البَــتول في ماليزيا^^ -- لنكاوي 1 --

**البَــتول** · 11-14-2008, 12:45 AM

السلام عليكم ورحمه الله وبركاته
والله احترت في المقدمه ما عرفت شو اكتب

تقريري لهالسنه وان شااء اله كل سنه مكان <<<

انتوا ادعوا بس

..رحله الى ماليزيا..

بوتقه ثقافات آسيا المتعدده<<مقتبسه من مجله
مدة الرحله 12 يوم
ولا تصدقون اللي يقولون تسد
ما تسد ..
بس لضيق الوقت والظروف المحيطه ،، استوت12
شي احسن من لاشي

المهم
.. معلومات عامه عن الرحله ..
مده الرحله : 7 ساعات
الجو يختلف من منطقه للثانيه
الاسعار مناسبه ما تختلف واايد عن اسعارنا
هذا احساسي

الرحله كانت على الخطوط الماليزيه
متعبه نوعا مااا...

الموضوع راح يتقسم لعده اقسام
موضوع لكل منطقه
واحتمال موضوعين
على حسب عدد الصور

ما اطول عليكم

بسم الله

توادعنا فالمطار،، وانطلقنا لبوابه المغادرة B11 وكالعادة ما مدانا نتحوط في سوق دبي الحره ،،
مع ان السوق يقول تعاااااااااااااااااااال تعاااالا يا حبيب العمر تعالا

.. مطار دبي ..

واستقرينا على مقاعد الخطوط الجوية الماليزية ،، وطبعا كل واحد منا في ارض،،
مب نحن بروحنا الا معظم الموجودين هذا حالهم ،، مما سبب لي ولغيري نرفزه وارتفاع ضغط
وطارت الطائره ،، وحلقت وحلقت وحلقت ،، ولا زالت تحلق

سبع ساعات قاتلة

،،

واخيرا بدا العد التنازلي للافراج من هذا السجن الاختياري

،،
نزلنا وبدانا المسير مره ثانيه في اروقه المطار الكوالمبوري،،
بعدنا عن وجهتنا شوي لكن كانت عيونا ،، وتحديدا عيني على السوق والمحلات المفتوحه الا ان وجدنا المنقذ،، دب الباندا

انسااااااااااان باااااااااااارد بكل معنى الكلمه ،، كانت سرعة خطواتنا قبل نشوفه 120 ،،
وبعد ما بدا يوجهنا صرنا نمشى 20،،

وتوجهنا الى القطار العجيب للانتقال من مطار الرحلات الخارجية الى مطار الرحلات الداخلية
وصلنا الى البوابة اللي مافتحت بعدها <<<<ياطخة يا اكسر مخه

وصلنا قبل فتح البوابه بساعه

ومثل ما ذكرت اعلاه ان المده 7 ساعات
فهي قاااااااااااتله
فضروري التسليه ، مع ان الشاشه اللي جدامك ما راح تقصر
كلها افلام ويمديكم تشوفها كلها
لانها تنعاد
بس بدوووخون من كثر ما تشوفون

طبعا وصلنا مطار كوالالمبور
واتجهنا لللطيران الداخلي المتجه لـ لنكاوي

وفي الطياره

ضيفه من خارج الحدود
و مب متاكده ولد ولا بنت
بس خمنا انها بنوته

صوره جويه قبل الهبوط في مطار لنكاوي

ووصلنا ارض المطار
ذكرني بمطار ابها

المناظر في لنكاوي رااااااائعه
اللون الاخضر والسماء الزرقااء
والسحب<<<هايدي

سبحان الخالق
بس الجو صراااحه
حرررررررررررررررر

على فتره تواجدنا ،، المطر كان قليل
اول ما وصلنا شفناه ،، وبس

معلومات عامه عن لنكاوي على لسان سائقنا مأمور،،
لنكاوي مب منطقه باارده،، يخيل لك من منظرها ولونها الاخضر انها بارده لكنها ليست كذلك،،
شهر 6 و 7 تكثر الامطار في لنكاوي بشكل يومي ويكون الجو ابرد

بالنسبه للفنادق،، يقول ان افضل الفنادق الموجوده هي الفصول الاربعه والويستن
ومعلومه من عندي ،، ترى كل شي حلال في ماليزيا ،، حتى العلوك والبيبسي حلال
كل شي مكتوب عليه حلال<<<<

