بصراحه وبادئ ذي بدء ( وخروا ياشيخين عن الفلفسه )

انا راعي خرابيط وكتابات فكتبت هاللي كتبته مادري هو خاطره ولا شعر ولا قصه
بس الظاهر انه ماهوب شعر ولا خاطره ولا قصه 00

لذلك وبما أن احترت وين وبأي منتدى اكتبه فقلت مالي الا الخواطر
وهاللي كتبته بعنوان الخاين هذاكـ 00



ســألــونــي ليه الكذب 00 ؟؟ :confused:

قلت البعض يكذب لتجنب العقاب 00 او على الأقل تخفيف العتاب 00 والبعض يكذب لجلب إعجاب ولو مامعه ولا ريال يعزمك ويقول
" ياصديق وين الحساب ؟ "

وتكتشف انه كذوب 00 وانه على امره مغلوب 00 وبالأخير يحرجك
ويدفّعك كل الحساب ( )

ســألــونــي ليه تعتذر 00 ؟؟ h4

قلت للعذر عندي سلوم 00 ومافيه من عن الغلطه يصوم 00
والغلط بعده عذر كنك تطيح وترجع تقوم 00

ســألــونــي تقوى الهجر 00 ؟؟

قلت بقسى على قلبي لو قلت إيه 00 وبظلمه لو قلت مابيه
مسكين قلبي 00 لجل خاطره بحتريه 00
ويردني قلبي ويقول " ياخبل من باعك ليه تشتريه ؟؟ "

ســألــونــي تقدر تحب 00 ؟؟ h8

قلت الحب عندي محال 00 ماني من عشاق الهبال
ولو حبيت بقول لها 00 حبيبتي بسأل سؤال
سؤال فيه كل الوضوح 00 ومافيه اية جروح سؤال شخص مررررره طموح

حبيبتي كم واحد تحبين 00 ؟

خمسه وأكثر بنسحب 00 أثنين وأكثر بنسحب 00 وماظنها بتقول واحد
أجل شلون تسمي نفسه تحب ؟؟
( نفسه = أكسنت قصيمي )

هذا لو هي صدقت وبالعلاقه جزمت 00 وبدت تحكي لي بدت 00 تحكي عن
الــخــايــن هــذاكــ

اللي حبها وباعها ودمرّ كل اوضاعها مسكينه تسكر خاطرك
اجل يحبها ويخونها ويلعب بكل شؤونها بالله ماتسكر خاطرك ؟؟
ولو هي ماتكسره بقولك ياقساك ياقساك تشبه الــخــايــن هــذاكــ
أما انا شكلي وقعت بحبها وماأسمح لك تسبها لا تقول هي تكذب علي وتشربني المقلب شوي شوي 00
لا لا انت غلطان 00 مهما كان مهما كان انت غلطان غلطان 00 شكلها حبتني بجنون وابد ابد ماهي تخون ومابي مثل ذاك اكون اجرحها واعذبها وبكل سهوله اخون

وحبيتها حبيتها حبيتها بالحيل مره حبيتها وكل المشاعر اعطيتها وبالحب غطيتها وبالوفا نومتها وبالشوق صحيتها وأعطيتها كل شي 00
كل شي اعطيتها 00

وحسيتها انحرجت شوي 00
قلت لا يالنور والظي لا يابعد كل حي 00
انا لك وعمري لك وملكتي قلبي وذا الصك 00

وحسيت لهجتها تغيرت 00 ؟ :confused:

قلت يمكن مكذبتني 00

قالت لا انا واثقه فيك مشاعرك مابها تشكيك
وقلبك لي ماهو يــغــش 00
بس انا يعني انا انا اخونك مع اربعطعش 00
واكلم غيرك مادري هي قالت عشره 00 او هي قالت ثلثطعش h7
وبإيميلها عشرين لتسليتها مساكين

واحد منهم للحكايات الحزينه وواحد للضحك وواحد دايم بــلــوك

دمه ثقيل بس اجودي لا مرها حظٍ ردي شالت عنه الحظر وأمرته بكلمه أمر
"ابي تسوي لي كذا " والخبل مايقول لا h6

وفيه واحد أو يزود مابينها وبينهم حدود هداياهم دايم ورود وبوسات على الخدود 00

وهنا لازم نقول البوسات على الخدود

مانبي نظلمها حرام 00 مانبي نكسب آثام 00 حرام حرام والله حرام

المهم 00

وبعد طريقٍ عتم ومشوار كله همٍ بهم قررت ابرحل وأتركه ( اكسنت قصيمي )

خساره مره بمعركه 00

وبكل سهوله تخسرك وتدور لك واحد بديل 00

وبتصير نفس ذاك 00

ذاك لا تنساه ذاك 00 بيصير مصيرك مثل مصيره

وإســمــكــ
الــــخــــايــــن هــــذاكــــ

__________________

رهيبه

قريبه ملموسه واقعيه لكلاالجنسين(الخيانه لها عدة وجوه)

ولكن هل يعقل ان من يخون يكون حب بالاصل؟
اذا لم يكن يحب اذا الخيانه غير وارده الا فيما بين الاحبه


انا من يومي اقول ربعي القصمان موب سهلين والحين فيك المثل ينضرب


صح لسانك والله لا يخبص بالك

__________________

مبدع ياذا


من جد اسلووب مميز استمر عليه

صوره جماليه للخيانه من ناحية الترتيب

وحزينه من ناحية الخيانه نفسها


ابدعت يامنتاز

وعاني طالبك لاتبخل علينا بجديدك
وانا في انتظاره

الله يعطيك العافيه

__________________
.
.
.
.








^
^
^
ياحبني لك ياكانوتيه





اللهم انصر أهل غزة
وثبت مجاهديهم
ومكنهم من بني صهيون
.. يااااااااااارب

منتاز المنتاز

الحين عرفت ليه 0000

محطة البنزين يحطون منتاز

وتأكدت بعد

لووووووووووووول

----------------

من جد روووووووووووعه

ذكرتني بـــ عبدالرحمن مساعد

وانا اقرأ ماكتبت يا منتاز

عيني عليك باااااااااااااااااااااااااارده

من جد اسلوب رائع في الطرح

صح كلك يا منتاز

واضم صوتي شبابو

واقول لا تحرمنااااااااااااااااااااااااااااا ابداعك

تحياتي

__________________
هلت دموع الشوق والشوق فتاك = ومن شافني قال الغلا لاعب ٍ فيك

أحساس يا الغالي ابد ماتعداك = واقف على بابك يحبك يناجيك

ماقلت لك أهواك الا وانا أهواك = وماقلت لك أغليك الا وانا أغليك



[عفواً يمكن مشاهدة الروابط للمسجلين فقط للتسجيل اضغط هنا]