السـلام عليكـم
اليوم لدينا شاعرين من اعلام الشعر الشعبي
وهمــــا
عبيســان الحميـداني
و
فهـد الأزيمـع
الشاعرين من قبيلة مطير وقد تربوا في بيئة واحده وفي قرية واحدة وكانوا متعلقين بالشعر منذ الصغر
وكانوا يكتبون في بعضهم بعض الابيات اللتي لا تخلو من الكسور بحكم بداياتهم ...
ولكن كما هو حال الدنيــا مع تقدم العمر بهم وتوسع مصادر الرزق والطلب لها افترقا حيث ان عبيسان استقر بالكويت
والازيمع استقر بالقيصومه بالمملكة العربيه السعوديه
ولا يخفاكم بان وسائل الاتصالات في تلك الحقبة من الزمان كانت شبه معدومه في الستينات تقريباً
ومن احد مواقفهم التي تثبت علاقتهم الوطيده ومحبتهم لبعضهم هي ( رديه ) تمت بينهم
قصة هذه (الرديه) هي :
كان هناك رجل من قبيلة مطير جار للشاعر فهد ابن مطلق الازيمع في القيصومه وابن عم للشاعر الكبير/ عبيسان بن رويل الحميداني المقيم فى الكويت , وكان الازيمع شاعر قوي وقد حدثت مساجلات شعريه بينه وبين جاره و تفوق فيها على جاره .
فذهب هذا الجار الى الكويت واستنجد بالشاعر / عبيسان بن رويل وقال اريد قصيده لايستطيع الازيمع ان يرد عليها قال عبيسان ابشر بسعدك .
قصيدة عبيسـان
ياراكب اللي يوم حرك من الشق
هــات القـلـم وزروف والحـبـر وورق=نـكـتــب كــــلامٍ قـايــلــه بـشـتـيـاقـي
للـشـاعـر الــلــي بالـمـثـايـل تـعـمــق=مثـايـلـه لأهــــل الـمـعـانـي غـمـاقــي
ياراكـب اللـي يـوم حـرك مـن الـشـق=غـــادٍ لـخـطـه مـــن وراه أنـشـقـاقـي
مـن سرعتـه راع النظـر فيـه مـاحـق=أبـــداً يـشــادي لـلـسـهـم بـأنـطـلاقـي
هـافٍ زمـا صـدره عـن الـقـاع مــادق=تلـقـى لعـجـه فـــى سـمــاه أعـتـلاقـي
عليـه مـن شــد العـلـم شـكـل ورنــق=مـثــل الآهـلــه والـنّـجــم بـالـطـواقـي
بالله يـالـسـواق حــــده ولــــه ســــق=وعـنــد الأزيـمــع وقــفــه بـالـرفـاقـي
خــذ الـسـلام وسـطـه القـيـل مـرفــق=بـكـلامٍ أحـلـى مــن حـلـيـب النـيـاقـي
خــذ الـكـتـاب وصـلــه لـبــو مـطـلـق=عـســاك تـسـلـم بالـسـفـر مـاتـعـاقـي
عـســاك يالـمـنـدوب بـمــرك تــوفــق=وعسـا السلامـه والسعـد لــك رفـاقـي
لاجيـت بيـتٍ فيـه مـن يعـطـي الـحـق=يـعـطـيـك حــقــك مـايـبـقـي بــواقــي
بيـتٍ عـلـى الـشـارع ولا هــو مغـلـق=لهـل الصخـى والطيـب فيـه أحتقـاقـي
فــى ديــرةٍ عـنــه الـشــوارع تـفــرق=مـتـوضـحٍ يـاعـنــك مــاهــو بـتـاقــي
أن واجـهـك راعـيــه بـالـحـرم طـلــق=بـالـحــرم والا بـالــثــلاث الـطــلاقــي
