يا قلب وين اللي تحبه وتغليه =اللي على شوفه تسوق البشاير
له مدة غايب ولا جاك طاريه =من بعدها والفكر ضايع وحاير
أول إذا جاني تسوقه خطاوي = يفز له قلبي وتعمى البصاير
أول إذا جاني ثرى القلب يحييه = وأصير كني شيخ شمل العشاير
واليوم أنا مشتاق أسمع حكاويه = وأرقد على صدره وأفل الظفاير
العام مثل اليوم هذي حراويه = له عادةً يقبل كما الطير طاير
إذا حضن صدري وشبك أياديه = بيدي ما كني إلا مالك الكون صاير
يحبني لكن ذبحني تغليه = ما يدري أن الصد في الحب جاير
صد وهجرني ثم كثرت مساويه = أخاف من صده تبوح السراير
من غيبته والقلب زادت بالاويه = من غيبته في القلب شبت سعاير
من غيبته والقلب زادت شكاويه = كنه مزلزل مثل ما جاء الجزاير
يا ما نهيت القلب عن حب كاويه = حُبً تسبب لك بكثر العبا ير
أن عاش راسي والله إني لا أوريه = تدور في يوماً عليه الدواير
لشفي غليلي منه والقلب أداويه = أسقيه من كاس القهر والمراير