Mbc 2
السلام عليكم ورحمة الله وبركاته
 اكتب هذا الموضوع وبكل غضب ...
وماني راضي على اللي اشووفه
قبل يومين وبالتحديد يوم الخميس الساعه 1 الصباح جاء فلم على MBC 2
وكان يتحدث عن مباريات خياليه لكرة القدم كأنه كابتن ماجد وفيه ضربات خارقه ومن هالخرابيط المهم انا جالس مع الشباب وبالوت وفلت حجاج
وانا مندمج مع الفلم وام الضحك وفجأه شفت اللي ما كنت باتوقع باشوفه في قناة في نايلسات او عربسات
قنااااه لها تاريخ وتاريخ
قناااه لا يعلى عليها
شفت ..
قبل ما اقول وش شفت
خلني اقولكم بعض الاشياء في هذي المحطه الفاسخه
لعلي باتمادى قليلاً في الكلام ولكن اعرف انكم فاهمين وواعين وانا اقول هالشي لاني احب اشوف ارائكم
مثلاً نشوف بعض اللقطات من الافلاام اللي تجيبها هالقناة
ان الترجمه ما يقولون ( تباً لك ) مثل قبل
يا حيها قبل .. نقراها تباً لك وعلى نياتها بس الحين ... ما يحتاج اقول وش يكتوب .. لانكم عارفين
ونقطع ثانيه
نلاحظ في بعض اللقطات ايضا .. في نقاش بين بنتين وتقول وحده للثانيه
لن اقيم علاقه مع مايكل ان جسمه ليس جذاب
<--- لا والله احلفي عاد
ولقطات وربي كثيييره بس ما اقدر اتمادى اكثر واكثر ولكن اهم شي انكم فهمتوا المقصد
ولكن لحظه
هيهات هيهات
اللي شفته قبل يومين ... هذا الشي اللي ذكرته فوق يهووون ويهوووون
يعني بصراحه للآن ماني مصدق عيني
معقوووله
شفت..
شفت..
وانتم بكرامه
مثل الصور اللي بتطبيق اخوي ماشي الحال لدرسي
وهذي هي الصورة
( تم حذف الصورة من قبل المستشار مع احترامي لصاحب الموضوع )
ولكن اللي فووق للبنت صغيره
واللي شفته للرجال 
ما كنت أتوقع ان فيه يوم وبيصير هالشي
ولكن للأسف  صااااااااااار
صاااااااااااااار
والحين كم بيت .. كم بيت هالأيام في ورعان يشووفوون هالقنوات بدون علم اهلهم
ويمكن بعلم اهلهم
ولكن اهلهم وبكل ثقه ان قناة في قمر عربسات
وما يدرون انها تخرب عقول عيالهم
وما يدرون انها خبيثه في اهدافها المستقبليه
وتسعى اللي تخريب فكرنا
وتشويشه
يمكن بكره تشوف ورع يقول للورع متهاوش معه ( تباً لك باطقك) 
كم من شاب نشوفه هالايام يقول انا ( كووول )
ولابس الجنز لبس لو تشوفه تقول هذا خبل جنزه بيطيح والاخ يفكر انها موضه( الحمدلله والشكر على نعمة العقل)
وكم من شاب نشوفه حاط السماعات ويرقص على انغام الاغاني الاجنبيه
وبط عيني اذا يفهم شي 
وكم من شاب .. اذا شاف واحد لابس شماغ وعقال .. كشر وقال بقلبه ( وع بدوي ما تحظر الناس وصلوا القمر وهو توه )
يمكن ما ادري ما بالقلوب بس انا بالجامعه شفت واحد من هالاشكال ما درى عني وقاعد يحش للربعه ويقول ( والله قهر متخلفين كثير بالجامعه لابسين ثوب وشماغ وقرف وقلة حيا) والمشكله ان ربعه سوريين ولبنانين وهو سعودي
<-- يلعن ام القعر بس
وما يدري انه ناقص عقل
السبب الأول والأخير هو هالقنوات وامثالها
ولا يخفى عليكم الآن ان بعض القنوات .. اصبحت قنوات شعوذه ومنها قناة (شهرزاد) .. وهذا اللي اسمه ابو علي اللي يزعط يعرف علم الاختفاء وعلم الدواء
ومساكين هالناس اللي ايمانهم قليل..
يصدقون الكلام ويدقووون
والله الكلام حول هالموضوع يطووول ويطوووول ولكن حبيت نتناقش بهذا الموضوع معاكم لعلى البعض يستفيد ويفيد
وبإنتظار أرائكم
__________________
يا بعد قلبي يالخوجلي
[عفواً يمكن مشاهدة الروابط للمسجلين فقط للتسجيل اضغط هنا]
8
8
أول تجربة لي بالخط الحر ... محتاج لأرائكم وإنتقاداتكم
التعديل الأخير تم بواسطة : المستشار بتاريخ 12-08-2006 الساعة 12:55 PM.
|