^
^
احذفي رده ورد اللي قبله وتصيرين في ال500
الدنيا سهله يا بيش
يالربع هندينا مشتاق ( سبق وضع صوره له في الصفحات السابقه للتوضيح )
من ثلاث ايام منحاش ومقفل جواله
مدري ليه ينحاش وحنا طيبين معه
اغلب وقته راقد بس يقوم يرتب ويزين الشاهي ويضبط الشيش << جمع شيشه
وكل هذي تاخذ معه خمس ساعات بالكثير في اليوم
يوم الربوع يمكن يصير مكروف شوي
لانه يشرف على المندي وماينام الا الساعه 2
بس يسمتها نوم الى الساعه 11 نهار الخميس محد حوله
صراحه قعدت افكر ليه ينحاش وهو شكليا مرتاح
قلت يمكن عشان العيديات اللي جاته يوم العيد
بس وش بيسوي بالفلوس كلها الظاهر 400 مدري 500
لو افترضنا انه راعي عرق ( مشروب وطني يذهب العقل )
بيخرب امها ليلتين وبيرجع ويقول مريض وتنتهي السالفه
بس الرجال طلع ذكي وحنا نحسبه غبي
وشلون طلع ذكي ؟
قبل لا ينحاش بيوم مر على بعض العيال
اللي مهب مخزن جوالاتهم
وقام يخزن ارقامهم واحد واحد
الثلاث ايام اللي راحت مقفل جواله
ويفتحه اوقات واذا شاف رقم احد من العيال داق عليه
عطاه مشغول
انا قمت اليوم بعد ان كنت طريحاً للفراش بسبب الانفلونزا
وبدون مااخذ ولا حبة من الصيدليه
كلها علاجات عجز
نرجع لمشتاق مخاوي الفراق
دقيت عليه الساعه سبع يمكن
واستانست انه فتح جواله قلت يمكن رجع الاستراحه
وقعدت افكر وش اقوله لو رد علي وقال شنو يبغى انته؟
لغة التفاهم معه صعبه
قلت بقوله مشتاق وين انتا استراهه بدونك مافيه هلوو
اختصر علي مسافة التفكير
وعطاني مشغول بعد رابع رنه
عاد تبون الجد انا من الناس اللي مايبونه
بس الاستراحه صايره زريبه
الواحد لا قام مايشيل شيشته
والشاهي اسود من امس
والطفايات كنها شعر عجوز << امحق وصف
والنشافات في كل محل منطله
نداء من الاعماق
الى هندينا مشتاق
ارجع يابو فسيه
لا تشمت العدوان عليّه
صدق من قال
الاستراحه بدون هندي
مثل الضابط لا نزلوه جندي
بعيدا عن مشتاق وقريبا الى سوالف اول
اليوم الصبح جالس اتقهوى مع عجوزين
وقاموا يسولفون لي عن طريقة الزواج عندهم اول
طبعا كل قبيله لها سلوم وعوايد في استقبال العروس
اذا جات مع زوجها
الكلام طبعا هذا قديم قبل 50 سنه وحولها
تدرون وشلون يستقبلونها ؟
نقلا من العجوزين
بالرجم
من حد معين الين تدخل بيت زوجها
يعني مسافه معينه يرجمونها الين تدخل
امحق عوايد
طيب واذا فلقتها حصاه في علباها
او جات حصاه بالغلط في راس زوجها
او ضربت في وحده من الطقاقات اللي معها
بس اكيد لهم حكمه في ذلك
يمكن يبون جسمها يتعود على الضرب
لان الرجال اول ما يرحمون >> امحق حكمه
من عذر الحين المره تزمر على زوجها
لانهم مستقبلينها بالورود والاغاني
ارجموهم عشان مايرفعون صوتهم >> يارجعي
هبهب والشيطان ينهب