رد: الجواري الحلقه الأولى
[ ألا أدلكم على شيء اذا فعلتموه تحاببتم؟ أفشوا السلام بينكم ]
نبي نحبك يادكتور اذا تسمح
أنا جايه على بالي بشوف زُمرُّدة وقوت القلوب معصباتن رويساتهم ولابسات شيفونات
وهات يارقص وتمغط على خشبة عرش الوالي
وأبو القيتار يعزف لهم أغنية حرّة ياعذالي
والكاسات تدافق والأوادم تصافق
وأنت قلت ان صعفق يحب سوالف البنيات .. فساءت عندي النيات
وقلت ياقلبي لاتحزن ،، موضوع جديد للمخزن
8
8
من أدب المقامات (وجه كتاب الأدب)
اليوم الضحى وعلى صوت هدير المياه اللي جاي من مستنقعات المطر في الشارع اللي ورانا
ووسط تغريد الهنود اللي ماحلا لهم يصبغون إلا جدار غرفتي هذيك الحزّة
وعلى ريحة الصبغ اللي تشق الراس
قريت عنوان موضوعك 
وحسيت بأعراض مرض الاحباط الحلقاتي الأجزائي
حكة في الراس وضيق في التنفس وألم في الأكواع اليدوية
وقمت واستخرت وهداني ربي لعدم فتح موضوعك وقراءته
وبيني وبينك كنت ناويتها >> مخزن
ورجعت له وقريته مرة وثنتين وثلاث والتناحة بلغت مني مبلغها
وقمت واستخرت >> سجادتها ماتطوى
وجلست مع نفسي وصارحتها
وقلت يابيش ياقطعتن من قلبي دبلتي كبدات خلق الله
وخلق الله الثانين صاروا ينقدون عليتس من كثر ما تزودين المخزن
ارفقي يابنية وخلتس آدمية وحمّرت العين عليها
وماعطيتها فرصة تتكلم أبد
وهذاي جيت أعلمك وش قالت نفسي >> يعني أنا بيش مانيب نفسي
الزبدة
موضوعك كـ بداية فكرته حلوة
بس استعجلت في التنسيق والمونتاج والاخراج (وجه عامر الحمود)
وخرخشة الحروف ومناثرها تاخذ من حلاوة الموضوع
وأحيان كثيرة تثني الأعضاء عن تصفحه >> تثني
وقبل تكتب لاتحلف انك تكمل السطر غصب طِيب
عادي افهق شوي وابدا الفكرة الثانية مع سطر جديد
علشان ماتنحاس الفكرة اللي بغيتها وتخرب بالكلام العرض اللي يدخل فيها
أبيك تتحملني شوي لأن ودي أطوّر موهبة جديدة على يديني
وخاطري اذا أحد سألك من اللي كان يساندك في بداياتك
ترد عليه وتقول بيش
ويجون يسألوني وأجحدك
ان شاء مع نهاية الحلقة الثانية راح أرجع وأبي أشوفك صاف مع فطاحلة المنتدى (وجه بابا المدجج)
ويذ الفوكابلاري >> يعني الله يذكرتس ياأبلة سهير بالخير
__________________
::
[عفواً يمكن مشاهدة الروابط للمسجلين فقط للتسجيل اضغط هنا]
::
::
|