يوم كنت صغير,,, ---العـــــدد الثالــــث---
.
((( كـمـبـيـوتـر العـائلـــة )))
.

.
.
.
.
السلام عليكم ورحمة الله وبركاته
.
.
أسعد الله مساكم جميع
وحيا الله كلن باسمه
كل عام وأنتم بخير.... وتقبل الله منا ومنكم صالح الأعمال
.
.
قبل ما أبدأ....أحب أنبه للكل.... أن أي نقد أو تعليق.... تراني أتقبله أكثر من المديح
وأنا أعتبركم أخواني...... ومنكم نتعلم ونستفيد
.
.
.
.
.
.
.
بسم الله وعلى بركة الله.....
.
.
.
الزمان : منتصف إجازة الصيف ---- ناجح (بالطقاق) من خامس لسادس ابتدائي....
المكان : في ربوع الحارة -- الصيفية هاذي محرومين من السفر (أخوي سقط , وخرب علينا السفرية للجنوب,,,,,)
.
.
.
يوم الأربعاء , خالتي سوت عزيمة بمناسبة مولود جديد جاهم .....
رحنا ذاك اليوم لبيت خالتي .... وشفنا عيال خالتي .....
وأنواااع الهبال والصراااخ والفسااااد.....
.
.
دايم كنا إذا أجتمعنا مع عيال خالتي... يكون أغلب الإزعاج من لعب الكورة بالحوش.....
والجيران مساكين....... أذينا والدينهم ليييين أنــهــبـــــلوووو...
الظاهر أننا (سلقطنا) الكورة عندهم ذاك اليوم سـبـع آلاف مرة ,,,,,,
.
.
لكن المرة هاذي رحنا لبيت خالتي...... ولا سوينا إزعاج .... ولا صوت ولاااااا شي !!!!!
.
.
.
تدرون ليش ؟؟؟؟
.
.
.
عيال خالتي شرا لهم أبوهم (كـــمـــبــــيـــوتــــر)
الله يذكره بالخير .... كمبيوتر (العائلة) ..... ذاك الخسته....
تشتريه الظهر ......... المغرب وهو خربان
وخراب ذاك الكمبيوتر غير قابل للإصلاح ..... تجدعه بالزباله علطوول.....
.
.
المهم
.
.
ذاك اليوم..... جلسنا فااااهين على هالكمبيوتر..... نشوف الألعاب ...
ألوان و أشكال.....
طيارات ..... وسيارات ....... و مغامرات......
ولعبة الرجال الطيب (مــــاريوت) الله يذكره بالخير
.
.


وعلى طاري ماريوت..... قسم بالله يا جماعة..... لو أحلف إن أكثر واحد لعب هاللعبة بالعالم.....
الظاهر أنه (أنا)......
يارجل!!!!! أقسم بالله .... أحس ذاك الوقت..... شوي ويطلع ماريوت من الشاشة....
ويقوللي : هـــيــه أنـــت !!!! أنـــقـــلع الله يلعن جدفك !!!! ياااخي وش تبي فيني ؟؟؟؟ تراك مغغغغطت والديني!!!!
أرحم والديني تــــكفى شـــوي !!!!! أبي أريح واللي يرحم أهلك !!!!!
.
.

ذاك الوقت..... حنا كان عندنا كمبيوتر (صخر)....
ولا كان عندنا إلا شريط واااحد بس ..... شريط سيارات....
كــــســـــرنا أبو الكمبيوتر على هالشريط...... كن ما أخترعو إلا هالشريط بس لصخر....!!!!
.
.
عاد يوم شفنا التطور على كمبيوتر العائلة ..... وتنوع الألعاب..... والألون و الأشكال.....
قررنا نروح لأبوي ..... ونحاول فيه يشتريلنا كمبيوتر العائلة.......
.
.
جاء أبوي ياخذنا من بيت خالتي.....
وكانت أمي مبسوطة مننا ذاك اليوم...... ما أزعجنا.... ولا طلع حسنا بالمرررة
.
قلنا لأبوي يشتريلنا هالكمبيوتر.....
رد أبوي وقال : أنا ألحين أفكر أني أسحب منكم كمبيوتر الصخر عشان ما يلهي هالساقط اللي جمبك..... تقولون نبي كمبيوتر جديد!!!!!
الظاهر أنكم أنهبلتو؟؟؟
.
.
وحنا وياه....... وحنا وياه.......
وهو مصمم على رايه
لين هبلنا فيه بالطريق!!!!!
وهو اللي يوقف على جمب...... يبي ينزل ويفرشنا واحد واحد....!!!!!
.
قلنا : خلاص خلاص ...... مانبي كمبيوتر... الله يلعن اللي أخترعه... واللي جابه للسعوديه...
.
.
أخوي بهالوقت .... خنقته العبرة,,,,, وقعد يشاهق بالسيارة...
يوم سمعوه أبوي وأمي ..... رحــــمونا,,,,,,,,
.
.
