يابنت ابوها عودي لاعاشت ايام الذليل
للوقت فينا مطلب ينساب له دمع اجودي
حنا من خلقنا بدو ومن خلقت الدنيا رحيل
واذا سمعتي باصلنا يابنت قومي واقعدي
سمي وذبي برقعك ثم اخضعي تحت الشليل
لولا الحرام بذمتي لاصل عنزه قلت اسجدي
اصل عنه شيمة وفاء لاقل مذبان الدخيل
بس الزمن ياتايه عيا الزمن لايهتدي
من طفلهم لين الكهل مابينهم شخصٍ ذليل
كلن شهد وقفاتهم وانتي بعد هم اشهدي
من نجد ينبع صيتهم لما يجي هاك المسيل
ومن الشروق لغربها يابنت ابوها وانشدي
لو تنشدين اكبر جبل باسم عنزه يمكن يميل
هذا بالارض وبالسماء بين الثريا والجدي
يابنت انا من لابه لادكوا البيداء تميل
ارداهم اللي ليا انتخى يشيل سيفه ويعدي
حتى الجبال الراسيه شلنا الذي عجزت تشيل
وان ثارت الهوجا يزوم واحدنا ويقو يعدي
بالذات لاثار الدخن ياما شعلوا راس الفتيل
الله وكيلك مانثنوا لو ينزلون الجرهدي
مثل السعف ميت ظما لكنه بروس النخيل
ماحد ثنا راسه لااحد.. الاربه مهتدي
تدرين؟؟وش لك بالعنا وش لك بناس ماتميل
ناس تموت بموتها مايستهان الا الردي
ماللهوى يمي هوى وللعشق قلبي مايميل
كلن خوي لعشقته وانا خوي السرمدي