السلام عليكم ورحمة الله وبركاته
(( هذا الجزء الاول ان عجبكم اكمل الجزء الثاني وهي من اول القصص التي كتبتها اول مشاركة لي بالمنتدى ))

صراحه قصه واقعيه وخياليه وخذ وخل

معقوله فيه إنسان يصير له كذا في دولة تنزانيا الشقيقه

بداية القصة كانت في أول مقابله معه : كان ياما كان كانه كان او ماكان

كان فيه انسان عزيز مرررررررررره على نفسي اول حرف من اسمه خالد

عادي ادري منتم عارفين بقية الاسم عادي المهم اليكم القصة قبل مااتعرف عليه )

دخلت في مكان ماء بعدين تعرفون لاتستعجلون وانا في السيب (الممر) ناداني واحد حاط شماغه على الكتف والشوشه طايره (تقدر تقولون بايعها ويشوف الناس نمل ) ناداني :هيه يالحبيب
قلت :انا
قال :لا بنت الجيران الله يرحم الحال ايه انت (حسيت اني تهزات مررررره وانا طايره عيوني كني شراني ) قال : تعال ابيك (انا خفت )
قلت: تعال انت
قال :تعال ياانسان ابيك تسمع قصتي
قلت :بنفسي هي خاربه خاربه ورحت يمه وجلست قريب منه
جلس يطالعني ويقول :شكلك غبي بس تفهم (كنت اقدر ارد بس مسوي حليم (بالعربي انا دجاجه )كركركركركركركر
المهم قلت وش قصتك قال : آه ثم آه (حسيتها من قلبه وقصته انواع الحزن و الآهات )
قال :رجلي تعورني من كثر الجلسه (حسيت اني غبي جايب طبلوني معه)
قلت :وش قصتك ترى بروح مستعجل
قال:خلك هنا لاتصير بزر (طفل) طالعني وقال : قصتي قصه واحوالي عذاب آه (يوم قال الآه قلت الحين بيقول رجــــلي بفقع وجهه) اشوى ماقالها
جلس يتكلم وهو يطالع فوق وقال:يوم كنت كبرك (يعني انه شايب وانا بزر)كنت في تنزانيا امشي في شارع اسمه الظلام يسمونه كذا من كثر الناس اللي يمشون فيه وكلهم سود (يعني مزحوم) جلست امشي وافكر مادريت الا انا بالبر ماحسيت بنفسي
قلت :كنت تفكر
قال :لا بس سرحان اشوي
قال:لاتقاطعني
قلت :طيب
قال:وامشي وامشي جلست اطالع من بعيد كان فيه بدوي راعي دتسن راكب بعير (ماقدرت اهضمها )شلون راعي داتسن وراكب بعير
قال:يعني اكذب يعني انا خراط مشمش
قلت :لالالالالا حاشاك بس شلون جت كذا
قال:عنده داتسون واعرفه انا من قبل
قلت :أيه فهمت
قال :لاتقاطعني
قلت :طيب
وكمل كلامه المهم لقيته جالس (يعني البدوي) وشاب ناره بالظهر وجالس يتقهوه
قال البدوي لي :تفضل ياالنشمي يعرف الرجال مو زيك يالغشيم (يقصدني بس سكتت)
وكمل كلامه لقيته جالس ياكل سمك ورز ابيض (يقصد البدوي)
قلت :قويه
قال: وش تقول
قلت: مو شي كنت اقول حلووو كمل كلامك
قال :أشوى فهمت غلط
وكمل كلامه ونزلت قلت :انت بسياره
قال:غبي انت ماتفهم يعني جلست كذا كلامنا بتزانيا
قلت:زين اسلم
قال: وانا اجلس معه واتعشاء
قلت :لحظه هذي قويه شلون يتقهوى بالظهر وتقول اتعشاء وانت تمشي بالنهار
قال:آه منك غبي ماتفهم توك بزر
قلت :فهمني
قال: كان الجو غيم من شهر ماشفنا الشمس ولا ندري وش الوقت
قلت :طيب (مشيتها مو غبي هههه)
وكمل كلامه وقال:المسكين البدوي يوم خلصنا العشاء وتقهوينا حسيت ان بعيون البدوي كلامه بس ماقدرت افهمه مع انها مو من عوايدي تفوت علي دايم افهمها وهي طايره
قلت :وش فيه البدوي ماسالته
قال: ياشيخ كل تبن لاتقاطعني (جلست اطالع فيه بدون تعليق)
