ياغيابً طال لين الهم وسط القلب حلي = هو متى ينزاح عني ؟ وأسمع اخبارً جديده
والحزن بأسباب غروً مالكً قلبي وعقلي = غايبً عني ودار الخلا عن داري بعيده
لا خبر والا رساله من حبيب القلب وصلي = من غيابه وأنقطاعه دنيتي والله نكيده
يارسول الخير دوك الخط بالله وانت عجلي = بلغه مني تحيه يا عسى أيامه سعيده
وقله أن اصويحبك دايم ينادي وين خلي = ومن غيابك وسط جوفه ولعت نارً وقيده
يذكرك في داخله حتى ليا من جاء يصلي = ضيع الركعات بالله خاف ربك في عبيده
وقله انه من غيابك باديً حاله يولي = وانها في وسط قلبي ساكنه وهي الوحيده
وقله ان ادموع عينه فوق خدينه تهلي = وانها ست البنات وفي بنيّ حواء فريده
وأنها ايقونة الحسن المميز والتغلي = وانها هي ملهمة نفسي وشعري بالقصيده