الـزكـرتيه - عرض مشاركة واحدة

**سلف خمسة** · 01-30-2007, 08:09 PM

سلام ..!

ياهلا ومرحبا ياهاجر اسفرت وانورت

وش هالإسم اللي فتق جروحن قديمه

كل ماشفت اسم هاجر يطري علي موقف محزن

ابو خمس او ست سنوات رحت مع امي السوق

ونشبت في حلقها الا اروح البوفيه اشتري سندويشة بطاطس > كثر كتشب

قالت رح وانا بحتريك هنيا عند محل هاجر حق النعال

اكبر محل في السوق يعني مافيه امل احد مايعرفه

الزبده اني رحت البوفيه وطلبت ويوم حاسبت الهندي

حسيت اني ضيعت مدري منين جيت ولا رحت

طبعا على طول فحطت عند البوفيه

عاد الموقف المحزن اني اتخيل شكلي اثناء نوبة البكاء الشديده

كانت السندويشه مرتخيه في يدي قدها بتطيح

وانا واقف في نص الساحه وفاحط واللقمه في ثمي

الين طاحت اللقمه على الأرض وحسيت اني مسكين مالي احد في الدنيا

بياخذوني هنود البوفيه والا بياخذني حق الفستق اللي فاتح له كشك جنب البوفيه

طبعا كل ذي تخيلات اثناء الفحطه

ماخذيت شوي الا الصفقه في علباي امش الله يامر عليك

امي

طلع المحل جنبي بس افتر راسي من القمطه

كمختني كم كمخه على الظهر وصفقه على العلبا

والسندويشه طاحت والثوب كله كتشب والحاله صعبه ذاك اليوم

طراها احذيـة هاجر الله لايعيده >

حياتس الله ياهاجر ومنور المنتدى بتواجدتس

الله الله بالمشاركات والمواضيع الفنتاستك

وان شاء الله تكونين من المميزين معنا في الزكرتيه

والمحل محلتس اي شي تبينه لايردتس الا الكيبورد

واهلن بيك مرتن اخرى

مع السلامة ,,

وني وني وني وني