اذا حجت البقر على قرونها

**nAmLaT nAjD** · 09-13-2004, 01:45 PM

بسم الله الرحمااان الرِّحيييم<<بكسر الراء والشده

وفي ليلة من ذيك الليالي .. من ليالي الاولين..كان الامام ابن الامام .
والخلايق هاجعين .. يتفقد أحوال الرعية .. من غير أصحاب ومعية..
ساهر وغيره ينام .. متخفي بالظلام

عفواً آسفين بس صدقت اني ابقصد...بس عاد لايكثرالموهم..

هذي قصه واحد من قرايبنا والله انها صدزيه(صحيحيه، واقعيه)
بس على لساني احم
المهم خوينا هذا مدعيّن عليه ماعمره فاز في اي مسابقه ولا قد حصل شي مجاناً طول عمره يدفع بالعربي (الحظ طااااااايح)
خوينا راجع من السفر ويملؤه الحنينو والشوقو لديرته<<اخس يالتعبير

كان مسافر برا يعني للخارج ورجع للشرقيه عن طريق مطار البحرين وبينما هو يزحف ..اقصد يمشي طب بخشته انسي..قسم مب جني الرجال تروع ونز بسم الله عليه وعلى خشيشته قال بسم الله الرحمن الرحيم وش تبي؟؟؟
الحين بالله عليكم احد يقول لجني وش تبي (وش جانا؟يوم العلم هو انسي)!!!

رد عليه الحمدلله ع السلامي<<لبناني

الله يسلمك..بس وش تبي؟؟

حبيب البي هي دا كوبون بدك تعبي باسمك وعنوانك لتربح سياري عليا سحب وان شالله تربحا ..اتفضضال

الترجمه بالسعودي :: ذي ورقه عبها انت وخشتك باسمك وعنوان جنابك كودك تربح السياره اللي عليها سحب

خوينا خابر ان مامنه امل وكل ماشارك في شي خسر..قال ايه هين ابربحها اذا حجت البقر على قرونها

اللبناني طارت بوهته لانه مافهم شي ومد الورقه..خوينا شاف اللبناني ملزم اخذ الورقه وعند مكان الاسم كتب: اذا حجت البقر على قرونها من كثر ماهو جازم ان مافيه امل يربح

رجع خوينا للدمام وسلم على اهله ووزع الحنينو والشوقوو لاهلهي وخلانهي

وكبر المخده

نااااام والوعد بكرا

***********
فاصل اعلاني
***********

ططّرا را طرااا<<ميوزيك

اعزائي المشاهدين مساكم الله بالخيرات حيالله الربع
ياهلا ياهلا

اختي المشاهده..اخي المشاهد
هل كيف سئمتم من شكل ظروسكم؟
هل كيف تخنقكم العبره لا عجزتوا تنطقون صح ؟
هل كيف سئمتي/سئمت طنازت رجلتس او طنازت مرتك؟؟

عيادتنا تريحكم!!

يعلن الدكتور /ظرسان

عن العرض المغري:
(((عدل ظروسك ونعدل للي معك هديه)))
العرض ساري لمده 3 اسابيع وخمس ايام وساعتين فقط!!

قبل

بعد

::شعارونا::

صلح ظروسك انت سعودي
غيرك ينقص وانتا تزودي

***********
فاصل اعلاني
***********

وفي الصباح المشرقي..بكل طيرن نلتقي (ابو التحريف اللي كذا)

خوينا ياكل رز مع الملائكه.. في ساااااااااااابع نومه

الا الهاتف/التليفون يرن ويرن يررررررررررررن مدهر والرجال ماحولك احد

ماش اللي متصل متحمس وماعنده نيه يسكر ..مير خوينا يقوم منفجع وكبب الرز على الارض وانتثر الرز في كُلِّ زاويتن من هونا وهوناك

ويطمر ذيك الطمره باتجاه التليفون والهدف (تهزيئ المتصل)

رد بنفس خايسه ..

وصف النفس الخايسه: سعودي + مقومينه من النوم + يرد على تمساح يعني لو بنيه كان اهون شوي

زأر الرجال: الو

المتصل: السلامو علايكووم صباح الخير

الرجال: خير؟ مقومني من صباح العالمين تقول صباح الخير؟؟؟ ادري انه صبح وش عندك

المتصل : عفون خيو.. الاخ ازا حجت البئر على قرونها موجود؟؟؟

الرجال: ؟؟؟؟!!!!!

