الســــــــــلام عليكم

دائما مانلاحظ في مجتمعنا تذمر الرجل من المرأه والعكس من ناحيه عدم الاخلاص وان الخيانه موجوده من كلا

الطرفين ....

خلونا نشوف قصة طلال مع حبيبته مها ...في بداية علاقتهم مرت عليهم أياااام حلوه ودائما البدايات تكون حلوه

ولها مذاق خاص لكن اااااااه ياكلمه لكن تغير الحياه 180 درجه ... نجى مع اول ليله بدأت تتغير حياتهم

طلال: هلا ... اشوف جوالك انتظار

مها: هلا فيك .. ابد قاعده اكلم صديقتى <== يابريئه انتى

طلال: صديقتك الساعه 2 بالليل

مها : اي والله علينا اختبار وتسألنى بعض الاسئله <== حابكتها صح

طلال: اجل اخليك تذاكرين اكلمك بكره وانشالله انك مبدعه بالامتحان

مها: اوكى الله يسمع منك باى
( الليـــله الثانيه)
طلال: هاه بكره عندك اختبار اشوفه انتظار

مها: لا والله هذى اختى تكلم صديقتها

طلال: ليش ماتكلم من جوالها

مها: كانت تكلمها بس خلص الشاحن <==وربي خبره

طلال:المهم حبيت اقولك انا بكره او بعد بكره يمكن اسافر الرياض توصين شي

مها: ابد سلامتك تروح وتجى بالسلامه اوكى باى
( الليله الثالثه )
طلال مامشى للرياض بيمشى بكره قال خلنى اكلمها اسولف معها شوى قبل لاانام واخليها تصحينى الصباح

دق عليها واذا بشخص مكروه من جميع الشعب السعودى يقول (( عفوا ان الهاتف المطلوب لايمكن ........))

قال اجل برسلها رساله اقولها اول ماتقومين دقى على صحينى مايمديه يرسلها من هنا الا جواله يعطيه

تم تسليم الرساله نسيت اقولكم طلال حاط نعم عند خيارات تقارير التسليم يعنى اذا ارسل الى اي شخص تعلمه

اول ماتوصله .. هنا عرف طلال ان مها محوله جوالها على مقفل اذا كانت تكلم يعنى تضحك عليه وكانت تصرف كل ماسألها المهم ارسلها رساله يحط فيها

ويهزئها انها ماتستاهله , ماخذا دقيقه او اقل الا مها تتصل عليه <== اشتغل الكبرياء عندها

طلال: نعم <== قافله ماينلام

مها:وش اللى نعم <== تركت السالفه وركزت على نعم

طلال: انتى مجبوره انك تكلمينى ؟

مها: لا

طلال: ليش ماقلتيلى من اول انك تكلمين وانا افهمها وانسحب بكل هدوء

مها (( لاتعليق ))

طلال : ضريتك بشى ؟ ضايقتك في يوم من الايام ؟

مها: لا

طلال: طيب ليش خنتينى ؟

مها (( لاتعليق ))

طلال: لييييييش خنتيييينى

مها (( لاتعليق ))

طلال: ليــــــــــــــــــــــــــــــــــــــــــــــــ ـــــــــــــــــــــش خنتــــــــــــــــــــــــــــينى ؟؟؟؟؟؟؟؟

مها: هييييييييييييييييه انت وقف حدك اصلا انا متى حبيتـــــك عشان أخــــــــــــــــونك..طوط<= سكرت السماعه

طلال ماعاد قدر يقول شي اصلا مايدرى انها سكرت السماعه وده يتكلم بس مصدووووم ماتوقع الرد هذاا جلس

يفكر !! اجل وش كان اللى بيننا ؟؟ وش حادها انها تكذب على وتقول مع صديقتى دامها ماتحبنى؟؟ كانت تقولى

مافيه امل انساك هل هى مجبوره انها تقولى كذا ؟؟ اسئله كثيره مرت على طلال مو مصدق اللى الكلام اللى سمعه

بعد طول تفكير وشرب زقارتين في وقت واحد وبعض الاحيان ثلاث زقاير قال اكيد انا فهمت الموضوع غلط

مو معقوله مها ماتحبنى يمكن تختبرنى تشوف انا بضحى فيها على طول ولا لا......

