( ليلة زواج ابو نفس )..يمنع التصوير ودخول الورعان والمغاتير والمشروبات الروحيه
( انا لله وانا له لا راجعون )
سلاااااااام
اسعد الله اوقاتكم بالخير والمسرات
المعروف والمتداول بين الاجناس البشريه وعلى مر السنين وعبر الاجيال ان الزواج ستر وغطا. تفاهم اخذ وعطا. زوجه وزوج بينهم الثقه والحب ممزوج. يعني كأنك تطلب واحد كوكتيل مع ايدام مشكل من مطاعم يامال الشام . عاد زواجي غير . غصب مو برضاي يعني تخليص ديون وجمرك وتكفير ذنوب. بأختصار انا اعتبر نفسي ضحية الصراعات الفسلوجيه والأودلوجية في حارتنا . ضاع شبابي وجمالي مابين حب ام فناطل وتسطير اخوها وبين الانتقام من عمدة الحارة وصداقة حمد المسطرة.
وبعد ها المقدمه للمأساة ذي تعالوا واحكمو وشوفوا منهو المظلوم والظالم انا ولا ام فناطل واخوها الأقشرررررر
<<< تم اختطاف ها الشخص بتخطيط من ام فناطل وتنفيذ اخوها غباش وشلته وبترخيص ( ضوء اخضر ) من عمدة حارتنا داعوس البارودي
المكان: قصر افراااح منهد جدار حوشه يعني ما فيه باب او حارس كل من جاء دخل
الزمان: 01,00 (pm) يعني الظهر (حزة قوايل والمكيفات خربانه )
<<<< ها الشخص هو عريس الغفله جالس على كرسي مزبرق . وطاق التشخيصه يعني عدة المعرس
(بشت اشهب من ايام الحرب العالميه الثانيه + غترة بيضاء طاقتها الشمس + طاقيه زري مطرزة بترتر
+ قميص نوم برتكاني مقلم عليه اثار حروق جمر المعسل <<< (قسمن بالله عندي ثوب جديد بقراطيسه
بس ما امداني الشغله فيها اختطاف)
واللي مخلني رسمي بالعرس ورزه ومحلي الشخصيه محاصر بين شله غباش حتى ما انحاااااااش. ويجلس عن يساري صديقي ورفيق دربي وقرة عيني حمد المسطرة خبير ومتخصص بسرقه برادات المساجد. ورغم انه كتلة دلاخه بس ما ادري وش محببني فيه ها الادمي .وبحكم انه يمون هو اللي قاعد يرد ويسلم على المعازيم نيابه عني (تعرفون لو ابي اتحرك بيدبجوني شلة غباش شر دبجه) بس مشكلته انه اذا هرج يطشر سعابيل ويا ويل اللي قدامه اذا خش حمد واسترسل في جمله مفيدة اكثرحروفها حرف السين يقلب مثل ماصورة خزان مفجورة. ويجلس عن يميني طبعا ابو نسب اخو ام فناطل وهو كائن حي متحرك كبيرالحجم نشاء منذو العصور الوسطى و يقتات على خبز المفرود اليابس والتتن والبراد ابو اربعه... يعني انسوا انه يعرف شي اسمه كيك ويسمع بحاجه اسمها قاتوه
( لا تلومونه حدة تطلي ولا يعرفه الا برمضان بس) ويطلق عليه اسم ( غباش ) واسمه المتعارف بين دشير وعرابجة الحواري (ملقاط)<<< اسم دلع ابو نسب واسباب ها التسمه بملقاط ..ان يدينه طويله وواصله لين نص سيقانه. يعني عندة القدرة انه يسطر الواحد كف من مسافه ثلاثه متر ويقولون انه اول ما انولد انولد يدين بعدين تكون لين صااار طفل.وملقاط ذا اقشر مرة اذا صارت هوشه يصير في الحارة حظر تجول . المشكله انه جالس بجنبي وشايلن بيدة ابو جلمبو حجم كبير عاد انا قلت له يا ابو نسب الله يطول لي بعمرك<<( اخلاق)
