الـزكـرتيه - عرض مشاركة واحدة

**صالح الهلالي** · 11-18-2006, 03:42 AM

هلا بالغالين

نتواصل معكم من جديد بامهات القصيد

وهالقصيده من الارشيف وفيها استعراض عضلات شوي

<< مشكلجي

بس حبوب بنفس الوقت

<< واللي ما يغلط عليه يكون معاه كذا

>>>>>> بس خلاص ما بقيت رمز الا حطيته <<<<<

اترككم مع القصيده

لو جا خبر حذف المعرف على واس
ـ ـ ـ ـ ـ ـ ـ ـ ـ ـ ـ ـ ـ وصرّح المشرف خلفت النظامي
سر يا قلم وأكتب حروفي بقرطاس
ـ ـ ـ ـ ـ ـ ـ ـ ـ ـ ـ قصيد يروي من عنا الوقت ضامي
وأشرح ووضح علتي بين هالناس
ـ ـ ـ ـ ـ ـ ـ ـ ـ ـ ـ ـ ـ ـ اللي عليهم كنت لا زلت سامي
جربت ما نفعت مجاديف الإحساس
ـ ـ ـ ـ ـ ـ ـ ـ ـ ـ ـ قدرت بعض الناس وأصبح حرامي
صبرت لين الصبر حول الى ياس
ـ ـ ـ ـ ـ ـ ـ ـ ـ ـ ـ ـ ـ ـ وصار صمتي هو دليل اتهامي
ماهو بنا اللي انثني واحني الراس
ـ ـ ـ ـ ـ ـ ـ ـ ـ ـ ـ ـ ـ ـ من شان شــّله ما تقدر مقامي
وماهو بنا اللي علتي مثل جساس
ـ ـ ـ ـ ـ ـ ـ ـ ـ ـ ـ ـ ـ الغـدر من طبعه وخبث المرامي
أنا عريب الأصل والجد والساس
ـ ـ ـ ـ ـ ـ ـ ـ ـ ـ ـ ـ ـ والمرجله طبعي وفخري عمامي
كرامتي لو سببت لي بالإفلاس
ـ ـ ـ ـ ـ ـ ـ ـ ـ ـ ـ ـ هي راس مالـي لين تبلى عظامي
ورايتي بيضا على كل مقياس
ـ ـ ـ ـ ـ ـ ـ ـ ـ ـ ـ ـ ـ ـ الله وكيــلي ثم شعـري حسامي
ما أثرت فيني مناصب ونوماس
ـ ـ ـ ـ ـ ـ ـ ـ ـ ـ ـ ـ ـ ـ ولا تخوفنـي حــروف الأسامي
ولا ني مفكر في منافق وهلاس
ـ ـ ـ ـ ـ ـ ـ ـ ـ ـ ـ ـ راسي صليب ولا حسبت الملامي
بالمختصر راجع ودقيت الأجراس
ـ ـ ـ ـ ـ ـ ـ ـ ـ ـ ـ مني الحذر لو يصبح الوضع دامي
واللي يعاندني وعدته بالأتعاس
ـ ـ ـ ـ ـ ـ ـ ـ ـ ـ ـ ـ وإن ماعقل قولوا عليه السلامي

وســــــــ

ــــــــلامتكم