مسقعة باذنجان .. بس على طريقة سحاابة

**سحابة حب** · 04-08-2008, 08:02 PM

مساااءكم ورد يازكرتيااات

انا جيت اليوم ومعي طبخه ..من طبخاااتي المميزة

..

الا على طاري المسقعة

هي اسمها مسقعه و الا مصقعه .. طيب لا صار اسمها مصقعه ... من اللي صقعها ..

>> مره ثانية

يااجماعه لحد يلومني على التخريف اللي قاعده اكتبه

تعرفون اخر ساعااات الدوام ,, و راسي على وشك انه يسوي لي حفلة

نجي للمسقعه ..

هذي طريقة جديدة لها ,, باختلاف بسيط .. بس بصراحه عليها طعم .. خيالي

ماراح اكتب مقادير .. راح اخش بالطريقة على طول و انتوا اكتشفوا المقادير

بصل + ثوم ..مفروم .. نحمسها بشوية زيت لين تصفر

نضيف عليهاا دجااج مفرووم

نضيف الملح والفلفل .. والبهارات

انا اضيف هالبهااار طعمه جناان

الحشووة اذا جهزت ,,

نجهز صلصة حمرا بصل + ثون مفرووم ناعم جدا .. نحمسه بالزيت

نضيف عليها معجون طماطم .. ملح و ماجي وشوية موية ..

خذي الباذنجان وقطعيه مثل الصورة ورشي على الوجه في النص ملح ..

نترك الملح شوي بعدين نمسح الملح عن الوجه بعدين نقلي الباذنجان

نرصه بالصينيه نعمل حفرة في النص ونحط فيهاا حشوة

نصب الصلصة على الوجه بهالشكل ..

ناخذ طماطم ونقطعه صغاار ونرشه على الوجه ..

وندخله الفرن ونحمره من وفوق وتحت

ويطلع بهالشكل

وبالهنا و العافية

**شباب في رحله** · 04-08-2008, 08:33 PM

كل شي حلو الا الباذنجان

مابحبهوش

لكن الصالونه مع اللحم المفروم ياطر جيبي خطيره

<<< حق شكشوكه وبيض عيون

لاهنتي سحوبه هانم

**شوشو .. وبس** · 04-09-2008, 12:28 AM

لي شهر اترجا هالعله تسويلي مصقعه بس ماحولك احد

على فكره تراهاه مصقعه

بس محد صاقعها لانها من عند حبايب البي المصريين وهم مايعرفون يصقعون احد

..

تسلم دياتك ياعسل طبخه بتاخود العئل

بس لو اضفتيلها بطاطس تصيرين بطله

ووتخلين صوص الطماط يتسبك شوي بعد تصيرين ابطل وابطل

يعني تصير بطاطس + مفروم + طمام = انسي باءه

ولا تحرمينا طبخاتك

..

فوتك بعافيه ياحببتشي

..

**نص 000 قلب** · 04-09-2008, 10:04 AM

احم احم 00000

اهلاااااااااا يا سحوبة وش ذالزين الي يهبل

بصراحة حركات حلوة وسهله 00000 طلعتي منتي هينة يا سوسو

تسلم الايادي

بس للاسف الباذنجان ممنوع منعا باتا ببيتي لان الكل ما يحبة وانا ما اكله الا ببيت اهلي

شوكرا مرة اخرى

**سحابة حب** · 04-09-2008, 01:32 PM

شبااااب ليه على الباذنجان

احلى شيء بالدنيا

لو تاكله مع هالصينيه ,, خيااال >> جوعااانه موت

جرب تاكله .. بس في طبخه محبووكه ,, وبتدعي لي >> ياخوفي تدعي علي

**سحابة حب** · 04-09-2008, 07:51 PM

اخسى عليهاا هالعلة

تراني احب اسويها بكل الاشكال وا لالوان و المقادير

تعالي عندي و ابشري باحلى صينيه مصقعه >> على قولتك

الصوص ثقيل مره .. صدقيني

البطاطس احطهاا ساعات .. وساعات اخليها باذنجان لحاله >>يم يم

نورتي يا ست هانم

**شيختهم** · 04-12-2008, 05:38 AM

صباحك نور وسرور

يعني بما اني واخيرا صرت آكل الباذنجان على مراحل>> مع السلطه >> مع الفلافل >> في الصينيه

