يامدير الجامعة مني تحية=أما بعده فـ السوالف بـ اثمرتها
طالبك وان كان لي عندك عطيه=الأميره لاتطول محاضرتها
لايطول الشرح وتمل البنية=الجلوس ان طال يتعب خاصرتها
خلوا القاعة على بساط أحمدية=ان عجبها الجو وإلا همّلتها
وخيروها بين ذيك وبين ذيه=قولوا ان الجامعة هي جامعتها
صبحوها بخير في حزة مجيّه=ياصباح العاصمة في مملكتها
لو تأخر ،، تستحق الأولية=لو تغيب اكتب حضور لحاضرتها
وخففوا عنها البحوث المنزلية=وعززوا نسبة قبول مشاركتها
وامتحان الترم يهدى له هدية=سجلوا عنها الإجابة بورقتها
هيئوا كل الظروف المدرسية=واحرصوا عدم حدوث مضايقتها
وانقلوا من جنبها القشرا صفية=خربتها لعنبوها ،،خربتها
تشرح أوضاع العرب في اسكندرية=جعلها السلال ماأكثر بربرتها
جلسوها جنب بنتن حضرمية=لاهية تحسب دراهم حوّشتها
ماتسولف بالعلوم العاطفية=التجارة مثل أبوها مشغلتها
والنضول اللي لها عينن قوية=علموها لاتخلي بسملتها
وردتن تطلب حصول المزهرية=حوطوها بالزهور اللي زهتها
دللوها ،، دللوها الأجودية=حسنوا بد البنات معاملتها
لو تسولف بالعصور الجاهلية=صفقوا كن الجديد بسالفتها
لو كلت نص الحروف الأبجدية=مشّها كن الحروف مكملتها
لو تغير في نظام المنهجية=معك أمانة لاتزيد معارضتها
لو تقول الألف ميه،، قولوا ميه=لو تقول الشمس جتها،، قولوا جتها
اتركوها لو تسب الداخلية=لاحكت لاحدن يروم مقاطعتها
باختصار القول نحسبهم ضحية=ضايعن بين الشفاه ومقلمتها
لأنه المقلمة مثل الشفيه=من حَمار التوت يمكن ديرمتها
يامدير الـ.... لاتشره عليا=والله اني مااستطيع مقاومتها
بالمواقف أنتظر كني وليّه=كلها من شان بس مشاهدتها
لااقبلت قلت ارحبي ياالجامعية=وابتدت ترسم غرور بسلهمتها
تبتسم مثل الخوي لاجا خويه=ودها تصلح ظروف مصافحتها
وقمت أعاين في غموض المهميه=لين ... في سلوكي والدتها
وانتظر في السِّيف في روحه وجيه=أنتظر حزة وصول مكالمتها
الوكاد الـ.... لاتشره عليا=والأميره لاتطول محاضرتها

وانقلوا من جنبها القشـرا صفيـة خربتهـا لعنبـوهـا ،،خربتـهـا . . والنضول اللي لهـا عينـن قويـة علمـوهـا لاتخـلـي بسملتـهـا

" يآرب "

.. تضر ع ــت لكـ حتى غشيتني الدموع~
ودعوتـك حتى تنبه لدعآئي جمــوع~
اللهم لا تحرمني برد " ع ـفوك"
ولا تآيسني من رحمتك


.. اللهم تولى أمري,؛ وأحبر كسري,؛ وارحم ضعفي }

مســاء الخير

بيش الف شكر على هالقصيده الجميله

سلام

أقدع عليكم السلام لأبو رحلة المعزب الكبير

عساي أشوفك واقف عند مصنع الحر تنتظر مريول بنتك تستلمه

عاد ياقلبوس مريول أولى ابتدائي ،، ودك تاكله هو والشنطة الفسفورية اللي عليها فتيات البابلز

قسم بالله يؤخذ عليك مأخذ ان ماعدلت صيغة السؤال

المريول وأنا أمك في المدرسة ،،

ولما تتعدى الطالبة آخر عتبات الثانوية ،، هنااا بس وفي هذه اللحظة يتغير اللفظ

يشيلون كلمة (مريول) ويحطون مكانها (اليونيفورم)

لأن المريول قطعة وحده ،، أما اليونيفورم فهو قطعتين بلوزة وتنوره

يعني أكشخ

وبالنسبة للألوان ماأقدر أفتي لك فيها

لأن كل سنة لهم نظام ،، مرة التنورة سودا والبلوزة بيضا

ومرة التنورة غامقه بأي لون والبلوزة لونها فاتح

ومرة مايلبسون إلا تنورة بنية و بلوزة أوف وايت >> أمانة ماحسيتوا اني كبرت؟

وأهم شرط هو اللبس المحتشم

بس اني رحت مرتين للجامعة ماشفت لبس محتشم إلا شوي

يعني لابغيت تدخل جو وتتخيل تنحنح مدري تحنحن



كأنك بلشت بي يوم سألت هالسؤال؟




خوتامن للهذرة ،، صح بدنك على بدن الشاعر

ولو تدري وش كبر وناستي بهالرد المنتظر كان استانست مثلي وجيت كل يوم ترد

فإني ممتنة




مير باي