سـاعــة تـقـهـوى والذبـيـحـة تـعـلـق=وعـودٍ أزرق ساعـة تقهـوى يسـاقـي
وفـوق الذبيـحـة صــب سـمـنٍ تـدفـق=بصيـنـيـةٍ تـنـقــل بــســت الـحـلاقــي
كــمــل مـواجـيـبــه وقـــــام يـتـلـبــق=بـكــلام للـضـيـفـان حــلــو ٍ رقــاقــي
ماهـو مـن اللـى عـارفٍ كيـف ينسـق=متـعـلـمٍ عــقــب الــســلام الـنـسـاقـي
مـــارث كـــرامٍ بالمـواجـيـب تـسـبـق=نـاسٍ علـى المـاجـوب دايــم سبـاقـي
أشـكــي عـلـيـك أيـــام وقـــتٍ تـغـلـق=عـســرٍ مـداخـيـلـه قــــوي الـغـلاقــي
الحـق يضعـف بـه ويـعـلا بــه الـعـق=أسـتـاسـع الـبـاطـل وكـثــر الـنـفـاقـي
هـل كيـف فـيـه الـوالـد الـبـار ينـطـق=تـوخــذ حـقـوقـه وأن تـكـلـم يـعـاقــي
مـحـدٍ فـطــن بـالـوقـت هـــذا وبـــرق=أشــوف وقــت الـيـوم مـــر الـمـذاقـي
نــاسٍ عـلـى البـاطـل دوامــاً تـوافــق=أبمـجـالـسٍ فـيـهــا يــســوا أتـفـاقــي
لـيـا شـافـوا الـلـى بالنميـمـه ينـقـنـق=حـطـوه بالمـجـلـس رفـيــع الـمـراقـي
والـلـى عـلـى مشـروعـهـم مـايـوافـق=هــــذاك لا شــافـــوه زادوا حـمــاقــي
وقـتـي محـرقـنـي وصـــدري تـحــرق=غـــادٍ ضـمـيـري يـافـهـد كـالـحـراقـي
مــن واحــدٍ شـفـقٍ لشـوفـه ومشـفـق=خــلا عـلـى كـبـدي ســـواة الـحـراقـي
يشدي شعاع الشمس خده اليا أشـرق=ليـا أنتـشـر فــوق الفـضـا بأشتـراقـي
ماشيـف وسـط السـوق يـوم يتسـوق=ولاهــي مــن الـلـي لتـفـرج شـفـاقـي
عــوده كـمـا الـبـردي لـيـانٍ لـيـادنـق=ينـعـم عـلـى شــط الـعـرب بالعـراقـي
طغـى وصـار تـلـه جمامـيـر وســوّق=مــن كـثـر ماتفـجّـر علـيـه السـواقـي
حــبــه بـقـلـبـي يـالأزيـمــع تـغــمــق=وأصبحت من حب أريش العين شاقي
وشحيـلـتـك بـالـلـي بـحـبــه تــغــرق=مـاعـاد يطـلـع مــن بـحـور الـغـراقـي
رد الـمـثـل عــجــلٍ وبــالــك تــوهــق=تــراك مـــن نـــاسٍ عـقـولـه وثـاقــي
العـب عـلـى المعـنـى وبـالـك تـسـرق=أحــذر تـسـلـف أو تجـيـبـه أسـراقــي
وصلـوا عـدد مايخضـر القـاع ودبــق=مــن مـزنـةٍ تمـطـر مطـرهـا حـقـاقـي
وعــداد زهــرٍ كـمـل الحـسـب وأفـلـق=عـلـى شفـيـع الخـلـق يــوم الـتـلاقـي
ردية الشاعر
فهد الأزيمع على
عبيسان الحميداني
ياراكب اللى دون جنحـان يطلـق
يـاراكـب الـلـى دون جنـحـان يطـلـق=يـسـوق نفـسـه بالـسـمـا مايـسـاقـي
مامـحـشـو بّـديــه بـلـمـاع وأخـــرق=أسبـق مــن الـلـى يرسـلـن البـراقـي
