غربه وثلج شعور وأنفاس دخان
تجتاحني والليل لـ الليل يشكي !
ليلي كِذا بـ الوان ولاّ بلا الوان
لو يحترق صمتي عليه بـ يبكي !
ممكن مـ اعرفك ؟ لكن الصدق : عنوان
ممكن أعيشك .. لكن شلون بـ احكي .. ؟
ياقلب الحين وش جابه على بالك حبيب (ن) راح
قفلت ابوابـك بيـديك وجيـت الحيـن تشكيلـي
تخيل لو تقابلنا وجـت عينـي عليـه وصـاح
تخيل لو تجاهلنـي كيـف اقـف علـى حيلـي
عقبك غدت كل الليالي .. حزينه
ومافيه عقبك .. من يسد بـ مكـانك ..
روحي غدت للياس منّك رهينه
وخان الزمن فيني .. وخـانك زمانك
مثل الغريق اللي يتحرى سفينه
ظليت انا اتحرى يجيني .. حنانك ..
ماغير اقلّب ذكريات ٍ .. دفينه
يوم الهوى عايش .. بـ دنيا جنانك !
عيد النظر بـ اللـي تبيـه وتـروّى ..
ترى " فراقك " صعب ماهوب عـادي ؟!
ماشفت " طاري البعد " وشلون سوّى ..
فينـي .. وأنـا قـدام عينـك وهـادي ؟!
هلت دموعـي وانـت عينـك تقـوّى ..
حبست دموعك مـات جفنـك ينـادي !!
حبيبي مازرعت لك الشجر في داخلي من شان
تجي تاخذ من اعماقي ثمر وتغيب عن عيني !
انا لولاي احبك ماجعلت من الضلوع اغصان ..
ولا علقت عشك في حشاي وقلت : ( عِش فيني )*
حبيبي ليه في فصل ( الجليد ) تقاطع البستان ؟
وتتركني لـ وحدي والصقيع يقطّع ايديني
واذا راح الشتا والثلج هرول واورق الرمان
تجي تقطف ثماري ثم تستنزف شراييني ؟
ما اتفـقنا يا شقـى الماضـي تروح في طريقك ؟
و اشتري بيت الهمــوم اللي بنيته في طريقـي ..
ليه راجع ؟! كل هـ الأيام .. و لا قدرت تعيقك ؟
راجع لـ مسمارك اللي غارسه في صدر ضيقي ؟!