السلام عليكم
ياهلا فيكم شعلومكم عساكم طيبين
شوفو ذي القصيده وعطوني رايكم فيها
اخليييييييكم
على ذاك الجدار اللي على حدّ البيوت الطيـن ** وقفْتْ وهاجس الذكرى نفضّْ في قلبي غبـاره
وقفت أطلقْ مدى شوفي وأناظر مفرق الدربين ** وأشوف الدار وعيوني تضمّ الدرب وجـداره
أجل هذا الجدار اللي سهر يوم العرب غافين ؟ ** أجل هذا الصديق اللي ذكرته واذكر أسراره ؟
أنا أذكر يوم يجمعنا يغطينـا برمـش العيـن ** نسج ليله وسوى به علـى عشاقـه ستـاره
حجر لكن احس انه يحـسّ بفرحـة القلبيـن ** أحس انه نفس لكن غدى جامد مـن أقـداره
حجر يوم العرب تنسى اذا مرت عليها سنيـن ** حجر يوم العرب تنسى حبيـب ٍ مبعـده داره
ولكن الجدار اللي تركته مـن هـذاك الحيـن ** عرفني يـوم قابلتـه وبلـل دمعـي أحجـاره
جلست وهاجت الذكرى وقلت بخاطري مسكين ** ثمان سنين في وحشه ولأحـد ٍ بيننـا زاره ؟
وفاء ذاك الجدار أثبت بأن الا دمي من طيـن ** تخيّل يوم لامستـه تنهـد مـن شقـا نـاره
سألني قال أنا أذكركم تجوني بالظلام اثنيـن ؟ ** بكيت وقلت صّدقني رَحَلْ وآنقطعـت أخبـاره
وسلامتكم 
قصيده اعجبتني
