ولكم باك يابيــش
اقتباس:
نجي دحينا لسالفتك التضحاوية
أنا ماشفت في السالفة طاري للتضحية بقدر ماهو واجب
اي واجب
حتى لما قلت ان الأم متفرغة والمفروض تضف عيالها ،، أنت افترضتها نتيجة تحليلك
اللي اعتمدت فيه بشكل كبير على انها ماهيب موظفة وعندها خدامة
|
لا ،، سلااامتك
انا ما افترضت شي ولا حللت شي
صحيح انا قلت انها متفرغه
واعتمدت بشكل رئيسي على انها ماهيب موظفه وعندها خدامه
واعتمدت بشكل ثانوي على أن الوقت وقت ممسى وهدا يعني متأخر
ولافيه صجّه فالبيت داخل
وهذي كلها تدل على انها حالياً متفرغه جداً
اقتباس:
بس ربة البيت حتى لو عندها درزن خدامات تبقى هي المسؤولة عن كل شي
يكفي ان عندها في بيتها ضيف >> ذليناك وربي
ومسؤوليتها تمتد لأشياء دقيقة ولا عشرين ألف خدامة تقدر تسويها
|
اشياء دقيقه ،، وعشرين الف خدامه
الله يستر
تدرين يابيــش وش الاشياء الدقيقه في حياة الانثى
(( كيف تسوي حلا الجونيور ))
ايـه هذا اللي انتم فالحين فيه يابنات ذا اليومين
انواع الحلويات وتكشخون علينا
وين حريم اول
الوحده منهم تطبخ الذبيحه لاصار عند رجالها ضيوف
امّا بنات ذا اليومين مايعرفون يقطعون الذبيحه ثلاجه
اذكر مرّه رحت مع واحد من خوياي للقصاب
واسمعه يوم قال للقصاب قطع الذبيحه قطع صغيــــره كل قطعه قد الكف
قلت له ليه ؟؟
قال حرمتي ماتعرف تقطع الذبيحه
يقول اجيب الذبيحه الها الصباح ويجي اخر اليل
ماخلصت الا من الكتف
والرقبه لاعنه امها من جميع الجهات ولاكسرتها
امحق حرمه
وين حريم اول اللي بضربه وحده وهي قاصّه الفطحه
تصدقون يخوفون حريم اول
تخيلت نفسي متزوج وحده منهن
وتخيلت شكلها وهي متربعه على الذبيحه بساطورها
حسيّت اني ما اقدر اخش معها حب وحنان
شكل الحياه الزوجيه منول مزارق طيب
او انهم عايشين مع بعض اخوان في الاسلام
اقتباس:
صحيح عيالها المفروض ياخذون الجزء الأكبر من اهتمامها
بس هذا مايمنع انها تعطي فرصة للأب انه يؤدي دوره ويحسس عياله بوجوده
وماهوب دوره بس يكد الصباح علشان يأكلهم وإلا لا جا العصر مشّاهم >> ياليته يمشينا العصر
احتضانه لعياله كان أهم عليه من مجاملتك وأنت راعي طويلة عندهم
ومثل ماقالت وحدة من الرفل اللي قبلي انك من حمام الدار
صحيح انه بالغ شوي في استجابته السريعة لطلب ولده
بس موقفه أكيد كان معتمد على نوعية علاقته بك أنت
يعني السلوك كان عفوي لعفوية الأجواء >> عاد أنت كيفك
|
ازين شي فيكم انكم كلكم اتفقتوا على انه
ماله داعي يوم غيّر القناة
وهذا يدل على وعيكم الثقافي التربوي <<
وبعدين وش قصتكم ماسكين علي
كأني سكنت فالمجلس غصب عنهم
هم اللي قالوا لي تعال اسكن عندنا بدال ماتستأجر شقق مفروشه
وانا وافقت على طول لأني اكره الشقق المفروشه
ولأني دايم استضيف الناس في بيت ابوي
<< مهب في بيتي
فحبيت استرد حق من حقوقي
وللمعلوميه كنت اودي عيالهم امشيهم
واشتري اغراضهم الناقصه فالبيت
يعني كانوا كارفيني كرف
وانا راضي كلها لاجل ما اعيش لوحدي في شقق مفروشه
اقتباس:
وختامن ماعندي شي أقوله لأن اللي سبقوني كفوا ووفوا
واللي أتمناه انك ماتخرب أبوهم عليهم والله ان تدعي عليك زوجته
والأمنية الثانية انك دائما تتحفنا بمثل هالمواضيع اللي اسلوبك فيها يجبرنا نشارك
|
الله يهديه لنفسه ولزوجته وعياله
ويكفينا شـرّه
لاااااهنتي يابيـش على مشاركتك
والله يعطيك العافيه
اقتباس:
|
ويذ الدموع >> يعني ترى جربت أنسدح على اصبع رجل أبوي وماحسيت برفسة ترى
|
مقدي والله
وسلمي لي على ابوك يابيــش
هو والله السنافي