المفروض انك تشيل مجمر يعج بريحه العود او كاميرا تصورني ماله داعي تشيل ابو جلمبو. قال : شايله لو تفكر انك بتحط رجلك اهبدك بها الجلمبو اخفي تظاريس ومعالم وجهك.(قايلن لكم اقشر الولد ما يعرف يتفاهم ) عاد اللي مزين ها الجو اللي كله حر وطفش. واللي مروق ها الجو ومعطيه لمسات سحريه ومظفي على العرس طابع الرومنسيه الفنان (شلاااااش الأبكم)
جايي بدري للعرس قبل الفطور وقاضبن له زاويه بالصاله وخذ يا دندنه بها العود من صباح الله خير وهو يغني اغنيه وحدة بس وياليته يغنيها كلها ما يعرف غير السطر الاول من الاغنيه لين تقطعت الأوتار وبقى وتر واحد
واغنية ( الله الله يامنتخبنا)<<< ( امحق فنان وامحق منتخب وربي فشلونا . ما اقول الا سلموا لي على البطل الاماراتي اللي رفع راس العرب فوق) عاد الفنان شلاش الابكم خاش جو مع الاغنية ولا حولك احد. والبزارين متجمعين عليه مرة يحذفونه ومرة يصفقون له لاقين لهم شغله يتونسون عليها . وهو انت ياشلاش مو معبر احد خاش بعامود كهرب مع الاغنيه مو جو.
اسباب الزواج:
مرور حمامه نوع بلجيكي اجواء سطحنا ونتفتها بالنبيطه وطلعت ها الحمامه لملقاط . وملقاط ذا يعشق بل فنان في تربيه وبيع الحمام . ومن كثر ما يشنق في البسوس عرفوة بسوس حارتنا كل اسبوع وهو يعرض اثنين ثلاث بسوس شانقهم على ماصورة الحنفيه.يعني اتزوج اخته اهون ولا انشنق على ماصورة انا وحمد المسطرة.
وسبب ثاني و اللي ولع النار في الهشيم وهو ام فناطل ذي صارحتنى مرة وحنا قاعدين نتتن تحت كنديشه بقاله ابو خظير. وقالت وهي تناظرني بنص نظرة وتنفخ الدخان من فمها ياحنوش انت فارس احلامي متى تجي وتخطفني على حصان ابيض يعني احبك يالوح<<( يلعن ام الغرام اللي مثل كذا).عاد انا قلت لها بعد ما مدت لي الزقارة وهي في رجا نظرة عاطفيهh1 مني: يا ام فناطل صح انتس تفزعين لي بالمظاربات بس انتي بالنسبه لي مثل صديقي حمد المسطرة مابينكم فرق. وبعدين وش ذا الفارس اللي بخطفتس على حصان . المفروض يخطفتس على دركتر او حراثه يعني حصان ابيض يخب عليتس. قامت وهي زعلانه قالت هين متزوجتك يانفوس متزوجتكh8 .وذلفت تجر اذايل الفشل .ولا حسبت احساب كلامهم انه بيصر صدقي.
الززززززفه:
ذا الشي الوحيد اللي حسيت اني اتحرك يعني مابه رقابه من شلة العرابجة. بس جابوني مثل الأسير وجلسوني بجنب العروسه ام فناطل بالكوشه وطلعوا وسط اهازيج من الزغاااااااااااااااااااريت.
