السلام عليكم
مشاركه خفيفه ( نواشف وخبز بر وكاسة شاهي حبر اسود شاهي صعايده )

( 1 )

يا حظ من هو يوم يمشي مع الناس
ما وسط قلبه عالم .. مشغلينه
***
عالم مشاعر تسكن انسان حساس
باسبابها لحاله يشكل مدينه
***
ساعه يودونه على حفرة اليأس
وساعه يحطون الامل صوب عينه
***
يافتنة الحفل الغرامي والاوناس
جاك الغرير وحاولي تملكينه
ـــــــــــــــــــــــ

( 2 )

قهرني الوقت الردي والبخت شح !
واجبرني الغالي على طمرت السور
***
يا صاحبي صوتي وانا اصيح بك .. بح
ابغى وصالك وانت لاهي ومسرور
***
فهمتني طرق الهوى يالغلا صح
واصبحت فيها جامعي .. قول دكتور
***
ان قلت روح جيت ! وان قلت لي رح
اروح .. وبطاعة اوامرك .. معذور
ـــــــــــــــــــــــــ

( 3 )

لا ما افكر كيف ابحيا بلا حب
لكن افكر كيف تحيا بدوني
***
ان كان لك قلب فانا كنت لك قلب
احلى حياه شفتها في جنوني
***
ياما وريتك بالهوى حلو وعذب
ولاتحرك غير عينك شجوني
***
ما اقول عن فعلك وعن غيبتك تب
بالعكس جرب كيف تحيا بدوني
ـــــــــــــــــــــــــــ

( 4 )


كل السوالف تجيب اسمك ولو صدفه
كل الشوارع توقف بي على بابك
***
واهرب عن الناس لاخر ركن في غرفه
والقاك بالروح .. واهدابي على اهدابك
***
هناك اعيش الغرام اللي لقى حتفه
هناك اذوق العذاب اللي من اسبابك
ــــــــــــــــــــــــــــــ

( 5 )

انا حلمي اصبح بقلبك خبير
وانت حطمت طموحي والاماني
***
يفقد اسلوبك الاحساس الكثير
من غرابيله انا لليوم اعاني
***
انا طالب حب باخلاص وضمير
وانت استاذ تخصصك اناني
***
عطيت غيري ممتاز مع التقدير
وانا مقبول ولا حتى دور ثاني
ـــــــــــــــــــــــــــــــ

( 6 )

ان كان تعذيبي يسرك ويرضيك
عطني عذاب واخذ بداله سعاده
***
اهجر على كيفك وزد تحديك
وانا بدال الهجر احبك زياده
***
لك مني ابكي كل ما حل طاريك
لين البكاء يصبح مع الوقت عاده
***
مهما حصل يا زين ماني بناسيك
اسمك نقشته دمع فوق الوساده
ـــــــــــــــــــــــــــــــ

( 7 )

ليه احبك وانت لي هم وعذاب ؟
ليه قربك نار وفراقك جمر ؟
***
ليه اشوف الكون بدونك خراب ؟
ليه احس اليوم بغيابك دهر ؟
***
ليه اصدقك ومواعيدك سراب ؟
ليه اكذب جيتك لي وانتظر ؟
***
ظالمي .. حلفتك برب الكتاب !
ليه كل ما جيت اعاتبك اعتذر ؟
ــــــــــــــــــــــــــــــ



موضوع صغير على قد الحال نتمنى ان يحوز على اعجابكم ورضاكم

مع اني منقهر لان الموضوع خلص بدري

__________________
[img]http://tbn0.google.com/images?q=tbn1nZXq17OPbCiM:http://www.urstorm.com/ups/uploads/628772247f.jpg[/img]
ما أعرف أوقع
رووووووووح الله يوفقك يا ولد / يا ولده [ ذكر / انثى ][/align]