الفندق
Berjaya Hotel & Resorts
المكان رووووعه بجووووه ،، منطقة الفندق خطيره
بس الفندق ما يستاهل الاربع نجوم المكتوبه عنه ،، حده 2 من ناحيه الفخامه ،، والنظافه تمشى حالها

طبعا وصلنا حدنا من التعب وتفاجئنا بنظام الفندق اللي ما يسوي check in الا بعد الساعه 2

طبعا اضطررنا الى الانتظار ساعتين حتى جهزت الغرف،، قضيناها فالاكل

طبعا تختلف اسعار الغرف ،، باختلاف موقعك
عندهم تقريبا 7 اختيارات من السكن
تختلف الاسعار من ناحيه الاطلاله على البحر او الغابه ومساحتها طبعا
ماشي نت فالغرف

وهذا منظر عمودي لمدخل الفندق
ومن هنا احب اهدي سلامي

للمعاريس الاماراتين

،، اللي كانوا ويانا على نفس الرحله وشاءت الصدف اننا نكون في نفس الفندق

الفندق فيه مطعمين
هذا اولهم
عيب المطاعم انها مفتوحه ، اعتبره عيب بالنسبه لي

مثل ما ذكرت قبل ان الجو كان حااار، يعني ما تاخذون راحتكم وانتم تاكلون
طبعا الكلام ما يشمل راعين الشورتات والكتات
الدنيا هوااااا هواااا عندهم

والعيب الثاني الحشرات
ذبابه رايحه وذبابه راده
والاكل المكشوف
طبعا مفروض تغضين البصر عن هالسالفه عشان ما تتعبين نفسيا من التفكير
^
^
طبعا هالكلام مب موجه للشباب

هذا المطعم الثاني
وللامانه ما ذقت اكلهم
بس شكله حلوو
هذا عالبحر
الاول كان داخلي نوعا ما

نوصل للاكل
الاكل كان فالمطعم الاول
للامانه اكلهم ما عليه كلام
الريوق خطير،، كل شي موجود
بس العصير مب بااارد<<<ماسكه عالحر والبرد
والعشاء حلووو
بوفيه
وكل يوم يكون بوفيه معين
يوم ايطالي ،، ويوم هندي

مقتطفات من عشانا

مناظر متفرقه للمكان

كوخنا

يوم توصلون مطار لنكاوي
تلاقون حوالي 20 مكتب رحلات
وكلهم نفس الكلام،، والاسعار بينهم ما تفرق واايد
وكل شي بتشوفه في لنكاوي في يومين
هذا كلامهم كلهم

اهم الاماكن في لنكاوي على حسب المنشورات اللي عندي
- رحله المانغروف وتتضمن
- تغذيه النسور
-مزرعه الاسماك
- كهف التماسيح<<<ماشي ولا ظل تمساح
- كهف الخفافيش
- رحله حول الجزيرة

- ميدان النسر
-حديقه الحياة البريه
- مزرعة التماسيح
-الشلالات
-عالم ما تحت البحار
- العربات المعلقه(التلفريك)

وطبعا في رحلات كثيره منظمه ليوم كامل
اللي يباها بالتفصيل مستعده اسوي سكان للورقه واحطها

رحلاتنا
.. رحله نهر المانغروف ..
تكلفتها 300 على القارب،، ما يهم عدد الاشخاص
مدتها ساعتين

اولى مراحلها مثل ما قلت
تغذية النسور
طبعا على حظنا كانوا شوي ،، لانهم شبعانين
محد عبرنا

المرحلة الثانيه

كهف التماسيح
ومثل ما قلت قبل،، مجرد اسم
وهو نفق صغيرووووون
ما يمديك تدش الا طلعت

المرحله الثالثه
مزرعه الاسماك
في اكثر من شخص يشرح عن الانواع
واذا تبا تقدر تمسكم وتاكلهم بعد
كل واحد وشجاعته

المرحلة الثالثه
وصلنا لكشك كهف الخفافيش
طبعا هذا تسعيرته بروحه
نسيت كم
بس ما تتعدى الـ 5 رنجت،، اعتقد بس رنجت واحد
ينزلك القارب،، وانت تتجه يا يمين او يسار
المهم راح ترجع من الصوب الثاني

الممر اللي يوصلكم لكهف الخفافيش
طبعا راح تلاقون المستقبلين
اللي يشرب سفن اب ،، واللي ياكل ايس كريم
حركاات سبلانهم

.. كهف الخفافيش ..

