اررررحب
يابو الحال
كيف حالك
العذر والسموحه ياماشي
الاستعجال شين والوقت ضيّق
والقـدر فالصـدر << وش دخلها
اقتباس:
بالنسبه للموضوع
بقول رايي على السريع
لاني احس الموقف اللي ذكرته يعتبر قناعات شخصيه
يعني وجهات النظر فيه ترجع للاشخاص نفسهم
وما نقدر نقول عنها مسلّمات لا بد منها ...
طبعاً اذا بنقيس على موقف الاب مع عياله
وموقفك من ابوهم لا بد نستنتج بعض الاشياء
لانك ما وضحتها عشان تكتمل الصوره
مثلاً علاقتك مع ابوهم ؟
هل فيها ميانه توصل انك تقوله رجع على الفلم
وصرفهم بأي شي او ما توصل ؟
|
نعم فيــه ميانه بيني وبين ابوهم
بس انا استحي اقول رجعه على الفلم
اقتباس:
وعياله يوم جاو يتابعون التلفزون عنده
يعني ماعندهم تلفزون داخل ؟
او عندهم وجاو عند ابوهم لأي سبب كان
|
عندهم تلفزيون داخل
بس الظاهر ان امهم كانت محنيـّه ايدينها
وماتقدر تمسكهم
اقتباس:
ومادام ما قدامنا الا الموقف اللي ذكرته
راح ارد بناءاً عليه
شف انا اتوقع ان الابو ما حط في باله
انك بتنظر للتصرف اللي سوّاه مع عياله
غير نظرته هو
اللي هي ان الامر عادي ابو يحب عياله
ومايبي يشوفهم يصيحون
انت يمكن حماسك مع الفلم
خلاّك تنظر للموضوع من زاويه ثانيه
وهذا دايم هو اساس الاختلافات بين الناس
( شخص يقول كلمه او يتخذ تصرف وتلقاه يؤخذ على غير معناه اللي يقصده هو )
عن نفسي واللي اشوفه بالغالب
ان البزران اذا جاو المجلس
سواءا كانوا موجودين فيه اخوان
او خويا ابوهم
يجلسون شوي ويوديهم ابوهم داخل
وان قالوا نبي القناه الفلانيه قالهم امشوا داخل
هذا اللي اشوف انه الانسب
بس يمكن خويك له وضع استثنائي مانعرف خفاياه
وحتى لو ماله وضع غير
صعبه اني اقول تصرفه تصرف هطاقه او تضحيه
يمكن يحب عياله بس جايب المرض لزوجته
المقصد ان الهطاقه او التضحيه
مانقيسها من خلال الموقف هذا
لنفرض انت تشوفه هطق
زوجته تشوفه راعي تضحيه
وانا اشوفه في مواقف ثانيه مهب هطق
ويمكن العكس انت تشوفه يضحي وزوجته تشوفه هطق
يعني الصفه لما نطلقها على شخص
راح تكون هي الصفه البارزه من تصرفاته
ويلاحظها اللي حوله ...
|
انا ما اقصد انه هطقه مع حرمته
اقصد انه هطقة مع نفسه
يوم يبدي وناسة عياله على مستقبله ومستقبل عياله << يبي يكبّر الموضوع
ولو انه وداهم داخل ورجعوا بشلوت
كان اقدر اقول انه هطقه من جميع الجهات
ابو الحال اعجبني ذا السطر في ردك
لانه قريب جداً من الواقع
اقتباس:
|
يمكن يحب عياله بس جايب المرض لزوجته
|
فيه رجال يتحمل ملاغة عياله إلى ابعد الحدود
ولا يتحمل من حرمته مثقال ذره
وهذا اكيد انه خطا
المفروض يكون للزوجه اكبر قدر من الاهتمام
اقتباس:
عميدنا صدقني موضوعك من القلائل
ولا تهون باقي المواضيع
اللي احس انه ينطبق على قسم الصاله
اقصد في الموقف وسجيّة الطرح
الله يعطيك العافيه ولا تقاطعنا يالدرو
|
الله يعافيك يابوالحال
وشهادتك وسام على خشمــي