السـلأأم عليكم
صــح انــها اول مشااركــه على انهــا عنيــفــه شووي بس تقبلووهـا

بدري حبيبي توه الجرح ما طـاب
زيدي همومي واجرحي واتركينـي
سيف ركزته وسط قلبي ولاهـاب
كمل جميلك اطعـن اليـوم عينـي
مابي عيوني تشتكي جور الأهداب
ولاأبي احد غيري يـداوي انينـي
ماقد طلبتك بس انا اليوم طـلاب
وابي على كثـر الرمـل تكرهينـي
لأني كرهتك صدق ولانيب لعّـاب
صعبه على مثلـي خيانـة حنينـي
يامـا جرحتينـي بليـا اسبـاب
وهالمره عـاد اقـول لا تحترينـي
لاتحتري قلب شكى الضيم منصاب
تعب يذوق من القهر مـا يجينـي
جرح الكرامه ماهوب جرح كـذاب
عند الكرامه ابيـع حتـى ضنينـي
عودت انا نفسي على جلد وعطاب
لامن قصرت يمناي بقطـع يدينـي
نفسي عزيزة لو هو العشق غلاب
ماهنت انا نفسي وتشهـد يمينـي
قلتيلي انساني انا اقـول بتـراب
بتراب ابيعـك دام بعتـي سنينـي
خلاص روحي لعنبو قلب ما تـاب
روحي لهوى غيري وغيرك يبيني
الحين روحي اقفلي بعدك البـاب
ابكي على نفسك وبعديـن ابّكينـي

__________________
[عفواً يمكن مشاهدة الروابط للمسجلين فقط للتسجيل اضغط هنا]