الجبال اللي تزحزح ماتزيح=والغصون ادنى هبوب تزولها
اعتنز على جبل ولا تطيح=الجبال تذري اللي حولها
والصراحه مزعجه وانا صريح=تزعلك ماتزعلك بقولها
شاعراً موهوب ولساني فصيح=وسابحاً عرض البحور وطولها
والافاعي روسها تندح نديح=والعقارب سمّها بذيولها
ماعلى الدنيا ضميراً مستريح=كل خلق الله تعن خيولها
ذا يحن وذا يون وذا يصيح=وذا يخطف راسها ورجولها
والشعر هذا قبيح وذا مليح=وكل ابوها سارياً مفعولها
اجلد القبيح في وجه القبيح=وقول وش رايك وقول اصولها
والا انا ماقد مدحت الا المديح=الجمال اللي تشيل حمولها
والصراحه مزعجه وانا صريح=تزعلك ماتزعلك بقولها
والا تدري مايصح الا الصحيح=خاطب العالم قد عقولها

مثل تال النهار اللي تقفاه ليل=والشفق تحت قرص الشمس متبعثري
يالله اني دخيلك يامنجّي الدخيل=جعلني دايماً متهوم وانا بري
مايذل العزيز ولا يعز الذليل=كود مسرى الخطر في ليل ماينسري
حسبنا الله على الضالم ونعم الوكيل=كل ماشفت طلت زينب العسكري
ياوجودي وجود اللي عشق مستحيل=قلت وش تحتري وقال وش تحتري
قلت طرقي ومتغرب وعابر سبيل=والمصيبه هنا يابري حالي بري
والله اني من الوزن الثقيل الثقيل=مير بعض المواقف ماتجري جري
مدري وش احط ولادري وش اشيل=بس اغني كذا يالابس الغندري
زينب العسكري بي ام آخر موديل=ماركه عالميه تتعب المشتري