يصـلـح لــرواد الفـضـا يــوم حـلــق=تصمـيـم صــاروخ ٍ طـويــلٍ دقـاقــي
سـاعــة بـدابــه لازمــــي مـاتـعــوق=يــدي مــرد أبـيــات غـالــي رفـاقــي
من مهجتـي مكتـوب بالحبـر الأزرق=مابـه سلـف والشـعـر مـاهـو يبـاقـي
وأن شاب قاف وعن هل الشعر غلق=شعـري يــزود وارثــه مــن عمـاقـي
قـال الـذي فـى صفحـة القـيـل حـقـق=يقـرا ويضحـك وأكـثـر الـخـط بـاقـي
أشتـاق بالـي لـه وأبـا أجـزاه محتـق=ترحـيـب مـضـهـودٍ حـــداه الـفـراقـي
بأبنـه علـى بابـه وهـو مــادرا طــق=هّــلا ورحــب وأنـهـمـك بالشـهـاقـي
ذا فرحتي بـه مـن عبيسـان وأشـوق=وهـذا وأنـا مــن مـاذكـر بــي فـلاقـي
صحـيـح لابـرقــت بـالـوقـت تـزهــق=ماهـي مثـل هــاك السنـيـن العتـاقـي
أصبر وعنـد الله جـزا الصبـر يطبـق=عسـا لكـم عـن مدبـح الوقـت واقــي
وبالزين مالومـك تـرا الزيـن يعشّـق=بصـري نقـض حجـه وبعديـن فـاقـي
أقصر أخطـا رجلـك تـرا الحـر يـدرق=لو شفـت مافـي بسـرت العيـن لاقـي
والمـدح زوده للرجـل كـيـف يلـصـق=صينيـتـك مـاهــي بـحــوزة نـطـاقـي
هـاذيــك للـجـربـا ولاهـــي أبـتـمـرق=مــع بـابـنـا هـذيــك قـــدم الـرواقــي
نسمـع بذكـره مـن جبـل طـي شّــرق=شـيـخٍ غـمـا بيـتـه نسـيـج الشقـاقـي
الكـذب مايصلـح مـع الصـدق يـفـرق=يـازيــن كـلامــك يابـعـيـد الـمـهـاقـي
لعـل مــن جـابـك عــن الـنـار يعـتـق=وأنـتـه بـعـد مثـلـه نـهـار المـسـاقـي
فى جاه من خلا البحر غصـب يفلـق=قــدام مـوسـى يــوم فـرعـون بـاقــي
وعـسـى الصـداقـه بيـنـنـا ماتـشـلـق=دايــم جـديـده لـيـن تـابـس أريـاقــي
عبيسـان وشقـال الشريفـي بالأفـرق=خلـك معـي وأتـرك خطـات الهـلاقـي
ترى الرجـال إبهـم كمـا نبـت بـرّوق=سكبت خضار وهـو يجيـب السلاقـي
أيضـاً وصايفهـم بهـم صقـر وسمـق=يجـي بعضهـم عـن لـزومـك طقـاقـي
وحــدٍ كـمـا الـحـر الـنـدواي الأفـهـق=لـــه مـاكــرٍ مايـاصـلـه كـــل راقـــي
ليـا شــاف حـفـان المدبـيـح الأبــرق=يكـفـخ بجـنـحـانٍ لـهــن أصطـفـاقـي
يجيـه مـن جـو السمـا يــوم يشـهـق=تـاخـذ كفـوفـه مــن جنـوبـه شـلاقـي
وحـدٍ كمـا اللـى بالـمـذاري تمـشـرق=يبكـيـه شـرقـي الـهـوى يــوم واقــي
تمـت وصلـوا عـد مـا الـحـى يــرزق=وعــداد مــا لـقـح النـخـل بالشقـاقـي
علـى النبـي الهاشـمـي يــوم يلـحـق=ليـا جالهـم عـلـى الـسـراط أنـزلاقـي
وســـلامتكــــــم
رديـــة جميلة بين الشاعر فهد الأزيمع والشـاعر عبيسان المطيري