بعدها,,,,, قالت أمي لأبوي: والله أني أشوف لو تشريلهم هالكمبيوتر..... بيفكونا من إزعاجهم وهبالهم.....
والله ماقد أرتحنا في بيت أختي مثل هاليوم........ العيال لاهين عند هالكمبيوتر.... ولا سمعنا حسهم أبد....
.
.
بعدها.... قال أبوي : طيب ...
أبشتريلكم هالكمبيوتر..... بس بشرط !!!!!
.
هو ما أمداه يقول أبشتري........ إلا وناقزنا عليه ..... وأنواع الحبحبه والتبويس.... وعينك ما تشوف إلا السعابيل....!!!
حتى بغى يوقف مرة ثانيه بيفرشنا.....!!!!
.
.
قال : الشرط ,,,, أنكم تلعبون فيه ســــــاعة وحــــده باليوم بــــــسسسس,,,,
.
قلنا .... يا شيخ أنت أشتره بس .... لو تبي دقيقة باليوم أبشر.... أنت أشتر الكمبيوتر بس,,,,
.
.
وتمت الموافقة على فكرة الكمبيوتر,,,
وقررنا نطلع لسوق (الــبــطــحـــاء) من بكرة العصر (يوم الخميس)
.
.
.
.
رحنا سوق البطحاء...............
.
.
أنواع الإزعااااج..... أنواع الخياااااس..... أنواع العمالة السائبة.......
.
المهم ... وصلنا عند محلات بيع الكمبيوترات....
كان ذاك الوقت ... كمبيوتر العائلة تووووه على عزه...
وكان منه أنواع وااااجد...
وكلها نفس الشي.....
لكن اللي يختلف.... شكل الكرتون اللي برا...
.
بعضها مكتوب عليها : سـبـعــطـعــشر ألف لعبه
وبعضها : مليون وستـــمية ألــــف لعبة!!!!!!!!
وبعضها غالطين , وكاتبين : مليار... و مية......و طــعـــش...... و سبع طعش........ و طعشين لعبه!!!!!
.
.
وحنا .... أنواع التـفـــديـــــغ....
ندور على أكبر رقم ..... مسوين ذيااابة.... والمشكلة كلها (سبع) ألعاب مكررة...!!!!
ونسحب أبوي... من مكان للثاني
ونقول : هاذا عنده ألعاب أكثر.... وهاذاك أكثر... والثالث والرابع.............
لين صملنا على كمبيوتر.......... يحتوي على (خمس طعشر مليون لعبـــــــة ...........!!!!!!)
وبالأرقام : 15,000,000 لعبـــــــــة....
.
.
.
وناخذه الظاهر ب80 ريال مع المكاسر....
ونرجع للبيت..........
.
والله يا جماعة .... ما أذكر بهذلنا أبوي (الله يحفظه ووالديكم ومن يعز عليكم)..... مثل ذاك اليوم....!!!!!
أقوللكم جالسين نــتــضااااارب بالسيارة ,,,,, على من يبدأ اللعب أول!!!! ولسه ماوصلنا البيت!!!!!
.
.
.
وصلنا البيت على العشاء تقريبآ ...... والأرض ما توسعنا من الفرحة.....

ونشبك الكمبيوتر............ وقسم بالله أننا نلعب وحنا واقفين!!!!!
وما بيننا وبين التلفزيون ............. ألا الظاهر ثلاث أشبار....!!!!
.
وحنا عددنا ثلاثة.......
ولا فيه إلا يدين ثنتين بس....
والفايز يستمر....
.
وتعيس الحــــظ...... هو اللي يصير (حـشرااان) ويروح يطير الشراب....
.
.
.
وخذ لعب...
ولعب
ولعب
.
.
.
وجابت لنا أمي العشا الساعة عشر الليل........ وبرد ....... ولا ذقنا منه ولاااا لقمه.....
ولا حتى حسينا فيه إلا الساعة ثنتين بالليل.... وأكلناه زي ما هو......
.
وأبوي .... كل شوي يجينا.... ويقول طفووووه..!!!!
ونقوله : تككككككفى شوي ........ آآآآآخر لعبة..... لين مل مننا... وتركنا وراح ينام......
.
.
الكمبيوتر ســـحــــرنــــــا,,,,,
.
.
وظلينا سهرانين على هالكمبيوتر....
ومن لعبه إلى لعبه.....
ولا تعبنا..... ولا ملينا...... بالعكس !!!! نزداد نشاط وحيويه كل ما زدنا لعب..........!!!!!
.
.
.
ويمر الوقت....
.
.
وكمبيوتر العائلة المسكين شغال....
وحنا أنواااع التفجير فيه.....
ماريوت ذاك .... ألعن لو أنه آدمي ,,, أن يلعن خامس أللي جابنا....
والله إن يذبحنا واحد واحد........ والله يا حنا مغغغطنا فيه ... رايح ... جاي... رايح ... جاي....
.
.
.
ويمر الوقت.....
.
.
.
ويـــبزغ الفجر...
.
.
