يوم كنت صغير --- العــــــدد الــــرابــع ---

((( مطعم هـــرفــــي )))





** الصورة عام 1409 هــ **
.
.
.
.
السلام عليكم ورحمة الله,,,
أسعد الله أوقاتكم بكل خير
.
.
بسم الله ... وعلى بركة الله,,,
.
.
.
أيام الإمتحانات النهائية... الكل يدرس ويذاكر ... ويشد حيله...
حتى اللي ما يدرس ,,,, تلقاه داخل جو الدراسة.....
تلقى عنده أخوه .. ولا أخته... ولا ولده....
.
لكن ما إن ينتهي الإختبار.... ويخرج الطلاب من قاعات الإمتحان....
إلا وتبدأ (الـهـجـولــة) من بعض الطلاب... وتشوف تفريغ الشحنات.... ألوان وأشكال....!!!
.
اللي معه سيارة..... تلقاه أنواع الدوران ومطارد مواكب هالتفحـيـــط,,,
واللي ما معه سيارة...... تلقاه يدور بالشوارع على رجلينه....
يبي يسوي أي شي.... عشان يستمتع بوقته... ويفرغ اللي بقلبه...
.
.
أنا كنت بالصف السادس إبتدائي
.
وكان ذاك اليوم ... آخر أيام الإمتحانات النهائية...
.
وأنا وإخواني الثنين متعهدين نسوي الهوايل بذاك اليوم....!!!!
واللي يصير يصير,,,,
.
ياما وياما .... انفرشنا على أشياء ما تسوى.....
ويوم جا آخر يوم بالسنة... تبينا نرجع للبيت بدري..!!!!!
.
يجيب الله مطر,,,
.
.
المهم ..
.
قررنا نلبس أنا وأخواني ( شمغ وعقل) بهاليوم....
إحتفالآ بأخر يوم بالسنه....
وتغيير جو...
وبرضه عشان نحس أننا ناس (محترمين) >>>> لحظة يا مصور... أما هاذي...والله بعيده عن شواربك أنت وياه...!!!
.
آخر يوم كان عندي حديث
دخلت الإختبار.... وخربطت بالأوراق .... وبربست بالإجابات.... وطلعت....
.
كان عندي تبلد إحساس... لا مبالاااات بالدراسة....
اللي يشوفني ذاك الوقت... يقول هاذا ضاااامن وظيفته بالديوان الملكي ....!!!!!
.
.
المهم .... طلعنا من الأختبار أنا وأخواني الثنين....
وطلعنا برا المدرسة...
وتكينا عند الرصيف .... نطالع العالم....
.
.
أنواع المبرزة.... والهباااال... وتــجــديع الكــتــب....
.
أذكر وقتها ... شارع المدرسة صار أبيض من كثر تــشــقــيــق الكتب...
.
وقابلنا أثنين من أخويانا :
.
بـنـدر(ذاك اللي شرق بالعسكريم)...
.
و (طارق) ساكن بالحارة معنا .....
.
وطارق هذا الله يذكره بالخير.... كان (لص) غـــبي جدآآآآ,,,
كان يسرق العلك قدام راعي البقالة....!!!! وهو يطالع العامل... والعامل يطالعه!!!
لا.... ويطلع من البقالة بكل ثقه بعد!!!!!
.
.
المهم.... أكتمل عددنا خمسة
.
ونحتاج وقتها عنصرين مهمين جدآ لنجاح الطلعة,,,,
.
........التمشية....... والأكل.......
.
.
بالنسبة للأكل....
كنا شبه مطفرين....!!!!
أنا كان معي ريالين........ وأخواني كل واحد ريال........
وطارق وبندر.... كل واحد معه ثلاثة ريال.........
وإكتملت عشرة ريال,,,,
.
لكن المشكلة
.
أننا طرارين....... ونتشرط!!!!
.
.
.
! ! ! ! نبي هــــرفـــــي ! ! ! !
.
.
لا.... والمشكلة أن مطعم هرفي كان بعيد...!!!! مب قريب من المدرسة ,,,,
.
يعني لا مواصلات ..... ولا فــلوس !!!!!
.
.
.
لكن مع الإرادة القوية.... والإصرار..... والعزيمة.....
.
تستطيع أن تصعد جبال وادي فاطمة....بسيكل أبو ثلاث كفرات,,,,, خلال ثواني معدودة ,,,,,
.
.
.
مشكلة المواصلات.... أخترع لنا (بندر) حل....... مب صااااحي
صحيح أنه حل دلوخ.....
لكن فكرته نجحت نجاح بااااهر....
.
(( حل مشكلة المواصلات ))


.
أننا نركب مع لمزين......