احلى شي يوم بدينا ندخل البحر
الجوووو روووعه
وناااس تصور،، وناس مسويه فلم تيتانيك

لان القارب سرييع

بس اول ما يوقف
والشمس تضرب
ابدا مب رهيب

ووصلنا لختام الرحله
اللي كانت مدتها ساعتين

ختام الرحله
الجبل على شكل غوريلا

المحطه الثانيه
.. جنه الطيور والحياه البريه ..

كانت تبعد عن المانغروف بين ال 15- 30 دقيقه
المكان حلو والطيور حلوه ،، بس الجو ابد مب حلوووو،، حررر<<<تعقدت

احساسي يقول ،، اني كرهتكم فالمنطقه

احلى ما في المكان انك ممكن تتمشى بين الطيور ،، يعني اقفاص مفتوحه لبعض الانواع

في نهايه الجوله داخل الحديقه
وقبل الختام بشوي
توصلون لـ محل الاحجار الكريمه

بعد المحل
تلقون على يمينكم ويساركم صخور
وكل صخره مرسوم عليها شخابيط،، اقصد مكتوب كلمه ،،
ومقابلها كيف لفظ الكلمه ومعناها بالانجليزي ولغه ثانيه<<نسيت ما ركزت لاني سمعت بالسالفه
ولاني احبكم اخترت لكم هالصخره

.. صخره حبنا

..

وقبل الختام
تلقون مكان للصور التذكاريه ويا الطير اللي تباه
(عصفور ،، ببغاء ،، صقر) اختار ولا تحتار

ووالختام محل التذكارات

انتهت رحلتي وياكم ل هاليوم

والقاكم ويا الجزء الثاني لـ لنكاوي

دمتم سالميـــــــــــــن

**شباب في رحله** · 11-16-2008, 03:01 PM

تسجيل حضور قووي

<<< انطم

راجع للموضووع بتمحص

**شيختهم** · 11-16-2008, 04:01 PM

,وعليكم السلام ورحمة الله

يعني ما طرالتس تعزميني على هالرحله الرايقه

هذي ثالث مره افتح الموضوع واحسني ماشبعت

اقتباس:

مناظر متفرقه للمكان

كوخنا

مناظر تخقق

حتى الكوخ

ليته بيتي بين هالاخضر راضيه لو على حساب اني احب السمك

..

عجبتني تفاصيل سردتس للرحله

بس حسيتك تبين تقهرينا

<< سوء ظن اعوذ بالله

..

الحين الجبل اللي شكل غوريلا صدزي من الله والا منحوت؟

عجبني وايد

..

الببغاء شي

بس التمساح كلش مو شي

الاحجار حلووه

والصورة اللي اخترتيها مميزه حيييل

..

(ادري ماعطيت الموضوع حقه بس وش احتسي بعد كلبو دايم مبدعه

)

يسلم كلتس يا عسل

**شباب في رحله** · 11-16-2008, 04:43 PM

اقتباس:

- كهف التماسيح<<<ماشي ولا ظل تمساح

^
^
^
احييهم صراحه

ناس عرفت تستفيد من التماسيح

عندنا الشوارع كلها تماسيح ومحد معطيهم وجه

صراحه تقرير مهب خطير؟

الا مسكت

من جد ابداع

صحيح اني تلخبطت بين عقلي وقلبي

مدري اتمعن في المناظر او اني اتمعن في الفن الضوئي

فما بالك اذا جا موضووع يجمع بينهم

صراحه شي خطير

اتوقع ان الصوره نص المشوار <<< احد فهم؟

فيه ناس ماتعرف في التصوير وتصور واذا جابو صورهم ماتحس بالصوره ابد

وفيه ناس تصويرها يتكلم عن الصوره

وبين هذا وهذا تفرج واستانس او سو باك واطلع من الموضووع

وعنوان هالموضووع تفرج واستانس طبعن

البتول

ماشاء الله مبدعه في كل مجال

طيب متى بتنزلين تقرير ماليزيا؟

<<< غبي يحسب لنكاوي دوله

ننتظر الباقي بأشغف من الجمر

وبدينا نحط ماليزيا في الحسبان

مرسي البتول

**سحابة حب** · 11-17-2008, 03:25 AM

بتووووووول

يابطله ..

