بسم الله الرحمن الرحيم
السلام عليكم ورحمه الله وبركاته
بما ان بيت الزكرتيه يتطلب من الواحد انه يحلل كيبورده
ويكتب شي من راسه بدال النسخ واللزق
قلت علي وعلى اعدائي
غير لاانزل موضوع من راسي واشوف بيعجبهم ولا كالعاده
المخزن بالانتظار
الله يسلمكم موضوعي اليوم هو
الممرضات الاجنبيات
انا كنت اشتغل في مستشفى خاص في قسم المديكل ريكورد (السجلات الطبيه )
وكنت في بعض الاحيان وقت البريك يعني نجتمع كل ابونا
سواء سعوديات او اجنبيات نتبادل اطراف الحديث
وكنت اسمع من هالفلبن
الفلبن = الفلبينيات
كنت اسمع منهم تذمرهم على وضعهم اللي هم فيه وهو خدمه المريض
واسمع اشلون تعاملهم في بعض الاحيان من نفس المرضى الزوار للمستشفى هذي
والله اني كنت اتألم يوم اسمع ان وحده من هالفلبن غلطت في ابره او دوا معين
وسببت الام كبيره لا لها اول ولا تالي للمريضه او المريض
وكان من ضمن المرضى اللي يزورون هالمستشفى هي وحده من قريباتي اللي جت
للولاده
وبعد فتره من ولادتها التقي بها في جمعه عائليه لنا وقالتلي المطمه هذي اللي الى الان انا
اقول وين وزاره الصحه عن هالفلبن والاجانب اللي مايخافون الله حاطينهم لنا للاذيه مهو للخدمه
قالتلي بعد ولادتها بساعتين تقريبا ويوم فاقت من البنج وتلقى الم قوي في ايدها اليسرى
وماهيب داريه من وشو هالالم ويوم دخلت الدكتوره اللي ولدتها
اشتكت لها قريبتي من هالالم القوي
ويوم تشوفه الدكتوره تقول لازم اشعه فوراً لليد
وبعد ماطلعت الاشعه يكتشفون كسر باليد وبعد التحقيق والحشره لهالفلبن اعترفوا
انهم بعد ماخرجوها من غرفة الولاده يبون ينقلونها لغرفتها
جو يبون يحطونها على سرير غرفتها وهي مخدره ياغافل لك الله مهيب داريه وين الله حاطها فيه
الا ويطيحونها من فوق السرير للارض
وهذي قمة الاستهترا بالمرضى المخدرين او اللي بغيبوبه يالله لاتبلانا وتشفيهم يارب
والمشكله بعد ماطاحت يشلونها ويحطونها
على السرير من غير مايشيكون اذا كانت قد تأثرت من الطيحه او لا
خلاص حطوها على سريرها لا من شاف ولا من دري على قولة اخوانا المصريين
والله قصه قريبتي هذي يمكن انها قصه بسيطه واللي حصل لها بس كسر باليد
لكن المشكله الكبيره لو انهم اعطوا مريض جرعه زايده من الدوا او اعطوه دوا غير المكتوب
او ابره غير المطلوبه ويروح فيها المريض وفي النهايه ينقال ان المريض مات وهذا قضاء الله وقدره
وصدقوني اني سمعت كثير بهالمستشفى من بلاوي وقصص من هالنوع
بحكم شغلي فيها
وانا ابي اتناقش معكم هل الاجنبيات هذول اللي لا مذهب لهم ولا مله يحملون الامانه
المطلوبه ويحملون الاخلاص في شغلهم ولا مجرد تحصيل حاصل يعني مستشفى + اطباء + ممرضات اجنبيات
مع العلم انه الان عندنا ممرضات سعوديات ذوات كفائه و شهادات تمريض من معاهد التمريض ومع ذالك قاعدات في بيتهم لا شغله ولا مشغله
والله شي يقهر ان هالمسلمات اللي يخافون الله وعندهم امانه مايشتغلون وحاطين لنا هالاجنبيات اللي لا مله ولادين
اسفه على الاطاله بس هذي تجربه مريت بها وحبيت اني انقلها لكم وتشاركوني النقاش فيها من
وجهة نظركم