الـزكـرتيه - عرض مشاركة واحدة - السعودية أضاعت فرص الفوز أمام قطر واكتفت بنقطة][تحليل,أهداف,صور,تصريحات ][

**ماشي الحال** · 01-21-2007, 10:53 PM

السلام عليكم

<< قاعد يتابع قناة الكاس ويضحك

عرفتوا اللي يقول كذب الكذبه وصدقها << صح كذا ؟

هذولا قطر وجماهيرهم واعلامهم

من جد مصدقين ان هذا منتخب ؟

حتى لو فاز يعني بغض النظر عن التعادل

معطينه فوق حجمه بشكل غير طبيعي

ويحاولون يمررون رساله << طايح فيها ذا الكلمه

ان منتخب قطر بتراجعه اعطى السعوديه فرصه للضغط عليه

بس اعجبني الزياني وهو يقول

قطر ما تراجعت باختيارها

تراجعت لان اللي قدامه منتخب فارض قوته

حتى الدبيخي قال كلمه حلوه

قال لنفرض ان قطر تراجعت باختيارها

وش استفادوا من التراجع هذا ؟ غير هجمات شبه انفراديه للسعوديه

عموما نجي لتحليل المباراه

لا زلت استغرب من اللي مدحوا مستوانا اليوم

مع اني اشوف انه استمرار لمستوانا في مباراة البحرين

ما لاحظت تغيير جذري

من مباراة البحرين ومستوانا زين

ونفس الشي مباراة اليوم

كاتمين بلفهم في منطقتهم

يمكن صار ارتباك بداية المباره بس متعودين على الشي هذا

وهذي عادة منتخبنا لازم يجي فيه هدف

بذكر بعض النقاط السريعه

* صالح الصقري كل مره يثبت انه لاعب غبي ولا يهون سعود كريري

* عمر الغامدي استدرك ارتباكه اول المباراه وتألق بشكل رايق

* المهرج خوجه ياليت يتنحى عن مركزه لياسر المسيلم

* ياسر ومالك رغم امتلاكهم مهارات الا انه لا زالوا ينتظرون اخطاء دفاع الخصم

* اللي سجل هدف منتخبنا لاعبين اللي هم ياسر ومالك

* اول مره اشوف شعر ياسر يتحرك والسبب خشونة غانم لاعب قطر

* نحتاج لاعب يملك قدم قويه مادام اغلب المنتخبات بتدافع في ملعبها

* اتمنى لا نستعجل بالحكم على اي لاعب

* عزيز لازم يلعب مكان كريري

* المستوى بشكل عام فوق الجيد فيه هدوء وتركيز وثقه

* محمد أمين الظاهر توه قايم من النوم وداخل يتمغط

بالنهايه ياليت اللي قال مستوانا اليوم احسن

يرجع لمباراة البحرين راح يحصلها نفس الشي

ولو فيه تغيير يمكن تغيير خفيف لا يذكر

مع العلم ان كل المنتخبين اللي ضدنا دفاع طول الوقت

يمكن البحرين افضل في الدفاع بحكم تعودهم على ذا الطريقه قدامنا..

يمكن ماالوم الجرايد والاعلام بشن حرب على باكيتا في مباراتنا قدام البحرين

لان الامير سلطان صرح بعد المباراه بتصريح ضد باكيتا باخراجه معاذ

وهذا فتح الباب للمرتزقه من الصحفيين والاعلاميين

عموما اتمنى من باكيتا اعادة النظر في خوجه

ويحاول يقول للصقري بينه وبينه بدون محد يسمع ::

لا تحاول تفضي نفسك وتخلي اللاعبين يعطونك الكوره

قهروني قسم بالله اسوأ لاعب في المنتخب

ومع هذا اكثر لاعب تجيه الكوره

يعطيك العافيه ولد الشرقيه