الـزكـرتيه - عرض مشاركة واحدة

**بيـــــــــش** · 10-14-2006, 06:47 AM

وعليكم السلام ربيعتي (وجه سبـيـCHــه)

وشلونتس وعلومتس

باك متأخر حبات كثيرات

اقتباس:

سلامن عليكم يا الربع المرترنبع
مرحباً ترحيباً كلهــــــــــا تراااااااااااب في وجههـ من عداااااااااك وانتم محشووووووووووووووووووووووووووووومين

الظاهر ان بتس عرق فارسي على هالحتسي

ماعلينا

اقتباس:

بيش مدري من وين جايبه ذا الاسم <تحس ان اسم بيش اسم مخلوق فضائي في كوكب زحل

استوحيته من صهيل الخيل وحفيف الأشجار

الصراحة أنا شفت أعضاء المنتدى أغلبهم متقاطّين في حرف الشين

قلت حشرن مع الناس عيد والدنيا أخذ وعطا

وفكرت أجمع أكثر الحروف الشائعه بين أسماء الأعضاء

خذي عندتس مثلا

الباء : من سحابة وقلب نصوص والعتيبية الله يردها من غيبتها

والياء : من القرش

وشيختهم وشقردية وماشي وشباب وشهد والعميد وميلاني والمنتفخ وهجير ونملة وحبايبي كلللللللهم

والسامعين يقولون آمين >> شقرديه تعالي قولشي

و الشين خذيتها من سلف خمسة

حتى اسألوا بابا ماشي ويعلمكم سالفة النقطة الثالثة اللي عياّ يعطيني اياها سلف >> جد وين النقطة ياماشي

واللي ماذكرت اسمه يحللني ويبيحني ويسامحني على القصور

اقتباس:

وانا جالسه بحصه الادب ومستمعه جيده للمعلمه

تصدقين ماعرفتتس وانتي تقولين معلمة

على بالي رنا صلاح زكي شعبان >> ذكريني أوريتس اياها في الفسحة بعد العيد

ماهقيتتس مستمعه جيدة وانتي كل حصة يرسلونتس لدورة المياه تغسلين وجهتس يالخرتيت << مخلوق لطيف

أنا أنصحتس تجيبين معتس سطل ماي للفصل عن مشاوير الروحه والجيه

اقتباس:

الا بيش ينقلب وجهها قوس قرح

قرح يقطع فخوذ العدو

اقتباس:

وانا اختك في سالفه بيني وبين ابو تمام

عاد اانا في ها الوقت طاحت بيش من عيني اثرها تعرف ابو تمام وهو معرس ومعيل

حطي لعويناتس سور لاأحد يطيح منها مرة ثانية

هو المعرس والمعيل ماله رب يعني

بعدين شباب ذاك الوقت كانوا رخوم وشيون ومابينهم من يقال له حي ذا الوجه

مالقيت بوجهي غيره

وياليتتس معي ذاك اليوم يوم كنا رايحين للقاهرة في قروب سياحي

وتقابلنا أنا وهو صدفة على جال النيل

وبحكم انه رجالن مشهور بغيته يوقع لي على بلوزتي

وأثناء التوقيع قام يسولف لي عن حياته وقصايده

وطالت السوالف ألين عزمني على رحلة في عرض النيل

ودخلت معه وهو اللي يقط ذاك اللوح على الما ويركب ويركبني معه

ويجيه شيطان الشعر في مخه ويرتجل هالبيتين

انظري إلى الشمس فوق النيل غاربة .... واا عجبي لما بعدها من حمرة الشفقِ

غابت وأبدت شعاعا منه يخـــــــــلفها .... كأنها احترقت بالمــــــــــاء في الغرقِ

ويوم قلت له صح لسانك

تجرأ وصكني ببيت غزل ويوصف جبهتي

حتى كأن جلابيب الدجى رغِبت .... عن لونها أو كأن الشمس لم تغبِ

وخيتتس راحت ملح بعدها وذابت في دباديب غرام اللي خلفوا أبو تمام

اقتباس:

وراوح اجيب لها كاس ماي بس خساره قالت لي انا صايمه ولا كنت ناويه اشربها الماي عشان اذا خلصت اقول لها اقضي اليوم تراك افطري<نذله

لغير الناطقين بالفارسي

وراوح = أروح

افطري = أفطرتي

اقتباس:

وربي قصتك تقطع القلب الله ياخذ ابليسه

خلاص يازكرته كل شي انتهى >> اندمجت ترى

ولاتدعين على ابليس تراه مربوط هاليومين وقافله معه

لاتخلينه يحطتس في باله ومن يطلقونه ليلة العيد تشوفينه راكبن على كتوفتس

<< اللهم انها صايمه

اقتباس:

بعدين انا ابي اقعد على حبي حق ابو تمام حتى لو هو تخلى عني

وفيّه يابيش يا بعد زكرته والفصل كله

غردي غردي خلي الشايب وعصاته يقنع اني حساسه وعاطفيه >> حقدت عليه

اقتباس:

المهم ومن ذاك القرن ولا كلمتها حتى اذا مريت من جنبها لا تسلم علي ولا اسلم عليها وانتهت صداااااااااااااااااااااااقتنا اللي دامت خمس طعت سنه بسبب ابو تمام

عفواً اختي زكرته

حبيت أنبهتس لنقطة أغفلتيها سهواً

اذا صرتي تنقلين قصة تاريخية وملحمة بوليسية عظيمة مثل هالقصة

لازم تدققين في التواريخ وزمن الحادثة

أي خمس طعت سنه

وانتي تقولين ان الحادثة صارت في
7
7

اقتباس:

اللي هو اليوم يوم الثلاثاء بتاريخ 4_9_1427

تحري المصداقية وإلا والله مرده المخزن

ترى الكذب وقلب الحقائق والمسلّمات غير مقبولة في السواق

إلا اذا كانت ماتخوريش الميّه

اقتباس:

قصم قصمات الموضوع مو ملوطش ولا مسروق من تاليفي هع هع يعني لايروح المخزن ولا انتحر فهمتي يا بيش

حتى بآخر سطر مخربتها

ملطوش ماهوب ملوطش عساتس اللي يلوطش وجهتس

والمخزن كان ماد يديه لموضوعتس ذا بس اربضت على ماسهّل الله

بانتظار عمتتس والمفاطي >> أكيد فهمتيها يازكرته آية الله

زكروته خانو

سي يو أفتر ذا عيد سو ماتش وناسه

يعني نشوفك بأحسن حال

<< كل الناس يتوهقون في الخاتمة مو بس أنا