خلنى ادق عليها الحين واشوف اكيد بتفرح <== مالت عليك على نياتك من جد

طبعا انتظار كالعاده ;)

مها: نعم خيـــــــــــــــر ماتفهم انت ماعندك كرامه اذا عندك ذرة كرامه ماابي اشوف رقمك.. طوط طوط طوط

:confused: <== تستااااااااااااااهل ليش تكلمها ثانيه

طبعا طلال ماقام من مكانه اتوقع الى الحين على نفس الجلسه

عموما شكلى طولت عليكم بس حبيت اعرف الاسباب اللى كانت تدفع مها للكذب الغير مبرر مع طلال وهل

تساؤلات طلال لها اجابه مقنعه ...

بررررررررررررب

<<<<< يرد وكله حزن على طلال



والله ياماشي الحال وش اقولك وش ارد عليك --> قلب الدب خضر


انا اشوف المسئلة في وقتنا الحالي ان المكالمات الي زي كذا

للمتعة بس ودق حنك ومشي حالك اسم اني اكلم بنت اول اكلم ولد

صاروو يتفاخرون فيها الحين

نادر جدا جدا ماتلقى من يكلم وهو يحب من قلبه --> اذا مو معدومة اصلا

يمكن الي خلى مها تسوى كذا انها ماشافت طلال بالرجل الي تبيه

ويمكن لقت واحد احلى منه او سيارته مرسيدس 89 --> كفرات خط جنوط خلية

طبعا ان وضحت في بداية موضوعك ان الرجل يتذمر من المرأة والعكس

مانقول بس الرجل لا حتى المراة تتذمر من الرجل

بس انت حطيت مثال وبناء عليه قمت ارد --> عرفت ارتب الجمل واخيرا

بالنسبة لتساؤلات طلال مقدر اعطيك اجابة مقنعة عليها

ولا اجد مبرر لكذب مهاا عليه


اخوزي ماشي الحال :

ياليت نعرف رقم مها عشان نعرف الموضوع عن كثب بس --> الدب خطط على اختها


يسلمووووووووووووووو ماشي الحال

وانتظر ردود الاعضاء عشان نعرف اكثر واكثرررررررررررر

هذا هو الأفضل

لو تعطينا رقمها عشان نتصل ونسألها

وكذلك رقم طلال عشان نحل المشكلة !!


تحياتي ماشي حالك

__________________

.. Bitte nicht Webstühlen für die Reisenden
.. Der Reisende wird sich zeigen



سبحان الله وبحمده ... سبحان الله العظيم

__________________

يابطني الي كن فيك مصران***مدري بلاك مغص ولا التهابي
كل ماروح لدكتور واقول حصران***يقول البلاء كله من الاباطي

__________________

ماشي الحال

القصص هاذي تلامس الواااقع

ياما ياما

ومن قال لك هذا اسمه حوووووب

حتى طلال لاتقولي انه يحبها

الحاله هاذي ياعزيزي

تسمى نزوة فراغ عاطفي<<<<اقتباس من شريط عبدالمجيد

من جد شخصه لقى وحده تهتم فيه او العكس

احتمال ان طلال يفتقر الى الحنان<<<<وربي مثلي

او انها اول مره يتعرف على جنس لطيف

فتلقاه دايما مسنتر خشته على شاشة الجوال

وبحسب الخبره اللي تلقتها مها من الساحه الحووووبيه

قدرت انها تلعب على الحبلين ...

