وأنا بدوي .. ثوبي على المتن مشقوق

العاااشق · 10-10-2004, 12:31 PM

هذه القصيده للشاعر الكبير بدربن عبدالمحسن

يا بنت أنا للشمس .. في جلدي
ـــــــــــــــــــــــــــــ وعلى سـموم القيـض .. تزهـر حياتي

أطرد سراب اللال .. في مرتع النوق
ــــــــــــــــــــــــــــ ـومن الظماء يجرح لساني لهاتي

عاري الجسد .. والليل هتان وبروق
ـــــــــــــــــــــ دفاي أنا والبرد سمل العباتي

لا جاء الربيع أنبت خزاما ورقروق
ــــــــــــــــــــــ وكانه دهر .. تيبس فيافي حياتي

وإن عذربوني .. بعض خلانك أصدوق
ـــــــــــــــــــــــــ يا بنت أنا عشق الخلا من صفاتي

وأنا بدوي .. ثوبي على المتن مشقوق
ـــــــــــــــــــــــ ومثل الجبال السمر .. صبري ثباتي

ومثل النخيل اخلقت أنا .. وهامتي فوق
ـــــــــــــــــــــــــــــــ ما اعتدت أنا أحني قامتي إلا فصلاتي

وإلى أفتخر بأفعال يمناه مخلوق
ــــــــــــــــــــــــ يا بنت أنا فعلي .. أشهوده عداتي

الله جعلني .. وكلمة الحق بوفوق
ــــــــــــــــــــــ وملكت الأرض .. ورأس مالي عصاتي

**مخربها** · 10-10-2004, 02:36 PM

راس مالي عصاتي

الله الله

صح لسانك يالعاشق
والله يعطيكـ العافيه على الأختيار الرائع

بس ياليت تشوف الخطأ الأملائي في البيت الأول

لك الود يا حوبي

**عميد الزكرتية** · 10-10-2004, 06:29 PM

يعطيك العافيه يالعاشق

واسمح لي اشارك بصور نادرة للبدر

واسمحلي ايضاً اشارك بقصيدة

ليلي مثل ليلك للامير بدر بن عبد المحسن >>> ياخي الذرابه منين جايبها

اللي يقول فيها :

تقول خل الهم واكفخ كما الطير
...............عطني سما ياخوك واللوي جناحي

وهذا رابط السماع بتعها :

[عفواً يمكن مشاهدة الروابط للمسجلين فقط للتسجيل اضغط هنا]

وهذا رابط الحفظ بتعها :

[عفواً يمكن مشاهدة الروابط للمسجلين فقط للتسجيل اضغط هنا]

وتسلم يالعاشق

ZQRT · 10-10-2004, 07:23 PM

صح لسانك اخوووي العااااشق
وقصيده رهيبه للشاعر الجزل الكبير بدر عبد المحسن

اقوولك

وأنا بدوي ثوبي على المتن مشقوق

ومثل الجبال السمر صبري ثباتي

ابو بندر · 10-11-2004, 03:17 AM

صح نقلك

وصح لسان الشاعر

تحياتي

العاااشق · 10-11-2004, 09:21 AM

اخوي مخربها ياهلا ومسهلا فيك بس ما فهمت وين الخطاء الاملائي

يا هلا وياغلا فيك ياعميدنا بس عندك خبر ان الموضوع لي وش تبي منزل روابط >>>>>>>>>(قلب عليه)

ترى الوضع اوكي نزل الي تبي يا حبي

Zqrt ياهلا ومرحبا فيك ياغالي وصح بدنك ونعم فيك يابدوي

ابوبندر ياحبي لك يا اخي انت غير شكل مشكور يالغالي على تشريفك موضوعي

عمو شفرة · 10-11-2004, 09:43 AM

صح للسان الشاعر

والله يعطيك الف عافيه يالعاشق

وزين مايجيب الا الزين

اخوك

عمو شفرة

العاااشق · 10-11-2004, 09:50 AM

هلا عمو شفره شرفتنا يالغاالي

يا اخي نسمع بك ولا نشوفك وش فيك داقها ثقل

على العموم شرف كبير لنا مرورك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
تقييم هذا الموضوع
تقييم هذا الموضوع:

الذين يشاهدون محتوى الموضوع الآن : 1 ( الأعضاء 0 والزوار 1)

اعلانات المنتدى