وكمل كلامه وقال : جلست احاول اجر البدوي المسكين بالكلام لين اعترف قل كفوووووا ياغبي
قلت:كفووووا (بس ماادري وش عليه بس يالله كفوووا)
طلع المسكين(البدوي)ماتت نصف الغنم اللي عنده وهو وجماعته من قل المطر وشحه والعشب صار اصفر وماتت الغنم من الجوع
قاطعته قلت :بس ياخالد انت تقول أنه لكم شهر ماشفتوا الشمس من الغيم
قال : بلاني الله فيك غبي ياخي صح مغيمه بس مافيه مطر
قلت : سبحان الله
قال : حسيت قلبي تقطع وانا واحد خلقني الله رحوم ارحم النمله والفيل
قلت : طيب ليه مااستغاثوا
قال : اقول انطم ماانتشر عندهم الاسلام
قلت : بس فيهم مسلمين
قال :اصصصصصصصص وخلني اكمل المنطقه اللي فيها انا ماجاها الاسلام ارتحت (هزيت براسي ولا قاطعته)
بعدين جلسنا تعلل وانا وهالمسكين شوي واستاذنت منه وشكرته طالعني وقال :لازم تعلم عوايد كل دايره تدخلها وتعرف سلومهم
قلت له : ابشر وبعدها وين رحت
قال :ايه بعد مارحت من عند البدوي صرت امشي وافكر وش الحل هالمسكين متضايق من الوضع اللي هو فيه رحت للبيت اللي كنت ساكن فيه وتمددت على فراشي وجلست افكر وش الحل ماجاني النوم
قلت له :طيب وش سويت
طالعني وقال:انت شكلك اول مررره تتكلم مع رجال
قلت :افا افا ماتوقعتها منك ياخوي
قال:انا ماني اخوك اسمي خالد (من هنا عرفت اسمه )
قال : خل عنك السوالف البرقه( يعني السوالف اللي مالها سنع ) قلت :كمل طيب
قال : قمت من فراشي وجلست عند باب الشارع اشوف اللي رايح واللي جاي وكان فيه شايب جالس في زاويه اسمه أسمه نســـــيته لان السالفه من زمان قبل ماتولد
قال: كم عمر ك
قلت:27سنه
قال: اجل مثل ماتوقعت ماجابتك امك
قلت : (بنفسي حرم اضيع مستقبلي فيه جلست اصبَر نفسي بشوف وش اخرتها )
قال: وين وصلنا
قلت :يوم فيه شايب جالس بالزاويه
قال : اشوى مفتح معي (تلاحظون انه مصخها اشوي بس الصبر الصبر) رحت يم الشايب وجلسنا ندردش مع بعض شرحت له حاله البدوي المسكين وقالي شف يالذيب (عديتها له وش دراهم بهالسوالف ) فيه منطقه اسمها جبل الخير كلها امطار وخير رح يمها اكيد بتلقى حل ....
على طول قمزت (فزيت من مكاني) مثل الغزال وشغلت الموتر
قلت : يعني عندك سياره هناك ماشاء الله
قال: أيه مازدا بوكس 82 بس ورده (يعني جديده ونظيفه الحمد لله والشكر)
المهم داعس انا على البنص ماردني الا قمه جبل الخير
قلت :مزفلت الطريق
قال :60 كيلوا مزفلت والباقي ممهد حسب مااذكر المهم بعد ما وصلت للقمه جلست افكر وش الحل وكان الجو على كيفك غيم والسماء تبرق صراحه صابتني الحيره وبكيت من القهر....
قلت :وش اللي بكاك
قال :ياخي انت ماعندك رحمه ذا البدوي وجماعته هالمساكين اللي بتموت غنمهم ومايلقون وش ياكلون وانا مالقيت حل لهم
(هزيت راسي يعني أني متأثر)
وكمل كلامه كل ماتنزل دموعي كانت سحابه سوداء تخَرع(تخوف)تحس انها تقولك والله مااقدر اتحرك من كثر الماء اللي فيني والسحابه تقرب اشوي اشوي وانا ابكي وافكر لو هالسحابه عند هالمساكين
فجــــئه (بدون مقدمات) ضربت براسي فكره مايبلش الذيب والهادي ربك
قلت : وش الفكره
قال :انا اقولك (لاحظوا اني قاطعته ولا قال شي لي شكله مل من كثر مايسب) فكرت اني انقل هالسحابه بس شلون لان السحابه ماتقدر تمسكها وشلون وشلون جلست افكر ثواني ولقيتها بثواني
