الـزكـرتيه - عرض مشاركة واحدة

**شباب في رحله** · 12-15-2006, 04:19 AM

السلامو عليكم

متصفح ؟

صفحه ؟

ثنتين ؟

ثلاثه؟

تهقون يكفوون؟

بالنسبه لي اقوول وبالفم المليان [معصي]

ماعلاقة القطوه الصغننه بشوربة ماجي بالخضاء

على مهلكم

بتعرفون العلاقه بشكل سريع

*

المطالبه المستعجله بتواجد الحكم الاجنبي

(وراحوا ناس وجوا ناس )

(طارت كراسي وجات كراسي)

(صرحوا اشناب واشناب سكتوا )

وياليتهم مخلينها على طمام المرحوووم

يسحقهم الزعيم ويكون عذرهم التحكيم

لكن [مسرحية] اليوم غير

ياقل حيلتهم دلوئتي ......

حكم اجنبي وجابوا ايقاف وقفوا

دس السم بالعسل ودسووه

ولا زال الهلال شامخ في ليالي الشتاء البارده

* للمعلوميه مدري هو شتا او ربيع لكن الزبده امطار وخير وجونا ماينعرف له

جا المطر وبيجي الخير بأذن الله

ولازال الهلال يعزف اروع الالحان

القطو الابيض

يؤ
قصدي الليث الابيض

اقحمووك ايها الليث وقعدوا يتفرجون على حتفك

ليث قدامهم

لكن قدام الزعيم

مجرد قطو

بعيد عن الليث

يحق لي ان اتغزل بهلالي
اقل حقوقي اظن

ابدا منين؟ ولا انتهي منين؟

في المربعانيه وكسحناهم بأربعه

لولاتأخر المباراه شهوور لكان كلوها سته
هذا لو كانت المباراه في شوال

مقووله منتشره

عطو الهلال كاس وخلوا الفرق الباقيه تلعب على كاس ثاني

قالوها قصدهم سخريه

ومايدرون اننا اكثر المطالبين الحين اننا ناخذ كاس ونترك لهم

كاس لحالهم

مايستاهل الهلال بهالمستويات اللي يقدمها ؟

يكون خارج حدود الوطن ؟

دوري عقيم دوري كل الفرق ضده

ليتهم ضده كروياً

ضده اخلاقياً وفكرياً

كم انت فريق ياهلال

تجيني لحظات كثيره اقوول

اشطب على الدوري السعودي
وانساااه ياشيخ

لكن يجبرني ياسر والبرنس طارق ورفاقهم اني ارجع واتابع الدوري وبشغف

واكتشفت ان هالمقووله مقوولة مشجعين الفرق الفاشله

[قتلتهم ياهلال]

اشر قتله

4 حكام اجانب

ولكل حكم هدف هديه يرجع فيها للاندلس

ويتغنى هناك بهلالنا

[هلالنا غير ]

[هلالنا ماله حل]

شجع الزعيم وريح راسك ياغشيم

الغريب في الامر

ان اليوم كانت مباراة البرشا في كاس العالم الانديه

وبعد اطمئنان برشلونه بالنتيجه استعرضووا

وكأني اشوووف مبارة الظهر في ليل مملكتنا

كاني اشوووف طوكيو هي الرياض

بل قسم بالله اكثر

الهلال عشق وبرشلونه طرب

طااااارق

حرام عليك

الا تعلم ان العيد على الابواب
وانت اليوم وقبلك ياسر قبل كم يووم

خليت اغلب الشعب السعودي

يحرم الكعب في بيته

::
::

قرار ليس ببعيد

حل لجنة التحكيم الاسبانيه

ليس بمستغرب على رئاستنا العزيزه

:::

:::

عوده لياسر

تعال ابيك

ليش تسوي كذا اليوم؟

لو معطينك جوك شووي بعد كان عديت من الصحفي بعد

قلنا انك هداف ونبي تجيب اهداف

لكن بالطريقه ذي؟

ارجوووووووووووووك رفقاً بالقوارير

لكن للامانه حلوة شوربة اليوم

اقدر اسميك الشيف ياسر بعد شوربة اليوم

تعجبني فيك

بصمتك اللي تتركها في كل مباراه

انت مستقبل الكره السعوديه

استمرارك في الدوري السعودي اكبر خساره راح نعيشها في حاضرنا

قبل كم يووم واحد من خوياي يقوولي ياسر كذبه او بمعنى اخر

فقاعة صابون

دقيت عليه اليوم بعد المباراه جواله طافي خخخخخخخخخخخخخخخخخ

فعلاً

انت لاعب من كوكب اخر

البعض يقوول اني متعصب وافكاري قديمه بالتشجيع

ياخي وش اسوووي

والله لو تشجع الزعيم تسووي مثلي واكثر

مجبوووور قسم بالله <<< بشكل مختصر

خلونا عاد اخذ راحتي ومحد مجبوور يقرا كلامي

فتحت عيني في الدنيا عليك
شسووي اعشقك واموت فيك

[من عآند أزرقنا خااسر .. ويكفينا لو ردوا عنا : طارق والشلهوب ويآسر ]

مسيره زرقاء جباره

والبقيه في الطريق

كاني طولت

لكن الهلال لو بتكلم عنه

بخلص دفتر المنتدى وماخلصت <<< صلخ

عموماً

لاجديد الزعيم وكالعاده يطربنا كشعب سعودي

اترككم الى ابداع اخر

وللابداع بقيه

[ قبصه ]

قرار من الاتحاد السعودي
* عدم نقل اي مباراة للشباب على اي ار تي 4 مراعاة لمشاعرهم

ودمتم كلبوكم