العروسة ام فناطل:
لغة: العروسة يطلق على كل وحدتن بليله عرسها شايله قشها من بيت اهلها وذالفه لبيت الزوجيه
شرعاً : هي كومه لحم متحركه مظاهر وبوادر الأنوثه مفرمته عندها. يعني تشوف الواجهه لأم فناطل تقول ذي بقايا انثى . ومن تشوف مقفاها تقول ذا عامل صعيدي شغال في مزرعه مدنق تحت النخل ويجمع العسيب. واللي يميزها عن البنات بين كتوفها مثل حدبه الجاموسه لا شربت ماء ووقعن عليها طيورالماء . وتشتهر ام فنطل بالفرفرة والدوجان في حارتنا وخصوصا قبل المغرب تجي وبيدها عصا فيه قوطي جبن كرافت معفوط على ها الشكل (u) وتدف لها دنينه ودايم تخرب علينا اذا لعبنا كورة تغبر علينا بدنينتها.عاد انا بالكوشه وطاق ها الترسيمه والعروسه لابسه ثوب الفرح وقد تدلت خصلات من شوشتها من تحت الطرحه البيضاء وماسكه قوطي عصير منقا (قها) بيد واللي باين فيها كوايا من الدخان. ويدها الثانيه مجودتني زين يعني اللي يشوف ام فناطل وهي موجودتني بيدها يقول ذا عسكري يجر له سجين. وحنا بوسط ها الجو العاطفي والبنات يرقصون قدامنا قاعد اقول بنفسي ياربي وشلون اربط مصيري بمصير ها البنت ورحت ادوج في بستان افكاري لعلي اجد بعض الراحه وانسي الوضع اللي انا فيه. ولا حسيت الا بظربة كوع من قبل العروسه تقول لي ابتسم بيصورنا اخوي ملقاط. عاد اخوها يقول ياحنيش ارفع الطرحه ابي القط لكم صورة العمر. وقاموا البنات يضحكون علينا وعلى اشكلنا وحنا نتصور( والله ما الومهم يومن يضحكون وانا جالس بالكوشه معها تذكر جلستي بدكه الاحتياط مع حارس فريق حارتنا غرمان ضروس من سكنوا بالحارة وهو احتياط محنط بالدكه) . قالت يالله ارقص معي (سلو دانس) ابي اقهر ها البنات قلت لها والله مصاب وبعدين ما عندي كندرة رياضه وانتي لعبتس خشن. وشوي جت مجموعه من البنات وقاموا يردحون ويرقصون قدامنا واللي تلفح بشعرها يمين ويسار;) بس يبون يقهورني ويفهموني اني متزوج محول كهربائي مو بنت.
عاد انا من زود الحماس ركضت للبنات اللي يرقصون واجي طايربالبشت وبينهم ازحف على بطني مثل لاعيبه الكورة لا سجلوا قول. ولا حسيت الا بجلمبو على راسي وانصرع ويضفوني انا وبشتي والعروسه ويطلعونا من القصر للفندق <<< ( سطوح بيت ملقاط ).( طبعا الجلمبو عرافين من مين .. لا بارك الله فيه)
ليلة الدخله:
طبعا ذي اهم ليله وهنا يتحدد شخصيه التمساح (يعني انت اللي تحدد سياسه طف النور او ولع النور)
وشي معروف اول ماتخش على العروس تميلح قدامها وقول مغامراتك حتى تحس انك بطران
يعني خلك تسذوب من اولتها وبعدين خش من سالفه في سالفه لين يروح حاجز الخوف والرهبه عن العروس وتتجرا عليك. ام فناطل ذي اختصرت المسافه والوقت. من دخلنا السويت << ( غرفتين بسطوح بيت ام فناطل مغطينه ببلكاش ) قفلت الباب وخلت اخوها ملقاط حارس على الباب ودخلنا غرفه النوم وانا مغصوب على امري وتصك الباب وتجيب المعسل والدافور وتحط الغوري تبي تسوي شاهي وتولع على الفحم . وشوي الا مطلعه ورقه(البلوت) وقامت تخبص قالت يالله قص. انا من شفت ذي اعلومها قلت لها ورا ما نروح لقهوة ابو هيثم
ونكمل سهرتنا بذاك . وحنا في ها المعمعه دخل اخوها ملقاط بدون استأذان وجايبن معه مطبق وتميس وقلابه وقال بشروا صار شي؟؟؟ قلت والله من شاف وجه اختك اللي مثل وجه المعلم بسطويسي السباك ووجهك يكرة شي اسمه زواج؟
قال ملقاط ..بعد ما طمرت ام فناطل وبيدها اسطوانة غاز .. وش قصدك يعني؟؟؟ قلت اولا ... اهلى ؟...انتم خاطفيني واهلي ما يدرون وبعدين زواجي ذا غصب وانت تدري ان زواجي من اختك يعتبر نكسه ومطب
في علم الطفرة الجينيه وعلم التناسل البشري وعلم الوراثه والتدبير المنزلي.