الحاله الوحيده اللي نقدر نقول فيها ان مرحلة الوفاء او نسميه الاخلاص

توصل الى نسبة مرتفعه

هي عندما يطيح تمساح ماله بالبنات على بنت مالها بهالشغلات

ويصير نوع من الصدفه

يعني لارقم ولا خرابيط

ابد اتصال بالغلط او شي من هذا القبيل

هنا

لاينفعك بنز ابو جنوط ولارقم مميز

اهم شي قلبك

========

ماشي الحال احس انك طلال بس وخر النظارات لاجل نعرفك هع هع هع

ماعليش تعيش وتاكل غيرها

وخذها مني نصيحه اذا حبيت وحده من قلب فحاول باسرع وقت انك

تكلم غيرها لاجل اذا جا يوم وسحبت عليك

يكون عندك قطع غيار اضافيه

وسلشلش

الفلته بيه

وياقلب لاتحزن

__________________

والله وتفتحنا ياعرب ذكرتني بمنتدى الجاده بمنتدى ثاني

وكل اللي يغزونه ناس اصحاب فكره ملحوس <--- يقصد العلمانين

يعني حتى الواحد وصلت فيه الوقاحه انه يحرف في الدين طيب حرف في الامور الدنيويه

ولا تحرف في الدين خل الذنب قليل مهب واجد على العموم مالنا في ذا الحكي اللي مهب في صلب الموضوع

في البدايه حاب اشارك بالموضوع ولكن راح ابعد الخصوصيه الموجوده بالموضوع واعمم الموضوع لكي نصل

للزبده المرجوه من الطرح

والشي اللي حاب ابدا فيه هو العلاقه من بدايتها وفي البدايه تطرح عدة تساؤلات

ولكن خلنا نشوف الحين ونعرف هالبدايه اكيد اي شخص بدت علاقته معه

اكيد راح تكون العلاقه هي الاعجاب والاحترام وقد يكون هالشخص

مو الشخص صاحب المواصفات اللي تمناها

لكن قد يكون هالشخص هو اللي جذبك ناحيته وبكذا تنتظر الظروف

اللي تجمعك فيه وقد تكون الصدفه هي اللي جمعتك فيه

وبكذا تبدأ العلاقه من الصفر ومن هنا نرجع تحت الصفر ونقول هل

هنالك تساؤلات قبل بناء العلاق او الصداقه او المحبه

هناك حاجتين اذا كانت هناك درايه مسبقه عن هذا الشخص ومعرفه

تامه واتت الظروف لتجمعك به في حقبه من حياتك

قد تستمر او لا تستمر وهذا حسب حكمك عليه من البدايه انه شخص

يستوجب عليك بناء علاقه معه وفي حدوث اي خلاف معه

وادى لا قدر الله إلى نشوب خلاف حاد ونفور مستغرب منه فالسبب

هو انت لمعرفتك به ومعرفة ما قد يحدث لك منه وهذا يؤدي إلى

الحاجه الثانيه في حالة عدم معرفتك له وهذا هو الغلط بعينه

وهنا تكون لك فرصه لمعرفته في البدايه قبل التعمق معه واختباره وكلمة اختباره هنا هي

من جميع النواحي ومن هنا لو تنظر لنفسك وانت تعجب بواحد

وتقوم بمدحه وتمجيده وفي لحظه تنعكس الأيه إلى النقيض

وهكذا علاقتنا تمتزج بالتسرع

في تكوين العلاقه بمعنى تعرف وكثير صداقات والسلام لا توجد اي ضوابط واي


احكام تقرر هالعلاقه في البدايه وانما عواطف واقاويل تتبخر مع الزمن ولا يوجد لها سند

او ضمان يثبت لي صدق هذه الشعارات او العواطف وان شاءالله اكون

قد وفيت وكفيت على تسائلك بالشي اللي اقدر عليه تحياتي لك واشكرك على هذا الطرح الجرئ مره


وياليت بعد ماتبخل علينا برأيك بالموضوع وماعهدناك الا متحاور وتحياتي لك حبيبك عبودي

سلام هيه


طلال + مها= جحده;)

طيب الحين كلكم قلتوا ان هالطريق ماله نهايه او معنى كلامكم يقوول كذا


يمكن مها بنت لاعابه ويمكن فيه بنات غيرها بهالطريق بتمشي مع طلال الى ماله نهايه او
لين الضروف تفرقهم مو شرط انها تعرف على واحد ممكن زواج او كفشه او ... او يعني كذا سبيل

بس شين الحلايا مدري ماشي الحال

تسأله هنا
----------(اغتباص)----------------
مو معقوله مها ماتحبنى يمكن تختبرنى تشوف انا بضحى فيها على طول ولا لا......