الرجال: وشو؟؟؟

المتصل: الاخ ازا حجت البئر على قرونها موجود؟؟؟

الرجال : (لايلاه الا الله ..لايلاه الاه الله)
معك...معك.. خير ان شالله

المتصل : مبروووووووووووووووووك الف الف مبروك خيو
انتا مشاريك في سحب على سياري في مطار البحرين
وحضرتك ياللي ربحتا

الرجال ضاعت علومه ولا عاد يدري وينه فيه بس قال اكيد السياره خايسه والا كان مافزت

الرجال: طيب وشي السياره

المتصل: رولز رويس آخر موديل
الرجال: ......اتوقع اغمى عليه

طبعاً راح يطير مب يركض للمطار واخذ السياره واحتضنها (الله يالنصب) واخذ يجغفها (يبوسها)

والسياره الى يومنا هذا موجوده عنده

طبعاً اللي ترتب على هالسالفه
ان كل من عرف هالقصه سوا مثله..بس محد فاز ولا بنص سيكل
.......................

ناس بهالدنيا راحوا لدبي وسجلوا في سحب على مرسيدس ومابقى كوبون ماخذوه

وفي مكان الاسم :اذا حجت البقر على قرونها

الاسم :اذا حجت الثيران على قرونها

الاسم :اذا حج الدجاج على قرونه
^
^
^
^
^
^

وماحولك احد

القصه احداثها حقيقيه باستثناء بعض التفاصيل

ابو كرعان · 09-13-2004, 03:23 PM

أبســـــألك وشهو الشبه بين النهايه والأخير ؟؟

اجل شيء الفاصل ... خلاص
هونة من السفره لسوريا لتعديل

النفس الخايسه !! كتبته ونا نفسي راضيه

وتحياتي لك و لــ الرجال لا صحى من غيبوبته

قله يمرنا فى الحاره نشوووف الموتر !

هــيــبــه · 09-13-2004, 07:57 PM

القصه حلوه وهادفه(وش هادفته بعد انتي ووجهتس)

بس ابي اعرف هذا موضوع والا علبة الوان

من جد سبحان الله كل من فاز بشي الكل بيقلده

يعني لو واحد اعور فاز كان الكل بيفقع عينه عشان يفوز

سبحان مقسم الارزاق

عودا على ذي بدء
ما رديت علي هذا موضوع والا علبة الاوان؟؟؟؟:confused:

**nAmLaT nAjD** · 09-13-2004, 09:20 PM

ابو كرعان يالله ان تحييهم قلنا لك::
كلها نفس المصير

شفت شلون انا مفيده للبشريه؟؟بس مهنا احد مقدر المواهب الشكوى لله:mad:

ويسلموو على المروور

خلاص ان شالله يمرك والوعد باتسر بس الفجر بعد الغدا عند باب بيتكم ورا الحديقه حقت بيتنا اللي فيها ورود الزيتون<<الفيوزات بدت تتخابطh6

حبيبتي هيبه يالله ان تحييها ياهلا ياهلاh1

ايه الحمدلله ان ربي وفقني ويسر لي امري وسهل ليتحقيق الهدف الا وهو الافاده للامه العربية والاسلاميه

olleyes:

اما عن سؤالتس فاعتقد انه سوعال وجيه بس معليش امتنع عن الاجابه

ويسلمووو على المرور

<<تادبت ماعاد تلون

**شباب في رحله** · 09-13-2004, 11:59 PM

خخخخخخخخخخخخخخخخخخخخخخخخخخخخخخ

اجل فاز ؟

ياحبني له <<< يتملصح من الحين

تصدقين احلى مافي المضووع هو توقيت نزوله
متوافق مع العوده للمدارس وكأنه دعاية اللوان خشبيه

خخخخخخخخخخخخخخخخخ

والله ياهي تعدلت ضرووسه بجد ضحكت على وجهه كبير ومنحقن

بعدين تعالي

اقتباس:

حبيب البي هي دا كوبون بدك تعبي باسمك وعنوانك لتربح سياري عليا سحب وان شالله تربحا ..اتفضضال

من جدك ماعرف يقرا ذي؟

الحمدلله والشكر

اشوا اني اعرف اقراها

مو معناها
ذي ورقه عبها انت وخشتك باسمك وعنوان جنابك كودك تربح السياره اللي عليها سحب؟

اشوا اني اعرف لغات

<<< يبعد الشبهه

نموووووووووله وقسمن انك مووووووليه

وموضووع انتيكه
ولاتحرمينا من هيك مواضيع

والله الله بالالوان المائيه ترا يمدحونها

السلطان · 09-14-2004, 03:23 AM

هلا نمله ,,,,!!!

فقعتي عيوني في هاللون شكلي بقدم شكوه ,,,!!!

بخلي لون واحد بس ,,,,!!! الله يذكر مدرس الفنيه بخير ,,,!!!

لما يقول لي جب معك اللون اروح غرفه المشرف واسرق منه طبااااشير ملونه واجي دافها اللون فيها ,,,,!!!

لين انجن المدرس وصار يبيع في بسطه مني << كنى شطحت عن الموضوع ايه ايه نرجع للموضوع ,,,,!!!!

اعزائي المشاهدين مساكم الله بالخيرات حيالله الربع
ياهلا ياهلا

اختي المشاهده..اخي المشاهد
هل كيف سئمتم من شكل ظروسكم؟
هل كيف تخنقكم العبره لا عجزتوا تنطقون صح ؟
هل كيف سئمتي/سئمت طنازت رجلتس او طنازت مرتك؟؟

عيادتنا تريحكم!!