ملقاط واخته ام فناطل فاغرين <<< ( يعني ما فهموا وش اقول)
قلت له: هما انت تشنق البسوس
قال: ايه ذي شغله بسيطه بس كلامك اللي قبل ما اعرفه!!
قلت: اذا صدتني اشنقني مثل البسوس واختك تراها طالق طالق طالق
وما يمديني اديور وانحاش مع الباب الا يد ملقاط لا قطتني ببقس احرف مساري عن الباب
ولزقت بالجدار. اللي اذكرة زين ياجماعه الخير ان فيه اسطوانه طبت على راسي وبعدها صحيت وانا بالمستشفى قسم العضام كل جسمي ملفوف بجبس ولقيت حمد المسطرة بجنبي
وجايب هديه بكت دخان <<<(قايلن لكم كومه دلاخه كيف اتتن وانا مكسر) عاد سألته وش اللي صار قال والدموع لها رغوة بعيونه ( اللي ما يخافون الله ملقاط وام فناطل طاحوا
فيك دبج وتكفخ وحذفوك من فوق السطح.
قلت الحمدالله اهم شي اني طلقت الخبله اخته. ولا تخاف ياحمد المسطرة سنأخذ بالثار بس خلني بس اطلع
وكسور الجسم تنجبر بعد مدة بس المشكلة والبلا كسور الحياة الزوجيه مابه امل تنجبر يااااااااا حمد
انتهى
ما يستفاد من الموضوع :
1-البنات اللي يحلمون بفارس الاحلام يخطفهم على حصان ابيض اقول لهم مالت عليتسن والله
ااقول لهم لا عاد تتفرجون بقناة سبيس تون واكادمي حمار. احمدوا ربكم لا جاكم واحدن ميسور
الحال.ترا ان فاتكم قطار الزواج والله لو يجيكم فارس وراكب كورلا عشبي ما يلتفت فيكم.
2- ليش حنا اسرع ناس بالطلاق وخصوصا بعد انتشار الدشوش هل هو.. اهمال من الزوجه او... استهتار الزوج وعدم القدرة على التحمل والهروب من المسئوليه.
3- اجبار البنت على الزواج من شخص مو كفو انه يكون رب اسرة ومشكوك في سلوكياته
ينتج عنها تشتيت اسرة وضياع اطفال .غلطة يتحمل مسوليتها اولياء الامور سواء الام او الاب
4- الفحص قبل الزواج مهم وضروري وياليتنا نتقيد فيه زي ما نتقيد بالفحص الدوري حق السيارات كل سنه وهم ممتحنينا مخالفات.
ابو نفس
مستشفى العام / قسم العظام
والوعد قدام يا ملقاط انت واختك ام شوشه ومعكم العمدة داعوس .
ياخونا خلها مستوره(مستوره ولا حصه) الاهل مادرو
اعزم ذولي لو يجون العرس قالو عرس مهبل ماهوب عرس ناس
ولا العروس الحمره فحم<<<<وينها جايه ذي
والغتره هذي حقت اخوها ناشب لي حتى طالع الثوب من ورى فروله وببسي
الله لايوريكم الي شفته
########################################
سنفور هذولي لهم مكانه اكثر من الشركات
في اليوم يدخل الواحد فيهم عشرين مليون جرذي في قوطي
وش فيك انت ولا يبعيعونا علا قطاوت الحاره
لو يجون البيت اقلبوه خرابه
ههههههههههههههه
مشكور على المرور
ابو نفس ياخوي وانا من اول احسبك عاقل ----->>يبي يتصفق
موضوع مميز مع مرتبة الشرف ---->>يرقع
اقتباس:
المعروف والمتداول بين الاجناس البشريه وعلى مر السنين وعبر الاجيال ان الزواج ستر وغطا. تفاهم اخذ وعطا. زوجه وزوج بينهم الثقه والحب ممزوج. يعني كأنك تطلب واحد كوكتيل مع ايدام مشكل من مطاعم يامال الشام .
