لاتحزن
السلام عليكم ورحمه الله وبركاته
اشلونكم جميع
عساكم بخير
والله اني لفيت في هالبيت التسبير ومالقيت مكان او قسم اسلامي خاااص
قلت وش ذالبيت ياحافظ مافيه ناس مسلمين يوحدون الله
ويومي دخلت هالقسم واشوف كم مشاركه دينيه ارتحت قلت فيه اللي ينصرون كتاب الله من هالدنمارك
والحين انا هالموضوع اول موضوع اكتبه تدرون رجل بالدنيا ورجل بالاخره الله يحسن خاتمتنا بس
وابي كل ابو البيت يقرونه مهوب لاني ابي الشهره لااااااا
ابي الاجر والثواب الله العالم
وخلني ابداء موضوعي بـــــــــ :
بسم الله الرحمن الرحيم
ابي اقول للي ماعنده دراهم وفلوس وغنى لاتحزن و تذكر ان غيرك محبوس بالدين
وابي اقول للي ماعنده سيارتن او دباب او سيكل حتى لا تحزن لان غيرك ماعنده رجلين(رجليه مبتوره) يالله لك الحمد على نعمة الرجلين
وابي اقول للي يتوجعون مثلي من الالم والتعب لا تحزن غيرنا يرقدون بالاسره البيضا من سنين ياربي لك الحمد ماقاموا
وابي اقول للي فقد ولده الله يحفط اولادنا واولاد المسلمين لاتحزن لان غيرك فقد اولاد في حادث واحد يالله لاتجيب الشر على اولادنا واولاد المسلمين اجمعين
وابي اقول للي باقي ماتزوجت لاتحزني لان غيرك متزوجات وعايشين بنكد وهم وقلة راحه الله يريح بناتنا وبنات المسلمين اجمعين
وابي اقول للي تزوجت وتعيسه بحياتها لاتحزني لان غيرك اترملت وتهجولت ومالقت من يسترها ببيت
وفي النهايه وهذي الزبده من موضوعي
ابي اقول للي اسرفوا على انفسهم بالمعاصي والملاهي الدنيويه وترك ماامر الله به وفعل مانهى الله عنه لاتحزنوا ان الله غفور رحيم
ولكن توبوا الى الله
ان شاء الله تستفيدون من موضوعي وابي الكل يرد علي ويقول قريته
وترا الموضوع كاتبته بنفسي مانقلته ولا نسخته ولزقته هنا
واذا عجبكم ابشروا بالمزيد
بس لاوصيكم الله الله في التنفيذ
|