مشاركة: كوووح انا جيت ترا << طوووسي بس
وعليكم السلام ياحلوتس 
يقولون مادح نفسه يبي رفسه
بس لايهمونتس هذولا اللي يبون يزعزعون ثقتتس بنفستس
اجحديهم ودوما قولي أنا حلوة وياحلووي ويازين وجهي وسبحان خالقني
واذا قالوا عنتس مغرورة قولي يحق لي وانطموا >> تبي تخرب أخلاق البنت
وإلا اذا حابه تصيرين ذربة مره
امشي على قاعدة امدحني ولاتذمني أزين لك
وهي تنص على مايلي :
اذا أحد قال انتي حلوة قولي لااااااااا أنا مملوحة وجمالي عادي
واذا أحد تجرأ وقال عنتس شينة تمدسي بيديتس ورجيلتس في بطنه
ولايردتس عنه إلا عيال الحلال اللي بيفكونه منتس 
ياحلوووي >> لاتفرحين أنا أتكلم عن نفسي
ياحلوتس
أهلا وسهلا بتسي معنا متقلقصه بيننا
وياليت تعصرين مختس وتتذكرين من اللي عزمتس على بيتنا ودنا نكرّمه
وحستس عينتس أسمع همس يقول اني ملقوفة
أبددد ماهيب لقافة ولا شي
ويذ الحلا >> يعني انتبه يالعضو اللي اسمك الطير ترى بنقطك من السما من زود الحلا 
|