لي بااااااااكـ جامد

**البَــتول** · 11-17-2008, 09:45 PM

اقتباس:

المشاركة الأصلية كتبت بواسطة شيختهم [عفواً يمكن مشاهدة الروابط للمسجلين فقط للتسجيل اضغط هنا]

,

وعليكم السلام ورحمة الله

يعني ما طرالتس تعزميني على هالرحله الرايقه

هذي ثالث مره افتح الموضوع واحسني ماشبعت

ان شااء الله الرحله اليايه ،، بوزع دعوااات

نرووح قرووووب سياحي كامل<<<<

اقتباس:

مناظر تخقق

حتى الكوخ

ليته بيتي بين هالاخضر راضيه لو على حساب اني احب السمك

الله يرزقج بواااحد مثله

..

اقتباس:

عجبتني تفاصيل سردتس للرحله

بس حسيتك تبين تقهرينا

<< سوء ظن اعوذ بالله

افااااا لييييييييش

المهم ان السرد عيبج

اقتباس:

الحين الجبل اللي شكل غوريلا صدزي من الله والا منحوت؟

عجبني وايد

والله ابوشهاب قال صدق
والله تعالى اعلم

..

اقتباس:

الببغاء شي

بس التمساح كلش مو شي

تراه اليف ما يسوي شي

اقتباس:

(ادري ماعطيت الموضوع حقه بس وش احتسي بعد كلبو دايم مبدعه

)

يسلم كلتس يا عسل

كفيييتي وووفيتي

شاكره لج تواجدج يا قشطه

ض1هههههه1ض · 11-19-2008, 01:53 AM

السلاام عليكم ورحمة الله وبركاته
صررررررررررررررررررراحه شي خيالي مشكوووره على الطرح والسرد العجيب
مع انوووو والله انها اول مرره ارد على مشااركه لاني جديد بالمنتدى بس حضي
حلوو اللي خلاني اطيح بموووضوع مثل كذا ويعطيك الف عافيه
كل شي روعه مراح اقول لك شغله واخلي شغله ثانيه لانووو فيه شغلات كثير اعجبتني بالمووضوع
فما ودي اقلل من جهدك وتعبك اللي تعبتيه
يعطيك الف الف عافيه وتسلم يديك على الطرح الحلو
والجميل جدا مره
بعد كل وجبه ولمدة اسبووع في الشهر

**ياهملالي** · 11-19-2008, 11:00 AM

الله يسعد أيامك يالبَتــــول

ذكرتيني بـ موريشيوس لبى قلبها

مشكورة على الصور الحلوة ..

أبد ماعندي أي تعليق إلا كلمتي المكررة دايم ..

توأم الإبداع دائماً

شكراً لك ..

**سحابة حب** · 11-21-2008, 09:06 PM

خطيرة جدا جدا جدا ..

بالنسبة لي انا مارحتها قالوا قضي وقت اكثر في بيننغ ( فيس خاق ) تغني عن لنكاوي

بس حسب ماشفته في الصور انها جونااان

لو حصل و رحت مرا ثانية .. اكيد بقضي فيها وقت ..

بتوووووول

شلوون دخلتي هونااا

انا حديقة الفراشات .. بغيت اموت يوم دخلتها

في انتظار باقي الصور ..

**بيـــــــــش** · 11-22-2008, 06:05 AM

مدري أحس الدمام وأبها أحلى

>> اللي ودها ومابعد حصل لها

وعليكم السلام ورحمة الله وبركاته

هلا باللي خلت ماليزيا حلوة في عيني

بعد ماكرهتها يوم راحوا الناس كلهم لها

صرت أدور مكان ماأحد راح له من قبل علشان أقضي فيه شهر العسل

دعواتكم بس بالرجل العجل (بفتح العين ضروري)

صور خطيرة ودعاية سياحية قوية من جد

وحلاوتها في اختيار التوقيت العجيب لإلتقاط المنظر

استشفيت هالشي من صورة التمساح

أحسه يطالع الكاميرا بخبث ووده بشي يخليتس تتحسفين يومتس فكرتي تصورينه >> أبعاد ضوئية

خقينا خققان جماعي بعد هالجزء اللنكاوي (وجه شي تبع الموقع)

وننتظر تخققينا بالجزء الثاني علشان نحجز

بتولايه اذا بغيتوا تسافرون السنة علميني وين

بروح وأخليتس تصوريني جنب تمساح

قصدي شريف وقسم

ننتظر ابداع جديد من هالديـّات مانعدمهون

اعلانات المنتدى