ونقول له : أمش قدام ...... ولا نتكلم معه ولاااا شي...... لـــمــــدة 20 ثانية فـــقــــط ...

ثمن نقول له : كم توصلنا يا صديق ؟؟؟ ..... وأول ما يقول السعر..... نقول : لاااا لااا لااااا....!!!!

وقف على جمب .... نزلنا بس .... أنت غالي,,,,

ونحتري لمزين ثاني....

ونسوي معه مثل اللي قبله....

وعلى هالطريقة,,,,
.
.
ركبنا مع سبع لمزينات...
.
وبغينا نـنـدبغ ثلاث مرات...!!!!
آخر لمزين كان باكستاني..... بغى يــلـــعـــن جــدفنــا.... لكن ربك سترها,,,,,
.
.
أما مشلكة (شح) الدراهم,,,,,
.
فأخوكم في الله .... جاب الحل ...!!!!!
.
وأستطاع أنه يخلي 10 ريال..... تـــشــــبـــعـــنا من هرفي...
بدون سرقـــات ..... ولا مشاكل,,,,
.
والحل هو :
.
يوم وصلنا هرفي ..... جلست أطالع لوحة الطلبات اللي برا....
.
عرفت أنه ما يمدينا على ال(همبرجر والبطاطس)......
.
لكن هرفي كان مسوي عرض على صحن السلطة الصغير (أبو 6 ريال)
ومكان السلطة جاي على الطرف...... مهب مقابل الكاشير....
يعني يمدينا نعبيه أكثر من مرة .... بدون ما يحس العامل,,,,,,
.
والببسي الوسط .... بأربعة ريال.... تعبيه كلما خلص,,,,
ونفتح غطا الببسي.... و(نـسـقط) فيه خمس مزازات.....
وراح يكفينا بالراحـــــة (الضيق بالقبر,,,,)
.
.
وبهاذا تم تنسيق الخطة ,,,,
وأتفق الأعضاء على المهام
.
ودخلنا هــــرفـــــي ,,,,,
.
.
.
.

رحت أنا أول شي ... أعبي صحن السلطة,,,,
.
وقسم بالله..... كنهم قايلين لي : تراك بتجلس شهر بدون أكل,,,,,, خــــذ زادك من ألحين على هالصحن !!!!!
.
ترست أبو أبو اللي جابه !!!!! طلع والله مثل الجبل ...!!!!
وراح واحد من أخواني يعبي الببسي...
.
وأول ما حطيت الصحن , , , , ,
.
والله أنها عشر ثواني.... أو أقل بعد .....
والصحن يطلبكم الحل ,,,,
والببسي ...... أختفى من الوجود..!!!!
شـفـطــنـــا والديه علطووول,,,
.
.
بعدها .... راح أخوي الثاني يعبي الببسي....
وراح (طارق) يعبي صحن السلطة.....
.
وبــلــعـــنــا أبو السلطة..... و شـفـطـنا الببسي علطوول .... بلمح البصر ,,,,,
.
.
والمرة الثالثة,,,,
يتبدل الأعضاء بالمهام .... على نفس الخطة.....
.
وأستمرينا على كذا,,,
سلطة ... وببسي.... سلطة .... وببسي...
.
ونغير نوعية السلطات.....
وخذ (بــــلــــع) بهالنعمة..... يالله لك الحمد ,,,,
.
.
ووصلنا تقريبآ ســـت صحون.....!!!!
فــــرمـــنــا والديها فرم ..!!!!
.
.
لكن أنكشفت خطتنا بالنهاية,,,

بسبب الدلوخ المشافيح اللي ما قد شافو نعمة...!!!!

ونــثــروا أم السلطة على البلاط....!!!

