قبل "اوصلك" انتبهت..وانتهى ذاك الحلم.. :: خآص بي فقط ::
السلامـ عليكمـ ورحمة الله وبركآتهـ .. 
\
/
\
/
ببساطهـ .. مجموعهـ من مسجآتي الخاصـهـ بي
بعضها يمكن يكون مكرر وبعضها يمكن جديد ..
اترككم معها ..
كنت أفكـــــــــر
وكانت أحزاني كبيره
كانت "همومي على قلبي كثيره
كثر ماتطري على بالي "عيونك"
وكثر مااطالع واشوف الدنيا "من دونك" صغيره
كثر..ماسالت دموعي
كثر..ماصاحت ضلوعي
يوم عاشت لحظة لقاك الأخيره
كنت احس إني وحيد
عايش لحالي..بلا أهل وعشيره
كني "طفل" تاه بالصحرا ولايعرف مصيره
فجـــأه.!!
شفتكـ
مدري كيف.؟!وشلون.؟!
لكني لمحتكـ
وبس شفتك انتهت رحلة عناي
وجيتك اركض
تارك دموعي واحزاني وحرماني وراي
تارك ايامي التعيسه تارك همومي وشقاي
جيتك اركض وكلي شوق
فاتح ايديني بلهفه
ودي اضمّك
ودي باحساسي المّك
ودي اشكيلك واحكيلك عن ايامي في بعدك
ودي اسأل:
عشقي باقي ياحبيبي يعيش في دمّك.؟
ودي اتناثر بحضنك واتحسس.
هو بقى لي باقي في حضنك
بس خساره.
قبل "اوصلك" انتبهت..وانتهى ذاك الحلم..
واثر هذيك السعاده مو سعاده.!!
اثرها كانت سراب
اثرها كانت خيال
اثرها كانت وهم
ومن جديد
عاد يجلدني الألـم
وعاد يطعنّي غيابك لا رأف بي ولا رحم..
آآه
ياظــــــلم السعاده
وأأه ياكذب الحلم
مشتاقه لك
\
/
(تصدق عاد)
تغيب الدنيا بغيابك
واوعد حظي لو جابك الون دنيتي وردي
واخلي موعدي بابك
(تصدق عاد)
احس الكل يحسدني على الحب اللي مسعدني
وادعي ربي يا اغلى الناس عسى عنك ما يبعدني
(تصدق عاد)
من جودك صار للدنيا وجود
في الحياة اللي معاك والالقاك
زايد فيك الغلا فوق الحدود
ما يساويك بغلا شخص سواك
اكتبه شعري عسى شعري يجود
بالحروف اللي حلاها من حلاك
كل حرف ما بلغ وصفك حسود
(تصدق عاد)
لعنبو قاف عجز يلحق مداك كل ما تذكرت عمري
ما ذكرت الا وفاك...
ولو ادون ذكرياتي ما انطبع فيها سواك...
انت اوفى من لقيته زدتعن هذا وذاك...
لا تقول اني نسيتك او افكر في جفاك...
لو تمنيت الاماني ما طلبت الا
(لقـــــــــــــــــاك)..
(تصدق عاد)
قلبي المجروح من بعدك عطيب...
ومن عقب فرقاك قلبي ما قوا..
الجروح اليوم ما ظني تطيب..
غير لا صرنا انا وانت سوا..
ما يطيب الجرح لو جبت الطبيب
صار شوفك هو حياتي والدوا
كل همي ما ابيك عني تغيب..
كن شوفك صار للخافق دوا..
(تصدق عاد)
من حزني ابكي وتبكي ريشة اقلامي..
مغير ريشة قلم عقبك تسليني ..
مشتاق اشوفك وعيت تسمح ايامي..
حسبي على الوقت ظالمني ومشقيني..
امشي بصحراء غرامك حافية اقدامي..
رحلة عذاب وعطش واحزان تكويني..
\
/
آشتاق لكـ والقلب ماهو بيديني
انت الحبيب ومالي غيرك احباب
عن حب غيرك تايب من سنيني
لاشك قلبي عن غـلاك ماتاب
غـلاك بالدنيا تــرى مبتليني
\
/
على ذكراك والمواجع والسفر والحل والترحال
طويت اخر ورق عدي في دفتر احزاني
طويته واكسر قلبي وصوتي بالمواجع سال
ودريت ان الظلام الي تحت كف السهر جاني
جلست اجمع مسافاتي واغني للسفر موال
على صفحة من الماضي بها حلمي وعنواني
بها كم سافرت عيني ليالي والظلام اهوال
وبها كم سافرت روحي باليل وحداني
حبيبي ليلة البارح مشيت من الغرام اميال
واناظر رحلة الذكرى وهدب عيني يغطيني
حبيبي كل ماتبعد تجي بالذاكره تختال
نهر من فيض الذكرى يجي من داخل اشجاني
تخيل يوم عانقني خيالك خاطري وش قال
تخيل قبل اسولفلك نشدني عنك وجداني
نشدني لين خلاني مدينه هزها زلزال
تخيل ماهدى حتى لقاك بوسط شرياني
اروح لسدره الموعد معاي لموعدك مرسال
واخاف انك تجي قبلي وترحل قبل تلقاني
هنا كانت ليالينا والغلا والمقبلات امال
وهنا كانت مواعيدك مطر تخضر به اغصاني
هنا كانت نواظرنا سوالف في كلام اطفال
وهنا كانت عصافيرك على دربي تحراني
هنا شف باقي اثارك على رمل الوعد مازال
وهنا شف دمعه طاحت من عيونك على شاني
حبيبي لاتنشدني عن اوضاعي وكيف الحال
انا بعدك سحاب ابيض اضم الريح باحضاني ..
\
/
ياليتني بينك وبين المضره
من غزة الشوكه الين سكرة الموت
او ليت شاورني القدر بس مره
ولبى مطلبي قبل ماموت
او ليت بيديني السعد والمسره
واحكم عليها دنيتك مالحظه تفوت
يفداك عمر منك يشعر بعمره
انت الحياه لنفسي وردت الصوت
\
/
عسى ماتشوف شر يانظر عيني
ليتني اخذ جروحك وبقلبي احضنها
حتى القمر ماعاد مثل اول يضويني
كيف بينور وانت انوارك مطفنها
يادار الغرام انت دومك مني وفيني
بعدك انا حتى داري ماعدت اسكنها
عساك دوم سالم وغانم وبحنينك تدفيني
عساه التعب يهجرك والافراح تسكنها
\
/
ياصاحبي فرقا الحبايب كليفه
والبعد من بين المحبين حراق
ياصاحبي لولا الظروف العنيفه
ماطاحت يدي على بيض الاوراق
يوم السديري قالها في وليفه
يليت ربي ماخلق حب وفراق
لفته بسيطه
تعبت وانا اكتب لان الوصله تطلبكم الحل 
الي اعجبته المسجات منكم يزهم علي واعطيه ارقام خوياتي
يمسجون له او لها 
|