السلام عليكم ورحمة الله وبركاته

انزل من سيارتي المطفوق انت تذلنا عشان زقاره ولا مسوي عشان ذا الكسره

انك مالك العالم تراك مسكين ماتعرف شكل الخمسميه ولد الطقاقه انزل لابوك

لابو كلب نزل ولد الطقاقه وهو يقول اذا شفتني اتمشى العصريه ومعي بنتلي(0)

لاتقول عطني دوره قال : ولد الطقاقه بتشتري دباب بعد اقول تعال بعد غسل

الونيت حقي وبعطيك عشرين في الشهر ،المطفوق الشرهه مهيب عليك على

الي يفتح قلبه لك ونزل من السياره ،نزل ولد الطقاقه وهو قافله معه همه بس

يقنع ذا الغبي الي راح وتركه وسط الشارع انه ورث مليارات قال مافيه الأحل

واحد اني اوديه واوريه حسابي حق البنك عشان يقتنع البغل(1) الي عندي جلس

يمشي ودخل الحاره ولاذيك السيارة تمشي الف ويفحط عنده ويضحك الولد شك

في نفسه(2) حس انه حلوا وناظر صار الي يفحط ولد الطقاقه ومشغل بعد العنود

(حمام جانا مسيان ولاسلم عليا ............علامه مر عجلان) طبعاً هذا مبسوط

احسن شي عنده الطق المهم ولد الطقاقه رحم خويه المطفوق ،ولد الطقاقه

انواع الهواجيس قال شكله المطفوق انصدم بموتت ابوه ولازم اوقف معه لان

اذا ماوقفت معه بيضيع مادرا انه هو المسيكين هو والجي ام سي00م حقه هو

المسكين الناس وصلوا الفضاء هو توه دوران وطق ودخان واكبر هم له يروح

الشرقيه بونيت جي ام سي جديده ،

وهو يمشي المطفوق مرة سيارة فيها بنات وقفوا عنده لوسمحت طبعاً نقز سمي

امري قالت البنت الحين الي يبغى يسجل في موقع الزكرتيه(3) لازم يصير زكرتي

هههه قاللها المطفوق:عادي ادخلي النت وسجلي ويقبلونك زكرتيه معهم

ويساعدونك بعد على التنسيم الين تصيرين بطلت قصه زيي وكل الناس تقراء

اسمك البنت شكراً اخوي،

جاه ولد الطقاقه يمشي ترليون( 4) وكلعاده الغبي ربط فرامل ينسمع في اخر

الحاره وعلى فكرة كل اسبوع يغير الفرامل في حوش البيت،وقف عند المطفوق

ولد الطقاقه اركب خلاص صادق اكيد ورثت مليارات وهو يقول في نفسه الله

يعيني على ذا المهبول شكله بعد بيقول الجي ام سي 00م بعد حقي وهو الي

مسميه الأصقع بعد( 5) وشكله بعد بيقول انا الي مطيحك في الدخان ، المهم

ركب المطفوق مع ولد الطقاقه هو ماتشيله الدنياء من الفرحه كأنه واحد توه متوظف مستلم اول راتب،

المطفوق يقول وش رايك نروح للبنك بحولك فلوس وهو يقول في نفسه عشان

يقطع الشك ذا الثور قال ولد الطقاقه في نفسه لاحول ولاقوه الأبالله بينشبنا(6 )

حتى مع الناس وش اقوله قال ولد الطقاقه لا لا وش دعوى مصدقك بدون

مانروح البنك وهو بينه وبين نفسه ليتني خليته يروح لبيتهم رجليه، المطفوق

لازم نمر البنك ولد الطقاقه خلاص طيب،راحوا البنك وقفوا السياره.

دخلوا التميز(7) وبعدين راحوا مكتب الخدمات الذهبيه ولد الطقاقه يناظر

مستغرب وش ذا الزين لأنه اخر مره دخل بنك في وقت الأكتتاب وعند طاولة السكيورتي(8) ولا عمره دخل تميز.

يخدمه السكيورتي حق البنك لأنه صديقه دارسين سوا في المتوسط ليلي طبعاً

وهو مسرح جاه حق القهوه وات دو يو لايك تي اور كفي اور جوس(9) طبعاً قال

الفاغر(10 )ولد الطقاقه جب خمسميات بس فكه عشرات مسوي فهيم يعني

يعرف للغاتهو خشته المطفوق نقز على طول قال أي لايك ليدز (11) المهم

الموظف ابتسم ابتسامه خبيثه (12) وقال قف مي ثري كوفي ميديم شوقر (13) .