قلت : كفووووووا يالذيب
تبسم واستانس وكمل كلامه فتحت ابواب المازدا وبدت السحابه تدخل بالسياره على طول سكرت البيبان وجهي على طول يم خوينا البدوي وجماعته وطول ماانا امشي والسحابة تبرق وترعد داخل الموتر كانها تقول فكني ترى بمَطر خفت ودعست على الموتر وأول ماوصلت لخوينا البدوي قلت له أبشر بالخير وانا افتح الابواب وتطلع السحابة وتمطر ذاك المطر اللي يحبه قلبك وتسيل الاوديه والشعبان وتشبع الارض من الماء وتخضر وينبت العشب ويجوني اهل الباديه كلهم يتشكرون مني هذا يقول خذ غنم وهذا خذ فلوس هذا خذ بنتي واللي يقول خلك شيخ لنا
قلت :طيب انت وش سويت يوم عرضوا عليك هالاشياء
قال: ياخوي انا ماأحب استغل الربع كل اللي سويته لوجه الله
قلت:جزاك الله كل خير وماينسون معروفك بس عندي سؤال
قال : أسال بس لاتكثر
قلت :ماخفت يوم السحابه ترعد وتبرق ماخفت تضربك صاقعه براسك هههههههه
قال:لاصرت بزر زيك اخاف (انا انطرمت ثواني ) وكمل كلامه انا اروح وطي عادي علشان الضعوف وغنمهم
قلت:زعلات امزح ياخي
قال :خوت جنبك ماني اخوك اسمي خالد (ودي اقول استغفر بس انخرعت عادي لو تشوفون عيونه وهو يتكلم كان مالمتوني كانهن فناجيل بوسطهن جمر )
قلت :طيب يابوخلود وش صار بعدها
قال: عد ماسمعت وش قلت
قلت :وش صار عدها
قال : اللي قبلها
قلت ابو خلود
قال:كبري انت تمزح معي
قلت :لا
قال: طولي تمزح معي (يعني اني قزم يشمت فيني لاحول ولاقوه الابالله)
قلت:لا
قال:اجل على شحم (ان مافهمتها هذي ودي اساله بس ليه ادور على مذبحي)
قلت :عن اذنك بروح
قال:اجلس يابزر
قلت : جالس تهزاني من اليوم والله لواني اصغر عيالك
قال:لو عندي ولد زيك كان كفرتبه ولعنت والديه
قلت :الحمدلله اني ماني ولدك انت مصيبه على العالم انت سبب تأخر المجمتع النامي (ببرد كبدي اتركوني اكمل ياغبي يامجرم طبعن الكلام هذا بيني وبين نفسي لاتصدقون هههههه)
قال:الله يسامحك(شكلها طلعت بالغلط او انه حس انه طولها اشوي الله اعلم)
قلت:بروح انا علشان لاتغلط علي ولااغلط عليك
قال:طس باللي مايحفظك لف رأسه وجلس يطالع بالجدار
قلت:الله يسامحك ياشيخ (صار يطالعني بنظره استغراب)
قال: ضربت على الوتر الحساس آه آه(جله ينقطع هالوتر عنده وارتاح منه استغفر الله)
اجلس بقولك شي تفتخر طول عمرك انك جلست معي
قلت: بالله عليك(يعني استهزي)
قال:والله العظيم (ضحكت وجلست بشوف وش اخرتها معه)
قال:تذكر يوم اقولك ان اهل الباديه كلهم جوا يشكرون هذا يقول خذ غنم وهذا خذ فلوس هذا خذ بنتي واللي يقول خلك شيخ لنا
قلت :ايه اذكر
قال: من يومها وانا مشهور بكل مكان مليت من الناس اللي تسلم علي وتعزمني على الغداء والعشاء
قلت : مابقاء الا الفطور ماشاء الله عليك (يعني أن سالفتك ماهيش )
قال: كل العالم تدري أني مااقوم الا متأخر ومايحبون يزعجوني (جلست اضحك وكمل كلامه)
وانا واحد مايحب كثر الالتزامات فضربت برأسي الف فكره وأخترت وحده منها ….
قلت: اللي هي (طالعني كان وده يسب بس استخار شكله لانه ماراح يلقى من يسمعه)
كمل كلامه وقال: .....................

