ليه السهـر يا عيوني ما تملينه ؟=إلى متى ونت سهــرانه على الفاضي
ماعـاد به حلـم في الدنيـا تحرينه=رضيــت ! ولا عصــاك الدمــع فياضي
راح التّوله ووقت العطف واللينه=وجاك موت المشاعر حس وعراضي
والقلب مثلك يلـوم الوقت ويدينه=لا تحسـبينـه على حـــال العنـــا راضي
لا والله إلا دمـوعـك هي سكاكينه=كل ليله اتمر شـــاف المـوت بحياضي
دوم امتــألم ويكــتب بـك دواوينه=يسهر وناب القهــر بأقصــاه عضاضي
ينـزف على القاف ويفجر عنواينه=ويعيد نفس السؤال الحـاضر الماضي
يا دنيتـه ليـه قصـدك بس تعنينه ؟=وامـواج يمّـك عليه اطـوال وعراضي
وتجيبـه الروح بالآهـات من حينه=والشـوك بين الجفـون الواهنه ناضي
دنيـــاه خصمـه مع الأيـام وسنينه=لكــن مـن ينصـفــــه دام إنـها القاضي