وحنا على هالكمبيوتر المسيكين.....
والله ما قد رحمت جهاز .... كثر ما رحمت ذاك الكمبيوتر....
.
.
وتــطلع الشمس ......
.
.
وحنا قسم بالله أننا أنــسـبــهــنا ..... زي المسحورين!!!!!
ما نتكلم ولاااا كلمه..... ولاااااا نفس!!!!!!
وعيوننا مـــبــحره بهالشاشـــــه....
.
.
لين حان موعد الصفر.....!!!!
.
.
.
وعقرب الساعة يؤشر على الثامنة صباحآ...........
.
.
.
.
وفجأة.....!!!!!
.
.
.
.
.
(يله تامرون شي؟؟؟ أنا ماشي ..... فمان الله ..........)
.
.
.
.
.
لا لا أمزح,,,,,,,,
(مالها داعي يقولون فيه واحد أنــفــرش بغرفة السواق ,,,,,)
.
.
.
.
.
.
.
.
وفجأة ياجماعة,,,
.
.
بووووووووووووووووففففف...........!!!!!!!!!!!!!!!!!
.
.
.
قــبع المحـــــول قبـــــعة....!!!!!!! ملعووونة وااالديـــــن.....!!!!!!
.
وطفا الكمبيوتر...... و طفا التلفزيون,,,,,,,,
.
.
.
.
.
لكن تدرون وش الغريب..........؟؟؟؟؟؟!!!!!!
.
.
.
الأخوان السبايك الثلاثة لا زالو يطالعون الشاشة .....!!!!!!!!!!!!!!
ولا حسو بأنــفـــجــــار الـــمــحــــول !!!!!
.
.
لسه قاعدين نطالع التلفزيون وهو طافي..... والكمبيوترصار أسود ..... والمحول صار مثل الجمره من الحرارة......!!!!!
.
لين شمينا الريحة حقت المحول...... وحسينا بالوضع....
وكأنه إنـــفــــك الســــحر عـــنــنـــــا........!!!!!
.
.
.
ونطالع بعض ..... ونقول : وش السالفة؟؟؟؟
وأخوي يقول : الله يلعنه ذاك الهندي......... باع لنا كمبيوتر خربان..... بنرجعه بكرة.... ويعطينا واحد جديد....
.
وأنا أقول : لا والله ..... لا خربان.... ولا طربان..... حنا اللي فجرنا أهل أهله.......
والله إن حدنا صـــخــــر.... ويـــخـــب عليك أنت وياه.... أنتم وجيهكم وجيه كمبيوترات؟؟؟
.
.
المهم ..... ضفينا كل الكمبيوتر... ومحولاته وأسلاكه.... وحطيناها بكيس....
وتركنا الجدار على سواده..... ولا درينا أنه بيكون دليل على جريمتنا بالكمبيوتر المسكين,,,,
.
.
ورحنا ننام,,,,
.
.
.
وربك سبحانه .... كتب لنا النكد بذاك اليوم,,,,,,,
ما أمدانا نحط روسنا وننام..... إلا على دخلة أبــــوي لغرفتنا....!!!!!
.
ويفتح اللمبه...!!!!! ويقول : وش ريحة الإحترااااق هااااااذي...؟؟؟؟؟؟
ويشوف الحرق بالجدار .....!!!!!
.
وعرف أننا ما فلتنا الكمبيوتر ...... إلا يوم فجرنا أبو اللي جابه....
.
.
لكن حنا أغبيااااء فعلآ..!!!
يوم سمعنا هوااشه..... كلن قاعد يقول عن الثاني : هو اللي جالس يلعب يــبـه !!! ولا خلانا ننام....!!!!!!
.
.
.
وهو اللي يجيب العرق من غرفته....!!!!!
.
وحنا اللي ننحااااش برا الغرفة.....!!!!!!
(وناوين نكمل النــحــشــة برا البيت!!!!)
.
.
.
لكن الشايب ذاك الوقت كان نشاط الله يحفظه....
وأمداه ياصلنا قبل لا نطلع برا البيت....!!!!!
ويحجر لنا بالحوش........!!!!!!
.
وأنواااااع التلســيييب والجلللللد بالخيزراااان.....
وعينك ماااااتشووف إلا الصيااااح والصراااخ...
.
.
.
بعدها .... عرفنا أننا ناس....
حدهم تحطهم بجرف..... وتجدع عليهم قشر موز,,,,,
.
ولعنا ساعة هالكمبيوتر.... وساعة مشترااه....
وجلسنا ثلاااااث سنين........ ماطب بيتنا كمبيوتر......
.
.
.
.
.
كمبيوتر العائلة المذكور... لا زلنا محتفظين فيه حتى يومكم هذا
هو .... ومحولاته.... وأسلاكه.... وكل خرابيطه....
.
إحيائآ...... للذكرى الأليمة,,,,,,,
:
:
:
:
:
:
:
تمت القصة,,,
آمل أن تحوز على رضا الجميع,,,
.
ودمتم بألف خير
.