام يتفاهمون ويبنونها مع بعض

اما تكلمني عشان الكنب الفلاني وتحجزي الصاله الفلانيه بذيك الفلوس وغرفه النوم لاتقل عن كذا ريحينا بس الي يشوفها كانت تنام على ريش نعام سرير بخمسين ريال حديد ومن سوق الحراج وفراش اضعف نوع يقص الظهر ..

كلهم الي كلموا صار حديثهم الأثاث وحجوزات العرس مافيه كلام مفيد دار بينهم ابد عن الكذب هذه الصراحه

من القهر ماقدر يسويها حط عليهم باقي بس هذا يكفي

مشكور اخوي معاند على الموظوع اختيار موفق

عاقد حجانه

__________________

^
^
ياخي يمكن يخططون لشهر العسل وين يقضوونه

يمكن هو يقولها جزر المالديف وهي تقوول معصي
خلنا نروح لجده

<<< يكتب بيد وحده

^
^
^
^
^
^
وش قصدك ياقليل ألأدب وين المجله

__________________

__________________

السلام عليكم جميعاً

أخوي معاند سؤال جميل

ولكن قبل أن أرد عليك

حبيت اوجه لشئ

وهو أننا دائماً تحكمنا عادات وتقاليد

يعني الشئ هذا مرفوض

في مجتمعنا

زين يخلونه يكلمها بعد الملكة مع انها صارت زوجته على سنة الله وزوجته

أنا أرفض الشئ هذا جملة وتفصيل

لأنك لو قلت اشوف البنت وهذا شئ شرعي

عندنا راح يقولون لك عند أم وخوات يشوفون البنت


أما سالفة انها تكلمه وتسولف معه وهي في فترة خطبة

هذا شئ ماله داعي

لأنها خطبة يعني مافيه شئ يربط الأثنين

أما إن كان تملك فهي زوجته

ويحق له يكلم مرته في النظر العامة

بس عندنا مافيه كيري ميري

يخطب ويتملك

يقعد يأثث بيته على مزاجه

ويسوي عرسه وياخذ مرته

عاد يقوم البقس عشان كنب او غرفة نوم

هذا شئ بينهم

يتفاهمون بينهم


نحن نرفض الشئ هذا ظلننا محكومين بعادات وتقاليد مستمدة أغلبها

من الشريعة

قد يقول واحد النظرة الشرعية تسمح له

أنه يشوفها

يشوفها

بس سوالف بتلفون

وتخطيط

وش ضمني الرجال


تحياتي

ليش تكلمها :mad: <<عسى ماشر



السلاااااااامو عليكو


الصراحه انا اشوف ان فترة الخطوووووبه تكون للسؤال عن الشاب ووو


لان الشاب مابيروح يخطب وحده الا بعد ما يكونون اهله قد درسوا البنت


ووضعوها تحت المجهر لمده معينه <<حشى اختبار هذا


ولهذا السبب اعتقد ان الخطبه مش لازم تطول اكثر من شهر


هذا اذا تمت الموافقه طبعاً


بعد كذا يتملك الرجال ويكلم زوجته مثل مايبغى


ويجلسون مع بعض ولكن تحت رقابه من الاهل


يعني يجلس بينهم ابوها واخوها الكبير


واخوها الصغير يكون متعلق في ظهر الرجال ويخرب شماغه كل شوي


علشان يدرسون بعض كويس واذا حصل بينهم استلطاف


وحصل بينهم تفاهم واتفاق ....خلاص يتم تحديد الزواج


اما اذا كل واحد ماهضم الثاني ...زي مادخلوا بالمعروف يطلعون بالمعروف


هذي وجهة نظر واتمنى محد يصفقني olleyes:


<<ناوي يطبقها



وسلام مربع لكاتب الموضوع ولجميع اللي ردوا واللي اكتفوا بالتفرج ;)

^
^
من طول الغيبات جاب الغنايم

وين ذلفت يالغالي <<< لاحظ الاسلوب

انا جييييييييييييييييييييييييت

ياقلبي موضوعك حلو ومميز بس مفروغ منه تدري ليش

ياخي توهم مخطوبين يعني ماصار شي وش يدريك يمكن بعد المكالمات يصير فيه طلعات وما أدراك مالطلعات يعني تصير مصاب ومثلك عارف ان البنت عقلها صغير ويفر مخها بكم كلمتين حلوين >>> قطعني يازير النساء
يعني يمكن يطلع الولد حقير ويلعب عليها وبعدين يفك الخطوبه وبتحصل مصايب بعدها يعني بيروح مستقبل البنت

وبعدين لو كانت المكالمه مسموحه كان شفت نص بنات السعوديه حوامل
ومنهو ابو الولد؟ خطيب امه السابق ........ ياحبيبي

يعني بالعربي الفصيح انا مع المكامات الهاتفيه بعد الخطوبه اقصد ضدها