من روائع مرشد البذال

**عميد الزكرتية** · 09-27-2004, 05:37 AM

السلام عليكم يا الزكرتية

هذي قصيدة من روائع مرشد البذال

آمــــــل ان تحوز على رضــاكم >>>>> صاير ذرب

الله من قلب بدت فيه الأنواع=تاخذ به افكاره هجوس وتناويع

دويت بافكار كبيرات ووساع=وآشوف كل رواية جالها ريع

مير ان راعي كلمة الصدق بتاع=أهل الصداقه للتحدي مفاريع

الصدق له مع سايد الحق مطلاع=والكذب له مع غير يمه مطاليع

كم واحد مغريه رايه ولو ضاع=في خاطره عنده لمن ضاع تسنيع

وكم واحد للي يشيرون مطواع=للي عطاه الراي ممنون ومطيع

قلبه ليا شاروا هل العرف سماع=أخذ من الأريا ثمرها بلا بيع

وكثر التجارب درس والدرس نفاع=فيها لذربين الرجاجيل ترفيع

احرص على ربعه شريفين الأطباع=لوهم من الأجناب فيهم منافيع

كم نازح يشرى والأقراب تنباع=بيعة رجا ماهيب بيعة تقاطيع

لاتستوي بالغيض صارم وجزاع=على رفيق شفت منه التواجيع

لاعاش من دايم على الربع صعصاع=ومقطع جيبه يدين الفراريع

وان طعت راي اللي درس كل الأوضاع=الميز هو مصراع كل المصاريع

رجل بلا ميز ولو طال له باع=يضيع افعاله من الجهل تضييع

واحذر تصير لمن وثق فيك خداع=ترى أقشر الحالات حال الخداديع

الخدع لو راعيه بالزود طماع=تراه مثل زراعة مالها ريع

من طاب لك بالمد قدم له الصاع=ولاتفتخر كانك تعرف المواضيع

مرشد البذال

**مخربها** · 09-28-2004, 01:17 AM

يالبااااااااااااااااااااه يا عميد

والله اني ادور هالقصيده من اربع سنوات

والحين لقيتها ..

والله لو اني حولك اني لأحب على خشمك يا بعدي

لا تحرمنا من روائع هذا الشاعر الكبير رحمه الله

وإّذا عندك قصيدته اللي بعد حرب الخليج .. واللي كادت تحصل مشاكل بين السعوديه والكويت بسببها ..
يوم انه مدح السعوديه قدام الكويتيين وقالوا له امدح ربعك ..

لا تحرمنا منها تكفى

**عميد الزكرتية** · 09-28-2004, 05:46 PM

مخربها

هلابك والله

وابشر بعزك يا الذيب

بطلعها لو من تحت الارض

سلملم

**مخربها** · 09-29-2004, 01:26 AM

سلمت يالغالي

يا حبني لك يا عميد

وانا في انتظارك يا حوبي

لك كل الحب

ابو بندر · 10-01-2004, 12:21 AM

صح لسانه

وصح نقلك

تحياتي

**عميد الزكرتية** · 10-01-2004, 05:13 PM

هلابك

ابو بندر

وصح بدنك

سلمت يالغالي مخربها

وماتحب الا اللي يحبك يابعدي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
تقييم هذا الموضوع
تقييم هذا الموضوع:

الذين يشاهدون محتوى الموضوع الآن : 1 ( الأعضاء 0 والزوار 1)

اعلانات المنتدى