الجزء الثاني :
كمل كلامه وقال: قررت ارحل لقرية مافيها احد يعرفني وارتاح وعلى طول لفيت عزبتي الله واكبر عزبتي فنجال وكاسة شاهي وابريق
قلت:كاسه وابريق شاهي فهمتها بس فنجال بدون دله وش تبيبه
قال : هههههه والله انك عليمي الفنجال علشان السكر ههههه (ماله داعي تبريده الوجه) وكمل كلامه وقال ومن الجهمه وانا طالع من القرية
قاطعته وقلت :معليش ياخالد بس وشي الجهمه (قلت يمكن تكون من العزبه)
قال: لاحول يعني شقت الفضاء يعني طلعة النور يعني ست ونصف الاخمس بالشتاء فهمت(هزيت راسي ) وكمل كلامه من يوم طلعت وانا افكر وين اروح وصرت امشي وامشي وامشي وامشي وامشيوامشي
قلت :وبعدين
قال: تعبت وجلست (جلست اضحك اضحك اضحك الين قال انطم وخلني اكمل )
قلت:طيب وانا اضحك
وكمل كلامه وقال: شبيت النار وصلحت شاهي وجلست افكر وش هالحالة للي انا فيها لو أني ماخذ شي من اللي عرضوا علي كان اغتنيت وانضبط وضعي او اني موافق اصير شيخهم كان وناسه فضربت الفكره برأسي واشتغلت الشياطين وجلسوا يفكرون معي جلست افكر افكر وقررت اني ارسم سهم واكتـــــب