وبربــسوا أم الطاولة..!!!

وكــبــكــبوا الببسي على الأرض...!!!
.
وطلع العامل حق النظافة ينظف أحد الطاولات....
وشاف الزحمة اللي سويناها.... والوصاخة اللي سببناها....!!!!!!
.
وعلم المدير المصري حق الطلبات....!!!!!!
.
.
ويجيك المصري ....!!!!!
.
ويطالع الخربطة اللي سويناها...!!!
.
ويقول : أيــــه داه.......؟؟؟؟ إنـــتـــو بــتــعمـــلو إيييييييه....؟؟؟؟؟؟
يـــا ولاااااد الأبـــلـــســــه؟؟؟؟؟
إطـــــلــــعــــو بررررررررراااااااااا......!!!!!!
.
وحنا اللي نـــخــــتـــبــــص....!!!!!
ونطلع برا هــرفـــي مطـــــرودين....!!!
.
وثيـــابـــنــ أنوااااع الوصاااااخة...
مكبكب عليها الببسي والسلطة....
وأشكالنا تضضضضضحك عليها.....
.
ونطلع برا المطعم... أنواااع الضحك,,,,,
وعبينا بطوننا من هالعشرة ريال ,,,,,
.
وأنا رجعت لهـرفـي مرة ثانية ... وأستهبل على المصري من عند الباب ...

وأقول له بكـــل أدب : ممكن تعطينا 5 بلونات .... ونرجعها لك بكرة ...!!!!!

وهو اللي يحـــذف علي واحد من الصحوون...!!!

و النحححشة برا المطعم....,,,,

وأنواع الهسترة والهجولة,,,,
.
.
.
بقى لنا ألحين المواصلات عشان نرجع للحارة,,,,
.
ونسوي خطة (بندر) للمواصلات ,,,,,
.
.
.
لكن تجري الرياح... بما لا تشتهي السفن...!!!!
.
ونوقف أول لمزين,,,
.
ويلعن أبو الحظ النححححس ....!!!!!
.
.
طلع ذاك اللمزين الباكستاني اللي بغى يدبغنا...!!!!
.
يوم شافنا.... وعرفنا ...!!!
وقف على جمب... بيب يصطرنا....
.
وحنا اللي نهج على رجولنا...!!!!!
.
وبعدها تركنا ومشى,,,,,
.
وقلنا يلعن أبو الحاااالة ....
وش نسوي...؟؟؟؟
.
.
ونمشي على رجولنا,,,
.
ونمشي....
.
ونمشي.....
.
.
لين تعبنا من المشي..!!!!
.
والساعة جت ثــنــتـــيــن الظهر..!!!!!
.
وتهضضضضم كل اللي أكلناه من طوووول المشي....!!!
.
لين وصلنا الحارة,,,
.
وكلن قال للثاني : ضف وجهك .... لا عاد أشوف خشتك,,,,,
.
وندخل البيت...
ونلقى أبوي يحترينا...!!!
وحنا قايلينله : بنرجع علطول بعد الإختبار,,,,
.
يوم شافنا,,,, وشاف ثيابنا... ووصاختنا....
الله لا يوريكم بس,,,,,
.
أنوااااع المطاردااات بالحوش....
وتشوف أشكالنا تحفة بالشمغ والعقل....
.
.
ونفلت منه .... ونتغبى بالحمام....
ونطالع أشكالنا بالمرايه.... وأنواااع الضحك على بعض,,,,
.
وجا أبوي للحمام ...
.
ويقول لنا : أفتحوا الباب,,, لا أدبل عليكم العــقــــااااب....!!!!
.
وأنا رديت عليه وقلت : أول عطني 5 بلونات ,,,, عشان أرجعها لك بكرة,,,
.
وأخواني مااااتو من الضحك,,,,
.
ورحنا بعدها للغرفة....
.
.
وننام ذيك النومه على نفس ثيابنا وحالتنا,,,, نومة بعد كل هالفلم والتعب والجهد,,,,
.
وكانت بداية أليمة للعطلة للصيفية,,,
:
:
:
:
:
:
:
تمت القصة
آمل أن تحوز على الرضا
.
ودمتم بألف خير
.