v
v
v
كني جربت الطلب هذا من البيك ياحقناااا
اقتباس:
المكان: قصر افراااح منهد جدار حوشه يعني ما فيه باب او حارس كل من جاء دخل
الزمان: 01,00 (pm) يعني الظهر (حزة قوايل والمكيفات خربانه )
صرنا ضبان مو تماسيح
اقتباس:
<<<< ها الشخص هو عريس الغفله جالس على كرسي مزبرق . وطاق التشخيصه يعني عدة المعرس
(بشت اشهب من ايام الحرب العالميه الثانيه + غترة بيضاء طاقتها الشمس + طاقيه زري مطرزة بترتر
+ قميص نوم برتكاني مقلم عليه اثار حروق جمر المعسل <<< (قسمن بالله عندي ثوب جديد بقراطيسه
بس ما امداني الشغله فيها اختطاف)
اما الشله اللى تحيطك من جميع الجهات منها اقتبس يا اماا انك من العود او من الفيصيله وان تطورت من غبيراء
ياخوي نفسي اعرف كيف طلعت شاعر وانت تعرف هالاشكال h9
اقتباس:
لغة: العروسة يطلق على كل وحدتن بليله عرسها شايله قشها من بيت اهلها وذالفه لبيت الزوجيه
شرعاً : هي كومه لحم متحركه مظاهر وبوادر الأنوثه مفرمته عندها. يعني تشوف الواجهه لأم فناطل تقول ذي بقايا انثى . ومن تشوف مقفاها تقول ذا عامل صعيدي شغال في مزرعه مدنق تحت النخل ويجمع العسيب
هههههههههههههههههههههههههههههههههههههه
وش ذي ------->>ek:
الله يكون في عونك ----->>شوي ويبكي
سوال مجرد سوال
هو مع الخيل ياشقرى او مع الخير ياشقرى:confused:
بصراحه موضوع اقلاع في اقلاع واتمنى ان يسنح لى الوقت واعود الكره نره اخرى
لا عدمناك يا متميز والمايستفاد منطقى وعلى الاخوه اللى لسى ما تورطووو ياخذون بهذه الحكمه ;)
شنكوتي بجبيلك سوالف مهبله
وعلى فكره تراني دجه في الشعر
الشعر يمين ونا يسار
يعني لاترفعنا فوق مقامنا
####################
سلف خمسه يامرحبا على مرورك
تعرف لازم نقربها عشان تعطي طعم
واذا مالها طعم حط الحركات
####################
السلطان مرحبابك
وعلى فكره الموضوع من جهد واحد من اخوياي وعطاني اياه كتبته لكم
يعني ماهوب ملطوش
تحياتي
( ليلة زواج ابو نفس )..يمنع التصوير ودخول الورعان والمغاتير والمشروبات الروحيه
وطلعت ها الحمامه لملقاط . وملقاط ذا يعشق بل فنان في تربيه وبيع الحمام . ومن كثر ما يشنق في البسوس عرفوة بسوس حارتنا كل اسبوع وهو يعرض اثنين ثلاث بسوس شانقهم على ماصورة الحنفيه.يعني اتزوج اخته اهون ولا انشنق على ماصورة انا وحمد المسطرة.
من اولتها وبعدين خش من سالفه في سالفه لين يروح حاجز الخوف والرهبه عن العروس وتتجرا عليك. ام فناطل ذي اختصرت المسافه والوقت. من دخلنا السويت << ( غرفتين بسطوح بيت ام فناطل مغطينه ببلكاش ) قفلت الباب وخلت اخوها ملقاط حارس على الباب ودخلنا غرفه النوم وانا مغصوب على امري وتصك الباب وتجيب المعسل والدافور وتحط الغوري تبي تسوي شاهي وتولع على الفحم . وشوي الا مطلعه ورقه(البلوت) وقامت تخبص قالت يالله قص. انا من شفت ذي اعلومها قلت لها ورا ما نروح لقهوة ابو هيثم
ek:
olleyes:
