السلام عليكم ,, يسعد صباحكم بالبرد
من مناااااا ومن مناااا << ضايعه بالتعبير
الشوق .. والحنين الى الماضي وشنطة السفر << بكرة السفر بكرررهـ .. مسجات غير على الطاري الحين قطاف نقاطي ماتحركت << من الثقل اللي فيهااااا بأحدى الأيام الخوالي ابي استلهكها ويجيني مسج بخصوص النقاط تم التفعيل .. بس حسيت ماكو شي تغير اروح اسمع كم باقي نقطه العدّاد القاهـ نفسه ماتحرك
.. كيف أفعلّهااااا ؟؟ حبيت اسئلكم ولا اسئل 902<< انتظار طوويل
المهم لقيت لكم هالمسجـــــات وان شاء الله تنال على ذوقكم دون الذهاب للرف السفلي من
المخزن
أرجـوك
حطم بقبضـة جرأتك خوفك ..
قلي .. ( أحبـك ) ..
وأقول انك هـوى بالي
اسق الحنايا الضوامي غيمة كفوفك
واهطـل غلا لين أخليك وأشربك تالي
ومعـذور
لو قصـرت في حقك / ظروفك
قد قصرت في قبلك واهدمـت حالي .!!
ليـه .!
يا صـوت الألم تصـرخ عليّ
ليـه .!
يا نبض الوهـم تقسى عليّ
ليـه .!
يا دمـع الندم تخطي عليّ
وش ذنبي الـي ارتكبته .!!!
غير دمـع في ( غيابه )
كم سكبته .. وكم ذكرته
في دجى ليلـي وانتظرته
ليـت الهمـوم الي في قلبـي
في قلبـه
والله ما يرتـاح في نومـه
ثواني
ليتـه وقف لحظـة
ولا سـار دربه
درب الجفـا الي من أسبابه
أعانـي
لا تكثرهـا على قلبي ولا تشقيني
ضقت من لعبـك معي وأعذارك الكّذابة
والله الي صاد قلبي منـك يكفيني
لا تزودهـا على قلبي وتحرق أعصابه
كنت أحاول اتجنب .. " طيحتك من عيني " ..
واتغاضى عن طعونك لو انهـا غلابـة
وكل ما زاد الصبر زادت طعونك فيني
ليم ما حـلّ الفراق المر يا طـلابه
والله ان تبطي وأنا أهواك يا مشقينـي
واتغاضى عن طعونك لو انهـا غلابـة
وأعتذر عن قولتي لك .. " طايحن من عيني " ..
طحت منها .!! لكن قلبي فتح لك بابه
مشتـاق
لـ .. " جنونك و حرصـك و غيرتك " ..
حسسني اني انسـان ماني بـ عادي
ماني بـ مشتاق لحزنك و ضيقتك
هذي ما كانت يا مرادي .. مرادي
أحب اعيش الفوضوية بـ " دنيتك "
ما أحب أعيش الحب في جو هادي ./
الا يـا ساعة الفرقى
فضحتي لوعـة المشتاق
جبرتي دمعـة تنزل وهو ودهـ يخبيهـا
الا يـا ساعة
عزت دقايقهـا على العشاق
تمنوا هالعمـر يرحل ولا ترحل ثوانيهـا
تحس قلوبهـم ترجف إذا سمعت ذكر
الفراق
يعذبهـا كلام الناس عن الفرقى ويشقيهـا
تسلوا بالصبر لكن لقوا طول الصبـر حراق
عجز حتى الصبـر لقلوبهـم إنه يسليها
لهم في ساعـة الفرقى عتـاب
بالنظـر وعنـاق
لهم نظرهـ
عجز كل الحكـي يشرح معانيهـا
تعبنـا
ما بقـى فينا على كثر الكلام أعصاب
وعذرك لا لمست إيدك تخافين إندفاع ايدي
بلاهـا سيرة النخوة ودمع العفة الكـذّاب
تشظي قبلـة حمراء على أبسط تجاعيدي
نصير أحباب .. " زي الناس " .. والا ما نصير أحباب
مـا أنتي أول أحبابي ولا آخر مواعيدي
كفاني تذكري مرة
بـ انه دنيتي ما جات
على شي تمنيته
ولكن ضاع مجهودهـ
وكفاني تذكري مرة
بـ انه دنيتك لذات
وأنا دنياي من همـيّ
جنيت اليوم محصـودهـ
وكفاني تذكرهـ مرة
بـ انه بآخر اللحظـات
نطقتك اسم والعـالم
تغرب منهو مقصودة
وكفاني تذكرهـ مرة
بـ انه صحت لك مرات
وصوتي راح وأصداءهـ جفاف منك وبرودهـ
أمانـة
ان قرت عينـك حروفي أخذلي العبرات
وتعالي وأمطري قبر يبيح لاجلك سدودهـ
بينبت لحظته ورد .. وأمانة أمعني النظرات
تلاقي كلمة .. " أحبك " .. بلون الورد موجودة
بيني وبينك
أدري انه ما يهمـك
بس جيتك .. شوف عينك
منهـا أسلم عليك ومنهـا أرد اعتباري
يووووهـ لو تدري جهاتي الأربعة
.. ( بيني وبينك ) ..
كلهم من زود حبك زاحمـوا فيني يساري
خذني بقلبك دام قلبي رهينك
صعبة ترى لو شفت وشلون بسلاك
لو طفت هالعالم تراني سجينك
عذبتني واشقيت روح تمناك
لو الهوى ينطق وربي يدينك
مات الغـلا ينزف على درب ذكراك
رغم الجفـا لا زال يرجى حنينك
انكسـارهـ
لو تبي قول إندثارهـ
حزن أسود
من يمينـه من يسـارهـ
آهـ .. والمسكين قلبه
في وهـم .. هم الزمـان
ينتظر قلب يجي ياخذ بـ ثارهـ
طاح حلم كان يبنيه .. في خياله
عزتي له .!
حالته ياخوك حاله
لا تلومه
ضاع منه راس ماله
وش كثر يتعب وهو شايل في قلبه
ضيم صعب
مثل طفل فارق أمه
من يضمه
من الشتات منهو يلمه
أسمعه يصرخ :أنا من وين أمشي
والسهر نايم برمشي
مسكين
ما اقسى لحظات انكسارهـ
كل هذا وراح يبحث
في الليالي عن نهـارهـ
يهـز الشوق بـ أعماقي عناقيد الغرام عذوق
ويقطف بـ الغلا فيني غرامن خنت وأخفيته
أحبك كثر ما يشعل غرامك في حشاي حروق
وشبه زود لو يحرق ضلوعي مت ما اطفيته
احبك دمعه طاحت على خد الصباح شروق
يموت النور لو طاحت على كفي وضميته
أحبك .. ايه .. أحب اسمك وأموت بجيدك المنتوق
وتخيل كثر ما أكرهـ صدودك قمت حبيته
قال : مجروح
جاوبته : نعم
قال : ماشوف بك آثار دم .!
قلت : وان كان في ذاتي نزيف .!
قال : مابه نزيف من عدم .!
قلت : وان خان بي .. أغلى حبيب .!
قال : وهم بنيته وانهدم
قلت : ما عذبك يوم الفراق
قال : درب وتمشيه القدم
قلت : مابه سوى جلد أو شعور ؟!
قال : غيرهـ فـلا أحس بـ ألم
أوراق ..
كل الي بقى مجرد أوراق
عليها سطور وبعض أسرار
يمكن أبيات وتفاهه أشعار
وصورة في أدراج الزمن غطاها غبار
وحروف من اسمك في سلسلة فضة
و وردة حمراء جففها النهار
ومنديلك الأسود يعلن حدادي
وغرشة عطر هديتي منك في عيد ميلادي
و بسمة اذكرهـا مثل اسمي
قال : احبك و ابتسم
وذاب بـ أحضان الفرح
وبطرف رمشه ناظرني بلهفه
يشوف ردة الفعل عندي
يبي ردي بشوق وخجل
وقبل لا أنطق
أرخيت الغطوة ومشيت
وخلفي عيونه تلاحقني
تلاحق خطوتي
آهـ ياليت ذاك اليوم بقى لـ اليوم
وياليتـه ما تغير
وليته بقـى ما تغير
لا تواعدني
دخيل الله لا تبكي عيوني
وأنت عارف شنطتي دمعي وضيقاتي متاعي
سيدي والذاكرة حيّة لكنهم نسوني
الله يثبت ركون القلب في لحظة وداعي
ايه أنا .. مسافر ولكن شفني مسافر بدوني
أنت نفسي والسفر موحش ولا لـه أي داعي
الله يديم الثلاث الي بفقدك صبروني
حاجتي لك ، ارتباطي فيك ، و الشوق الجماعي
وانت الله يحفظك ويحفظني لو ان الموت دوني
والله يخفف هبوب الريح لا تجرح شراعي
في امـان الله واسمع كل ربعي وادعوني
وانت وادعني وعطني تذكرهـ رحلة ضياعي
مشيت بدنيتي وحدي ما بين الهم والأحزان
بكيت ولا لقيت الي اذا ناديت لبّى لي
رحلت اداوي جروحي وذقت من العذاب ألوان
وزادت فيني جروحي ورجعت بـ قلبي الخالي
حياتي كانت المركب وفيها كنت أنا الربان
تعبت وعيـا هالمركب يرسيني على جالي
رسمته فارس أحلامـي
وخسـارة فارسي ما بان
تخيلته وسط دنيا وعطيته شعري الغالي
أحبه وصرت أنا لـ حبه أسير وهو علي سلطان
وهو والله في قلبي لي أول حب والتالي
أسكنته في وسط جوفي وصار الدم بالشريان
أحبه وأوهبه عمري وأعدهـ كل آمالي
اصدق دموع اشوفها دمعة فراق ..
من الهدب لـ أرض طاحت حزينه
قبل يتفارق بـ الهوى اثنين عشــاق
في ساحة التوديع قبل السفينه
معاد تجمعهم مراسيل و اوراق
وكلـن بلا خله يكمل سنينه
واحد رحل وبنظرته حر الاشواق
واحد وقف تصفق يسارهـ يمينه
فـي رحلة النسيان صورهـ بـ الاحداق
.. هم .. وحزن .. ودموع .. تبقى دفينه ..
يومك تقول "حسبي الله عليك" . . .
رفعت للمولى يدي . . وقلت آمين
هذاي
للحين اسمعك . . .
واسمع بصدري دعوتك
وسهام جتني بلعنتك . . .
ابذمتك . .
ما تسمع
اللي غدت لظلمك سجين
بذمتك
ما مل ّْ قلبك من دعاك . . .
بذمتك
للحين تتحسب علي ّْ . . . ؟
وانتظروني مع مسجات أخرى
وقلنا تحديث يعني طلوا علينا بكل فترة