-----------------------------------
هو يتكلم عن الحب ماتكلم عن حكم المكالمه

صحيح ان نهايتهم بالفراق هذا شي مفروغ منه

بس لو بنتكلم عن المشاعر وصدقها
لو بنتكلم عن الاحاسيس وتبادل الشعوور
الي قلت في وقتنا هذا
اكيد مافيه مجال لنقاش من هالناحيه بحكم انها ماتت بكل شي
مو شرط بين اثنين يعرفون بعض بالتلفوون
اي واحد لو يسأل نفسه
سمع عن واحد من جماعتهم او واحد من خوياه يحب زوجته ؟

طيب مو زوجته يحب امه ؟

او اخته ؟

حب صادق ممكن فيه بس قليل مو مثل اوول يعني حتى الوالدين ماعاد فيه ذاك الحب الي نكنه لهم


المقصد من هالقووصه وحسب طريقة فهمي الشخصيه ان الكاتب يبي يووصل
او يتكلم عن المشاعر والاحاسيس مو عن طريقه مها وطلال

وجايز ان فهمي غلط ودوام اول ليل اثر فيني
بس الي في القدر مايهرول عبث <<< مدري وش دخل هلامثل

يعطيك العافيه ماشي الحال وموضووع تووشكر عليه

__________________
.
.
.
.








^
^
^
ياحبني لك ياكانوتيه





اللهم انصر أهل غزة
وثبت مجاهديهم
ومكنهم من بني صهيون
.. يااااااااااارب

السلااااااام عليــــكم

اولا احب اشكر كل من مر على الموضوع سواءا بالقراءه او الرد.....

اخوانى زكرتى منتفخ وياهملالى وجنكيز خان ... يعطيكم العافيه على تفاعلكم مع الموضوع اما بالنسبه لرقم

مها فاللأسف الحين مع واحد هندى يشتغل في الهيئه بس رقم طلال موجود <==دارى محد يبيه

اختى Sara يعطيك العافيه على تفاعلك ... بس ودى اسألك الشريحه اللى تكلمت عنها وشبهت فيها طلال ومها

كعينه من هذى الشريحه كم تمثل نسبة هذى الشريحه في مجتمعنا السعودى ؟؟

اذا قلنا في اقل الاحوال تمثل 50% من مجتمعنا . الا تستحق هذى النسبه ان نقف عندها لا لمجرد الوقوف عندها

فقط , وإنما للتفتيش عن ما بداخلهم والبحث عن حلول لمشكلاتهم .. قد يرى البعض انه من غير المجدى النقاش

في مثل هذى الامور العقيمه من وجهة نظره ولكن بنظره تفاؤليه بسيطه نفرض ان مها او طلال مروا بزياره

للمنتدى ووجدوا هذا النقاش حول الموضوع يمكن يكون فيه احساس بالذنب وإزالة الغشاوه التى كانت على عيونهم.

جميعنا نتفق على ان العلاقات الغير شرعيه مثل التلفون او ماشابه دائما ماتكون نهايتها غير سعيده للطرفين

ولكن ان كان لابد من وجود هذى العلاقات نتمنى ان تكون في افضل صوره ..قد لانستطيع بناء مجتمع متكامل

ولكن قد نساهم في ذلك.. (( ليس هناك عمل صعب ولكن الصعب ان لاتعمل ))

هذا مجرد توضيح لاختى Sara واتمنى تقبله من اخوك ماشي الحال

اخوى الفلته بيه خلنى اقول اولا يعطيك العافيه وبعدين وربي انك رهييييييييب وياحبنى لهرجك احس انك متكى

وحوالينك اثنين ويهفون عليك عشان يجيك هوا وانت جالس تاكل تفاحه وترد على موضوعى بس الظاهر انك تكتب

بيدك اليسرى اشوف الخط منعوج شوى

وبعدين اقولك طلال الى الحين ماقام من مكانه تقول تحس انه انا olleyes: <==فصخ النظارات

يالله جا وقت النوووم الحين ولى رجعه انشالله

__________________

المشاركة الأصلية كتبت بواسطة sara [/i]
[b][color=0000FF]

__________________

يابطني الي كن فيك مصران***مدري بلاك مغص ولا التهابي
كل ماروح لدكتور واقول حصران***يقول البلاء كله من الاباطي