الناس ماتصبر على حاجـة النـاس

**عميد الزكرتية** · 10-04-2004, 03:36 AM

اهداء لأحلى زكرتيه

واهداء خااااص للمعازيب ابو بندر ومخربها

صاحب القصيدة ((خالد الروقي)) هو اللي كتب "يقول ابن خلدون في شرح الانساب "

الناس ماتصبر على حاجـة النـاس
الا إذا للنـاس بالـنـاس حـاجـه

وأنا معك ياطيب السـاس والـراس
أذوب في حالـة فـرح وأبتهاجـه

أسلوبك الناجح معي حبس الانفـاس
وأطلالةٍ تفـرح ووصـل ومواجـه

تقولي وشبك وأنـا اقـول لابـاس
هذا من أسباب الهـوى وأرتجاجـه

والكاس مال وملت مع ميلت الكاس
وأصبحت رهن إشارتك مع مزاجـه

وأذعنت لإرهصات قلبي على ساس
أحوي غلاك الـي غلبنـي خلاجـه

يابو نحر لولا النهد قلـت قرطـاس
ومبيسمٍ يبـري الهـواوي علاجـه

ووجههٍ حوى توليفة أشكال وأجناس
متخالـطٍ دره وفـصـه وعـاجـه

ورموش جذابـه للأعيـان حـراس
ودعجٍ من الحاجر لمقرن حجاجـه

وصوتك رومنسي فيه دقات الاجراس
حشى.. حشى.. مافيه غي ولجاجه

شعرك يداعب كل نسمه ونسنـاس
وعودك من المرمر وحوله زجاجـه

كن الكواكب بيـن أياديـك جـلاس
ووحدك ملك عرش الحلاوه وتاجـه

هذا ولولا حاجـة النـاس للنـاس
ماجيت ادور ياريش العيـن حاجـه

وسلامتكم ...........

الأصيلة · 10-04-2004, 04:52 AM

نقل رائع يا عميد

شاعر مثقف ورائع بوصفه ...

تشكر على النقل المذوق يا عميدنا ....

ابو بندر · 10-04-2004, 04:55 AM

صح لسااااااااااااااااااااااااانه

وصح نقلك

تسلم وماقصرت

وبلغه كثيييييييييييييييير السلاااااااااام عنا

لاااااااااااااااااااااهنت

تحياتي

**عميد الزكرتية** · 10-04-2004, 05:30 AM

تسلمين يا غرام أحباب

وهذا من ذوقك يالغاليه

صح بدنك يابو بندر

وياصل سلامك انشا الله

تصبحون على خير

**مخربها** · 10-04-2004, 02:07 PM

عميد

يا حبني لك والله

ياخي كل يوم تكبر في عيني

شوكراً على الأهداء الجميل

قصيدة شاااامخه قسم بالله ..

صح لسانك

ولسان الشاعر

والله لايهينك يا بعدي حياتي

**سفيرة الحزن** · 10-04-2004, 03:42 PM

العميــد

تسلم الايادي .. وصح لسااااانك واللي قالها

الله يعطيك العافيه

تحياااااتي

هــيــبــه · 10-04-2004, 04:17 PM

وأنا معك ياطيب السـاس والـراس
أذوب في حالـة فـرح وأبتهاجـه

قوي جدا جدا

ماشالله عليك يا عميد طول عمرك اختياراتك جدا راقيه ورائعه

تسلم لنا يا عمد

عاقد حجانه · 10-04-2004, 05:47 PM

تسلم أيدينك وصح لسان القائل

ذوق رفيع يسلام عليك

**عميد الزكرتية** · 10-06-2004, 02:48 AM

كلكم ذوووووق وتسلمون على مروركم وتعليقكم

مخربها ((يا بعدي انت))

الله لا يهينك يالعضيد

سفيرة الحزن

تسلمين وتسلم يدينك اللي شاركتنا

هــيــبــه

انا ماني قايل مشاركتك تكفيني و شلون لو ..................... >>> تعرفين الباقي

تسلمين يا اغلى هيوووووب

عاقد حجانه

تسلم و شهادتك غاليه وشرف لي

الله لا يهينكم بااااااااااي

العاااشق · 11-02-2004, 09:13 AM

يسلمووووووووووووووووووو عميدنا على النقل الرائع

احس اني متاخر بس احب انبش عن سوالفك القديمه

11-02-2004, 08:16 PM

الحين انت يالعميد تنزل قصايد لفلان وعلان وانت وين قصايدك؟؟؟
بالعربي نبي نشوف ابداعك انت مو ابداع غيرك على لسانك...شكلك ماتعرف وانا وهقتك!
سلاااام

& أحبه حيل & · 11-03-2004, 07:54 AM

سلمت يمينك عميد

على النقل الرائع

وصح لسانك أنت و الشاعر خالد

تحيااااااااااااااتي

**ياهملالي** · 11-03-2004, 12:23 PM

أف شلون فاتتني القصيدة ؟؟

يابو نحر لولا النهد قلـت قرطـاس
ومبيسمٍ يبـري الهـواوي علاجـه

ووجههٍ حوى توليفة أشكال وأجناس
متخالـطٍ دره وفـصـه وعـاجـه

ورموش جذابـه للأعيـان حـراس
ودعجٍ من الحاجر لمقرن حجاجـه

وصوتك رومنسي فيه دقات الاجراس
حشى.. حشى.. مافيه غي ولجاجه

شعرك يداعب كل نسمه ونسنـاس
وعودك من المرمر وحوله زجاجـه

كن الكواكب بيـن أياديـك جـلاس
ووحدك ملك عرش الحلاوه وتاجـه

الله 00 الله 00

وش بقى أكثر من ذا الوصف يا خالد

لاهنت وصح لسانك ،،

والشكر موصول لعميدنا على نقلها لنا

الف شكررر

تحياتي ،،

**عميد الزكرتية** · 11-06-2004, 06:49 PM

ياهملالي

هلا و غلا

والعفو يامعزبنا وذوقك دايم عالي

وشكرا على مشاركتك

أحبه حيل

تشكورات على مشاركات

وتسلمين الله يعطيك العافية

اعلانات المنتدى