لاتنثرين الدمـع قولـي لـي وش فيـك

**هجير** · 11-13-2008, 02:54 AM

السلام عليكم

::

هذا واحد كان يحب اخته وعلاقتهم قويه مع بعض

متعود على ضحكتها وفرفشتها وخفة دمها

بعد ماتزوجت اخته وراحت مع زوجها
اخوها سافر
واتصل عليها بعد فترة

ولاحظ اخته ماتضحك كأنها حزينة وصوتها مو طبيعي
وكل ما يسألها وش فيك تقوله مافي شي
عرف ان زوج اخته يهين اخته
ويسيئ معاملتها..

كتب هذي القصيدة

لاتنثرين الدمـع قولـي لـي وش فيـك تخالطت عبرات صوتـك وانـا اسمـع

تقطع خطوط الجو والصـوت مغريـك ودمعك غدى نيـران بالجـوف واقشـع

ووقف شعر راسـي ودكـن دواكيـك وضرب اخماس اسداس بالشك واجمـع

ويبسن عروق القلب وصـارن مهاليـك مغيـر اغـص بخافـي الريـق وابلـع

وشلـون مابـه شـي يرحـم اهاليـك تدريـن بغيـر الصـدق لايمكـن اقنـع

انا عهـدت الضحـك يعشـق اشافيـك وعيـون ماخلقـت علـشـان تـدمـع

سلامـة الـي كـل ابوهـم عزاويـك وليـا انتخـوا بالحيـز نيـران واشنـع

وليا وضح صوتـك باذانـي عزاويـك (حيزا حيزا !)ساعـة الصفـر ترجـع

تكفـخ حرار(ن)ماسبقـوهـا ممالـيـك وترسي جبال(ن)مانـوت يـوم تخضـع

وتـارد فهود(ن)ماتهـاب الشرابـيـك وتهـوي نجوم(ن)لارمـت جـال تفنـع

من اقصى الجزيرة اعصار توحي اذانيك مـن هيبتـه يرتـج حفـره ويـركـع

ومن اقصى الحساء بركان تونس اياديك مـن هيبتـه صميـدع القلـب يـربـع

لا والله الا اجيك وشلـون مـا اجيـك شفني عليه اقرب من الموت واسـرع

اللي ازعلك يمكـن نسـى انـي اخيـك ولا تخيـل لاتغربـت مــا ارجــع

لاتنثريـن الدمـع حـيَّـن محاكـيـك والله تخضع اشناب مـن شـان مدمـع

لسماع القصيدة

[عفواً يمكن مشاهدة الروابط للمسجلين فقط للتسجيل اضغط هنا]

وان شاء الله ماهي مكررة

من الايميل

**شيختهم** · 11-14-2008, 02:49 AM

وعليكم السلام والرحمة..

يا ربي هالاخو حبيته

عقبال مايكتب فيني اخوي قصيدة بما انه صار يقول لي سمي

بس عاد مو بزي هالمناسبه

توجع القلب

..

ابيات روعه

يسلم ذوقك هجور

**ابو شنب** · 11-15-2008, 08:41 PM

سلام

ابداع متكرر في طرحك هجير

قصيده رائعه وموضوعها اروع

و فالك البيرق <<< سلامات يا بدر صفووق

**نص 000 قلب** · 11-17-2008, 01:48 PM

احم احم ......

هجير !!!!!

من اول ما قريت القصيده وانا برد بس كانت الظروف ملخبطة والجهاز متوفي

ما ادري ليش مستني هالقصيده حيل تذكرت يوم زواج اختي الصغيره الي ربيتها كنت اتصل واسمع انفاسها استشف من صوتها انها سعيده والا لأ ولما تزور اقرا عيونها 0000
يا اختي الاخوة علاقه ما تقارن باي علاقه اخرى

شكرا كبيره على متصفحج على هالقصيده الرائعه

**سحابة حب** · 11-17-2008, 07:20 PM

الاخو .. هو عزوة اخته .. و هو اللي تشد الظهر فيه لا مالت عليها الايام ..

هجير قصيدة معبره جدا

صح لساانك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
تقييم هذا الموضوع
تقييم هذا الموضوع:

الذين يشاهدون محتوى الموضوع الآن : 1 ( الأعضاء 0 والزوار 1)

اعلانات المنتدى