قال الموظف: سم الله يحييك لأن ابو النقزات ولد الطقاقه قال لايتأخر لوسمحت

عندنا شغل قال الموظف لولد الطقاقه : سم طال عمرك ، طبعاً ولد الطقاقه بغاء

يغمى عليه لأنه ماقد احد قاله ذا الكلام دايم يسمعه بس هو ماله دخل في شيء،

الحلو عمنا المطفوق الغبي قال للموظف : ابي خمسمية مليون الحين الموظف

بغاء يدوخ اكثر مبلغ سحبه لعميل هو مية مليون وتحويل من بنك لبنك مايدري

وش يرد على الحمار الي جالس قدامه الموظف يصرفه (14) ويرجع الغبي لنفس الموضوع.

طبعافي ذا الوقت راح ولد الطقاقه يستكشف المكان زي العاده لقى عميل مهوب

من نفس الجنسيه (15) يحول رواتبه لبلده قاله عايز ايه يلاء قال ولد الطقاقه

عارف ان صديقي عنده ملايين كثيره حتى جاي انا معه ، رد عليه ايه بتقول

فلوس كثير ولد الطقاقه ايه وقسم انه عنده قروش كثيره تكفي لكل الناس

قال :اه حس ان الي قدامه مخ لايوجد قال له أيه رايك نقيب الأهرامات عندكم

ورمسيس في بيت صحبك <مسوي درب الزلق قال ولد الطقاقه اشور نفسي

واعلمك مسوي انه فاهم وهو ثورالله في برسيمه يرعى،

رجع ولد الطقاقه لقى المطفوق الى الحين وهو عند الموظف والموظف جالس

يتكلم عن البورصات(16) ووشلون الواحد يشغل فلوسه طبعاً ولد الطقاقه زي

العاده نقز وقال :صح وهو مافهم الأيشغل فلوسه،

قال ولدالطقاقه : انا قايله نروح نشتري جح(17) على سيارتي(18) بس مايفهم

دايم يقول ضف وجهك الموظف حس بثوارت (19) الي جالسين قدامه الموظف

قال :ماعليش يمكن له وجة نظر ثانيه .

وهم جالسين دخل مدير البنك لأنهم قالوا له ان صاحب المليارات في البنك عند

الموظف وترقبوا الحلقه القادمه كلها تنسيم وضحك

ونبي نعرف وش لون بيستثمر فلوسه سلامون عليكم.

الحسي الي ماينفهم ( الحاشيه ):
1.( بنتلي ) سياره فارهه يعني زينه.

2.( البغل ) اذا تزوج خيل وحمار يجيبون ولد اسمه بغل يعني سي سي مهوب اس اس .
3.( شك في نفسه ) يعني تباً مانبي نخرب بعض الناس .

4. ( الزكرتيه ) بيت يتجمعون فيه شباب منسمين ولاتدخل الأوانت تضحك وياخذك الوقت وانت تدور في البيت ولاتدري عن نفسك.


5.( ترليون ) ترجمنها ذيك المره مهوب كل مره لازم اكتبها .


6.( الأصقع ) الجي ام سي 00م حق ولد الطقاقه .

7.(بينشبنا) يعني بيسوي زي العلك ذا حطيته على جدار.


8.(التميز) مكان مايدخله الأواحد عنده فلوس كثيره يعني الي ماعنده ينطق يصف سراء الين يجي دوره بعد ساعه بعد ساعتين ماندري .

9.(السيكيورتي ) هذا الي يجلس دايم في البنك ومعه عصى خشب.


10 . ( وات دو يو لايك تي اور كفي اور جوس) يعني تبي شاهي ولا قهوه .

11.(الفاغر) يعني الي يفك ثمه وهو مايدري وش السالفه.


12. (خبيثه) يعني مهوب تباً زي الترجمه.

13.(شوقر) يعني سكر بس بلغه ثانيه.

14.(يصرفه) ينطله في مخرج 112.

15.(مهوب من نفس الجنسيه) يعني عمال .

16.(البورصات) ارقام في جدول وتوجع العيون وتحول وانت تتابعها ويقولون
تجاره.
17. (جح) نوع من الفاكهه لونه اخضر فاتح كبير يشترونه من مزارع.

18.(سيارتي) سيارة الحمار ولد الطقاقه جي ام سي ونيت 00م.

19.(بثوارت) تشبيه بليغ في الكصيده اوه قصدي القصه يعني غبي.

والى القاء في الحلقه القادمه من الجواري

__________________
dr.crazyاحلى رؤيه مستقبليه تعيشها وحدك اجعل حياتك مليئه بلخبال والتنسيم واجعل من مخك اسلوب للحياة ذات الطابع المنسم وعش حياتك بابتسامه لترضى مهما كنت خبل والناس قالوا مافي مخ ما اعرف اوقع اعرف ابصم