أول شي وش رايكم في الصورة اللي تحت

طارت الطيور بأرزاقها >>>> نرجع حق محور حديثنا

القصة ان عبدالرحمن العطاوي شرا طير واهداه لعبدالله بن عون

ويوم جا وقت القنص وطلعوا وهدوا طيورهم طبعا ابن عون هد طيره معهم بس لوكان يدري ان طيره

يبي يسوي مثل طيوري اللي تحت ماااااااااكان هده >>>>> المهم مالكم بطّوالتها

طار طير ابن عون ولا عاد رجع

والطير طيب وكل ماشاف طيورهم أوجعه قلبه على طيره اللي ضاع قام كتب هذه الابيات :




ياطير يامقلوع وين الله أغداك
......... أنا بنيّـة وانت غـادي بنيّـة
اليوم ياغادي الجدى وين ابلقاك
......... لاصار كـل نحيـّةً لك نحيّـه
ياكثر ماني مجهد النفس لرضاك
......... ومذلل(ن) لك وحـدةً من يديـّه
ابي مثل هدتك في الواد ابو راك
........نمشي تحت فيّـتك نصف أضحويّه
يوم أنت في هدتك حنيّت يمناك
.........نهـار يهـديك العطـاوي عليّـه
اللي شراك ولا تغالى بمشراك
.........نعميـن بالمهـديّ ونعـم الهديـه




تمت القصيدة بقلم عبدالله ابن عون .

تمت القصة بتنسيق وصياغة وكتابة عميد الزكرتية