أهلن بالعيد ... وحلاو العيد ...


عليكم السلام ورحمة الله تعالى وبركاته ....

بخير وماعلانا خلاف ولله الحمد <-- يتكلم بلسانهم يقاله المتحدث الأصلي مدري الرسمي


تقول ساره محدن ضربكم على يديكم وإلا انا مضيّع لا سمح الله

يومك خابرها شينه ليش جاي ترزز هون انت وخشتك ؟؟
الله يستر لا أفتح علبة ببسي والقاك ناقزن لي منها

حياك الله وبياك ياهذا وجعل الجنة مثواك ..... <- تسنه بدا يصير عاقلون

كان أنت محبط فأنا طفشان /:/ والحال ياخوك من بعضه <= هذا الموجز فالى التفاصيل

نتيجه وإلا شهاده <- ادري بايخه ومالها موقع من الاعراب في السالفه بس كيفي .. اعتبروها حشو

يبو أنت ماسمعت علي عسيري وش يقول ؟؟؟
اذا ماسمعت دق علي تلافون وأنا أقولك <-- يبي يدبل تسبده وبس

طيب خلاص لا تعصب بقولك ..

بس روّق يا قميل ..

ايوه تسذا خلك جدع ... مدري جذع نخله ولاتهون الحرمله

يقول علي عسيري الله مير يسلمك في قصيده له مشهوره واعتقد انها موووغناه بس منهو الفنان معرفش حاجه واصل وفاصل بعد


يقول علي عسيري <-- ياخوي اخلص تراك ابلشتنا ماصارت من اليوم يقول ولا شفنا شي


طيب طيب ... بقول

يقول : تدور الأرض وتتغير وجيه الناس .. ولا يتغير الأحساس ...

<= وصاج الأمه من اليوم ويقول ومايقول وآخرتها تدور الأرض الله يرفع عنك قل آمين بس.. ندري إن الأرض تدور وماجبت شيء جديد مير اوووص
الموهم انا الحين برمس لك < (أقعد يالاماراتي) وبقولك ليش انت تحس بالإحباط .. ياخوك الدنيا ذي صغيرونه بالحيل ..
ودقات قلب المرء قائلة ً لهو // إن الحياة دقايقن وثواني .. مدري وش اللي طراه مير طرى علي وقلته <= يحس أن رهيب يبي يكمّخه لين يضيّع الجاده ( أي الطريق وليست خارطة الطريق .... يعني ترى مالي ميول ساسية البته )

عاد اقولك أن الدنيا حلاتها كل يوم حاله .. ووضع .. ومزاج .. وإلا لو إنها على وتيره وحده وروتين واحد تسان علوم ياسلّوم ...<= مايقصد ابو حداد ولايعرفه ...
وبعدين فيه بيتين مشهوره جدن وبالحيل واكيد انت حافظها بعد ...
وتقول :

دع المقادير تجري في أعنتها /:/ ولا تبيتن إلا خالي البالي

مابين غمضة عين ٍ وأنتباهتها /:/ يغيّر الله من حال ٍ الى حالي

^
أبيات قمه في الروعه لو كل من تأملها وطبقها تسان ماصار فينا مووحبط ولا طفشان يا(ذيبان) < شرايكم في ذيبان على وزن طفشان حلوه صح ؟


الحين نجي للكلام اللي ثمرته فيه ... ياخوك لو قريت القرآن الكريم راح تجد جواب شافي لسؤالك هذا في الآيه اللي تقول ..

قال الله تعالي: ( فمن اتبع هداي فلا يضل ولا يشقي* ومن اعرض عن ذكري فان له معيشة ضنكا* ونحشره يوم القيامة اعمي* قال ربي لما حشرتني اعمي وقد كنت بصيرا *قال كذلك أتتك آياتنا فنسيتها وكذلك اليوم تنسي )



لماذا نتجنب من نعرفهم .. ربما لأننا لا نوريد أن يروننا ونحن في حالة ضعف أو أنهزام ... خذ عندك مثلا ً البكاء ..

الواحد منا اذا بكى لا يوريد ان يراه احد وهو يبكي وعلى العكس منه تماما ً

اذا كان مبسوط او فرحان فتلقاه مايخلي دابتن في جحرها إلا وناغشها ( اي ابلشها < تكفى ياللي فسرتها عاد ) جربوا حطو جملة ازعجها يمكن تنفع ...

وأنت في المنتديات أمام كتابات فقط وليس امامك ناس يناظرون في خشتك ويقرون تفاصيل الحزن أو الاحباط أو الطفش فيها وتقدر تقنعهم بكلمتين أنك سعيد او متشقق وناسه ... وإلا أنا غلطان يالربع ؟؟ <= يردون عليه الربع ويقولون لا بالله منت بغلطان طال عمرك يالامير


<= طراه دمتم سالمين

[لوحة15]كون بخير يازوووومل[/لوحة15]

__________________