قررت اخربها واذوق المسقعة

الا صدق وقسم هي بالسين والا الصاد؟؟؟

ماعلينا لحد ماتتبين الحقيقة نطب في موضوعك

ترى الشاهد ربي اني شايفته من يومه وكل يوم برد بس ربي مايكتب

صايره احوم الكبد في التعامل مع التقنية >> يعني النت

المووهيم

ان شكله من جد لذيذ

بس البصل ليش ماقلصتي حجمه اكثر شي ماحبه الا نتف ماتنشاف

وبعدين يصلح مانحط الطماط؟؟

واحس ازين لو كان في الصلصة طماط مطحون

بس والله شكلها لذيذ

وان شاء الله بسويها هاليومين

..
يسلم كلك يا قمر

والله لا يحرمنا طلتك هون وهونيك وفي كول حته

**شباب في رحله** · 04-13-2008, 04:31 AM

باذنحان الله يديم النعمه

الا على الطاري هل صحيح ان الباذنجان هي الشغله الوحيده في الخضروات
مامنها فايده ولا ضرر؟

كأني سمعت هالمعلومه او قريتها

افيدونا اثابكم الله

**شيختهم** · 04-13-2008, 07:27 AM

8
8

لا تغير رايي فيه بعد ما استصغته

وبعدين بكامل قواك تقول مافيه فايده؟؟

اجل وشوله يحبونه المصاريه

ترى حتى الثوم والبصل لها فوائد كبر قريح

وبالنسبة للباذنجان

اقتباس:

ابحاث علميةتؤكد فوائد الباذنجان انه يقي من امراض السرطان والقلب
وان مرارة طعمه نتيجه لانه غني بالمواد المضادة للاكسده تحمي خلايا الجسم من التلف التأكسدي الناتج عن معالجة الطعام

..

وما لقيت اي حرف يتكلم عن انه عديم الفائده

جاني شعور >> احس كل شي خالقه ربي لحكمه ومااظن شي ماله غرض سواء لنا اوعلينا

واخيرا اعلمك وشلون تحبه؟ تراه مب شين والله

**سحابة حب** · 04-15-2008, 01:08 PM

شيووخه ..

حي الله الباذنجانيه الجديدة ,, >> خاطري فيه بس مالي خلق اسوية اليوم .. احتمال اخليه عشا

بالنسبة للبصل .. انتي و ذووقك ,, شلون تحبين تقطيعه

اما الطماطم .. مجرد اضافه .. لو استغنيتي عنها ما يضر

نورتي ياقمر

شباب مره ثانيه ..

ابشرك وحده تقول لي الباذنجان يزيد نسبة البلادة و الغباااء >> تتوقعون صادقة

علياء · 07-22-2008, 12:13 PM

°ˆ~*¤®§(*§*)§®¤*~ˆ°بسم الله الرحمن الرحيم
السلام عليكم ورحمة الله وبركاته
[grade="00BFFF 4169E1 0000FF"]أكلة حلوة مشكورة [/grade°ˆ~*¤®§(*§*)§®¤*~ˆ°]

**سحابة حب** · 07-29-2008, 07:43 PM

العفوو يا قمر

أدوات الموضوع
مشاهدة صفحة طباعة الموضوع أرسل هذا الموضوع إلى صديق
تقييم هذا الموضوع
تقييم هذا الموضوع:

الذين يشاهدون محتوى الموضوع الآن : 1 ( الأعضاء 0 والزوار 1)

اعلانات المنتدى