يعلن الدكتور /ظرسان

عن العرض المغري:
(((عدل ظروسك ونعدل للي معك هديه)))
العرض ساري لمده 3 اسابيع وخمس ايام وساعتين فقط!!

كيفت على الدعايه ,,,,!!!! شي ,,,,!!!

يسلموووو نموله ,,,,!!! <<< بدا يمون

**سلف خمسة** · 09-14-2004, 03:29 AM

نملة نجد ..لاااااا وبالكبتل والسموول بعد

شو هالموضوع اللي كتير منيييح

اقتباس:

هل كيف سئمتم من شكل ظروسكم؟

ايه ايه ايه ...والدليل

<<<<< انظر للصورة

اقتباس:

خوينا ياكل رز مع الملائكه.. في ساااااااااااابع نومه

مابيصير هيك .. هيئتك يانمله عم تخبصي بالحكي :cool:

اقتباس:

المتصل: السلامو علايكووم صباح الخير

امانه هذا كلام واحد لبناني؟؟ الا ان كان ياربي لبناني وعايش في بلجرشي

اقتباس:

الرجال: ......اتوقع اغمى عليه

لاحوووووووول ..وانشالله بخير الحين؟؟

>> انواع المصاله

اقتباس:

ناس بهالدنيا راحوا لدبي وسجلوا في سحب على مرسيدس ومابقى كوبون ماخذوه

وفي مكان الاسم :اذا حجت البقر على قرونها

الاسم :اذا حجت الثيران على قرونها

الاسم :اذا حج الدجاج على قرونه
^
^
^
^
^
^

وماحولك احد

يااااااااااااااااوك والله انتس صادقه يا اخت العرب :cool:

ويسعدني ان اضع بين يديكم المثل المشهوووووور

(( لو تجري جري الوحوش غير رزقك ماتحوووووش ))

وعادي انا بعد قد شاركت في الأذاعه على جائزة (( ساعة حائط ))

ولافزت ... مع اني مكلم مدرس الفنيه يتوسط لي

>>> طيب وش تبي h1

--------------------------------------------

يعطيك العافيه نملة نجد ..موضوع راائع من كاتبة راااااااااااايقه h8

وننتظر جديدتس

تشااااااااااااااااااااااااااااااااااو ينطح تشاااااااااااااااااااااااااااو

ابو بندر · 09-14-2004, 04:18 AM

نملة نجد

من جد موضوع حلو واكثر شيء بحلاوته السرد الجميل للقصه

وخصوصا الفاصل الاعلاني

بس على فكره يموت من الضحك

اذا حجت البقر على قرونها

مسمى جميل ومعنى اجمل

تحياتي

الله الله بالقرص السنع يا نملة نجد

**nAmLaT nAjD** · 09-14-2004, 12:25 PM

شباب في رحله..

ايه يقولون ان شغلتي تسويق والمخ شغال ميه ميه اعرف متى انزل المواضيع h1<<صدقت

خخخخخخخخخخخخخخخخخخخخخخ
ايه تعدلت ضروسه ((عشون عيل))

سؤال حلقه البارح::
وش معنى((عشون عيل))؟؟
اللي فيه خير يعلمني وش معناتها ومن وين جت؟؟

والله ماشالله عليك (فلته) يوم عرفت تترجمها اقرا على روحك بسolleyes:

وماتقصر والله الانتيكه هالبيت الله لايحرمني منه ولا من اللي فيه

ولنا لقاء بالالوان المائيه عن قريب

**nAmLaT nAjD** · 09-14-2004, 12:34 PM

السلطان

ياهلا بك

بعدين وش قصتكم مع الالوان ياخي خلوني اعيش طفولتي البريئه بحريهolleyes: اما بريئه خخخخخخخخخخ مع وين بالضبطh8؟؟

اجل جازت لك الدعايه؟؟ سنكيوووو

الله يسلمك من كل شر
وسلم لي على مدرس الفنيه<<ان كان حي:confused:

**nAmLaT nAjD** · 09-14-2004, 12:43 PM

يسلمووووووو
من زاوئاك<<ابو اللبناني اللي رايح فيهاh6

خخخخخخخخخخخخخخخخخ اما سئمت؟؟الله لايلومك خلاص نتحراك في العياده؟

عقب ماتحققنا من اللبنانيطلع فيه عرق مب بالحيل

olleyes:

والله انك صادق يااخ العرب بس نفسي اعرف وش قصتكم مع مدرس الفنيه؟؟:confused:

الله يعافيك ويسلمك

**nAmLaT nAjD** · 09-14-2004, 12:48 PM

ابو بندر

ماتقصر والله

ويعطيك الف عافيه

على فكره..انا صدق نمله بس مااقرصh1

اعلانات المنتدى