السلام عليكم
كيفكم ان شاء الله بخير
امس <<< اللي هو يوم الجمعه
خارج من المنزل في وقت متأخر لصلاة الجمعه تتسابق خطواتي حتى الحق الصلاه <<< ابو رحله السبب في تاخيري قاعد يسولف معي عالماسنجر
ويقول انه وقع في حبي (قلب حبي فيه سهمين واحد مكسور)
المهم وصلت متاخر بعض الشيء لكن لحقت عالصلاه الحمدلله بس ماصليت في داخل المسجد اخذت سجاده (متجهز بسجاده عارف اني ماني لاحق) وفرشتها برا مع المتاخرين تحت الشمس
المهم لحقت الركعه الثانيه وبعد ماكبرت بثواني
اسمع صوت بزر
البزر الاول : عبد الله عبدالله وين رايح؟
يرد عبدالله : يااخي رايح البيت
رد البزر الاول : يااخي الصلاه ماخلصت اخاف امي تسمعهم يصلوا وتقول لابوي علينا؟
يرد عبدالله : ايه والله
ونحنا قد وصلنا السجود في الركعه الثانيه
واذا بصرخة بزر اخر تاتي من بعيد ليسمعها كل بزر من المنتشرين هناك
اي اي السجده الاخيره خلونا نلحق وجري كل واحد فرش سجاده واللي على الارض واللي دخل المسجد بالقوه
المهم اول ماسلم سلموا كلهم معاها وكانهم خلصوا صلاتهم
المهم كملت صلاتي وسلمت واطالع الاقي عبدالله واخوه يسولفون وراي يقول اذا خرج ابوي قل صلينا داخل المسجد عشان يقول ليه متاخرين لو صلينا برا
وبيضربنا
المهم اني مشيت ماسويت شي لان ماادري وش اسوي بصراحه ماادري وش اسوي في هالحاله
المهم حبيت اشاركم الموضوع ونناقشه نقاش جدي
تتوقعون الخطأ في هالحاله على مين هل عالتعليم او على الاهل او على الطفل والا على مين؟؟ وهل تعتقد ان الضرب حل ؟ مع ان علماء النفس يقولون يتعقد الطفل من الضرب وفي السنه وجب الضرب لتارك الصلاه اذا كان فوق العاشره <<< العاشره مساءاً
اذا خرج ابوي قل صلينا داخل المسجد عشان يقول ليه متاخرين لو صلينا برا
وبيضربنا
وهذي الجمله حسيت ان الاطفال معقدين من الضرب فهل الضرب للصلاه يعقد او ماذا؟ وش الحل جزاكم الله خير
مع العلم ان اعمار الاطفال والله اعلم كانت فوق الثمانيه سنين يعني ممكن بعضهم 11 سنه
لو كنت اب لواحد من الاطفال هذولا وش راح تكون ردت فعلك لو عرفت ان ابنك يسوي هالشيء؟
ولو كنت مكاني وش راح تكون ردت فعلك؟
هل تعتقد ان تربيتنا فيها قصور بخصوص امور الدين؟
هذا وصلى الله وسلم على خير خلقه <<<< قسم مقهور من البزوره واهلهم
8
8
8
بالله يمديك على الالوان
ومعليش ماكان تنسيق النص قد المقام لكن لغتنا على قدنا