.
.
.
.

v
هذا الشيخ خالد قاهر الفرسان
وحطيت راسي ونمت هنا
ماصحيت الا فوق رأسي ناس يجيلهم اربعطش رجال
قلت : وش يبون
قال: اول ماقروأ الشيخ خالد قاهر الفرسان جلسوا يحبون رأسي ويلزمون علي أني أروح معهم مارديت لهم طلب لأنه مايرد الكريم ألا اللئيم
قلت: بعد مارحت معهم
قال: جلست عندهم وتعشيت لين ماطلع مع خشمي وقمز واحد منهم وقال: ياشيخ خالد حنا طالبين فزعتك ان حليت مشاكلنا تصير شيخنا بعد موت شيخنا ابو تماضر الله يرحمه .
قلت : وش مشكلتكم وحده وحده عطوني الاول ان حليتها وان شاء الله اقدر تعطوني اللي بعدها
قال: الاسد ذبح غنمنا وكرهنا بالديره وهذا المكان الوحيد اللي فيه العشب الطيب
قلت:ابشروا قلتها غصبً علي ماادري وشلون طلعت مني متعود على الفزعه
قلت : اجل توهقت (جلست اضحك).
كنه ماسمعني وكمل كلامه وقال: طلبت منهم اسرع حصان وبارود لاني اذا لحقني الاسد اقدر اراوغه
قلت :وبعدين
قال: سألتهم عن مكان الاسد ودلوني على مكانه وانا اركب الحصان صراحه انا شجاع بس هذا اسد مايمزح بدت ركبي تراعد واحول امسك نفسي قدامهم لانه فشيله توعد ناس لو اموت اهون
قلت: كفوووووا ياخالد رحت وبعدين
قال: ركبت الحصان وانطلقت وقبل مكان الاسد بكيلوا بدت الرجلين تراعد غدا الحصان هزاز (فطست من الضحك ) وكمل كلامه وحسيت اني دايخ لاني مانمت من البارح وانا افكر وقفت عند شجره رقيت الشجره من الذله وجلست قلت انام ساعتين وارجع اقول مالقيته
قلت :صعدت الشجره ونمت
قال: ايه نمت واثاري الاسد جاء عند الشجره وانا بسابع نومه الحصان هالمسكين حط رجله الله يلوم اللي يلومه هذا اسد مو لعبه وتمدد الاسد تحت الشجره شبعان شكله قال اخذ غفوه.
قلت :وانت نايم مادريت .
قال: ماحسيت فيه والا انا ذيب ماتفوتني هذه بس من السهر لعبي ونمت.
قلت: وش سويت
قال: صحيت ورأسي يدور ماشبعت نوم قلت برجع بقول لهم مالقيته بكر ادوره نزلت من الشجره وانا اركب الاسد على أنه احصاني دايخ ماشوف حسيت بشعر يدخل خشمي حصاني طايله شوشته وش السالفه دايخ مادري ماوعيت الا على زئير هالاسد وانا امسك بشوشته ويقوم من مكانه واتشعبط به لاني لو طحت كلاني قلت :عنبوك وش سويت (وانا منشد مع سالفته)
قال : صرت اشد بشوشته كل ما اشد ينجن ويركض زياده وانا متشعبط به لو ياصل زحل ماتركته وصار يركض بكل جهه الين توجهبي يم ديره اللي يبوني شيخهم
قلت : وانت متمسك فيه .
قال: وانت الصادق متشعبط من يوم قربت على أخويانا كان فيه واحد واقف على حدود المضارب يوم شافني راكب الاسد ويقلع يم الربع ويعلمهم ويطلعون كل العالم صرت امر من عندهم وهم يصفقون عيال الكلب وانا بغيت اسويها على نفسي
قلت : يعني سويتها على نفسك (واضحك)
قال: قال لا ماسويتها يابزر الله حق نقَط اشوي (وجلس يضحك)
قلت: شلون افتكيت من الاسد
قال: مثل ماقلتلك صار يمر من عندهم وانا فوقه وكل مااجر شوشته ينهبل وانا يطيح قلبي والعالم تصفق الحريم والبزران اليــــن جاب الله واحدمعه بارود والله ويصوب على الاسد وهو يركض ويرجفه الا صاير من صيد امس
قلت : وانت ارتحت يوم مات
قال: تدري وش سويت
قلت:لا
قال:قمت على طول رحت يم الجماعه بعد مامات الاسد اول ماوصلت لهم قلت منهو ابن الكلب اللي رمى الاسد
قالوا: ليش ابن كلب ياشيخ خالد قلت لهم انا جالس اروضه ترمونه حرام ضاع جهدي يوم بغيت اروضه تذبوحونه وانا اقول بيني وبين نفسي ياالله تدخله الجنه اللي رمى الاسد وادعيله بكل صلاة اعتذرو لي وجلسوا يمدحوني واحتفلوبي طول الليل واخر الليل قمز واحد منهم جعله يقمز عليه جني وقال:باقي ياشيخ خالد طلب ثاني بعد ماذبحت الاسد واثبتت شجاعتك .
قلت: وش طلبكم.